Fan ko Primary—Mornga’agen e Ngiyaal ko Yoen’ e Tang nge Mo’olung ko Sakrament nifaan e Presentation ko Bitir

Fare bisof e ire bayi gagiyegnag rogon, machane fare mo’olung ko sakrament ko bitir e susun ni yima tay ko bin aningeg e quarter ulan fare duw. Primary presidency nge tiyugang’ ko musik, e ngar muruwel gad reb fare counselor ko bishopric utabang ni’ir e baga’ ko fare Primary ngar fal’aged rogon fare presentation.

Fare presentation e susun ninge dag e n’en nibe fil e bitir u tabinaew nge lane Primary ni mornga’agen fare bin Kakrom e M’ag, nib mu’un urngin e tang ngay ko Primary nikan tang nag ulane re duw nem. Napan e gabe fal’ag rogon e re presentation ney, mu lemnag rogon ni biney erayog ninge ayuweg e gidii’ ninge tafney niged fare Tathapeg nge fapi machib Rok.

Unit nib achichig ni buchu’w e bitir riy erayog ninge lemnag rogon ninge un chonggin e tabinaew ngay nge ayuweg e bitir rorad. Rebe memba ko bishopric erayog ninge weliy in e thin u tomuren fare mo’olung.

Napan e gabe fal’ag rogon fare presentation, tin ni ba’aray ni mornga’agen e nga i par ko tafney rom:

• Ngiyal’ ningan fil rogon e susun ni dabi yoen’ loen e klas ko Primary fa loen e tabinaew.

• Sassing, fa madne custumes, fa presentation ko media e dani mat’aw ko ngiyal’ ne mo’olung ko sakrament.

Muguy ko General Handbook: Pigpig u lan Fare Galasia ku Yesus Kristus ni fan ko gidii’en Got ko Tin Tomur e Rran, 12.2.1.1, Gospel Library.

5 minut (Primary presidency): Bin som’on e meybil, rebe vers ko babyor nib thothup fa rebe kenggin lik’ngin e mich, nge rebe tok

20 minut (facha’ nib ga’ ko musik): ngiyal’ ni ngan yoen’ e tang

Fare Primary presidency nge gacha’ nib ga’ ko musik e ngar mel’eged e tang ni yalen e be fil fapi bitir mornga’agen ulane klas nge lane tabinaew. Tang nibe dag rogon e pi yalen ney ni yibe fil e kan uneg ngalane rake babyor ney.

Napan e yibe fil e pi tang ney ngak e bitir, piningrad ningar weliyed e pin’en nikar mu’gad i fil ko pi yat ney nge yalen nibe machib nag e pi tang ney mornga’agen. Pining fapi bitir ni ngar ser niged e tafney rorad nge tin niyad be thamiy nibe weliy e pi tang ney nib riyul’.

Fare Children’s Songbook e bin nib moem e ayuw nifan e musik ko bitir. Hymns ko babyor ko tang nge tang nibay ko Pi Tafagar e krayog ningan yus nag. Ma krayog ningam yus nag e tang ko Hymns—Nifan e Tabinaew nge Galasia. Boche musik nib thil ko tang ko Primary e bt’uf ninge pi’ e bishopric mot’won (muguy ko General Handbook, 12.3.4).

Ngiyal’ e tang e susun ninge ayuweg e bitir ko fil mornga’agen e gospel nib riyul’. Tin ba’aray e llowaen’ nib be’ech e susun ninge powi’iyem ko rogon ni ngam sensey nag fapi yalen e gospel nibay ulan fapi hymn nge tang ko Primary.

Bi’eg e babyor nib thothup nibay rogon ngay. Oren e tang nibay ulan fare Children’s Songbook nge tang ko hymnbook, e ba l’aeg rogon ko babyor nib thothup. Ayuweg e bitir nge be’eg boch e pi thin ney ni mornga’agen, min weliy rogon nib l’aeg rogon e biney e thin nib thothup ko fare tang. Krayog ni ngam list nag boch e pi thin ney ko babyor nib thothup ko board mag pining e bitir ninge puluwnag ko fare tang nibe weliy mornga’agen.

Yoel ko gin nibay e layn riy nib blank. Mu yoloey e thin ko fare tang ni yibe fil nga dakean e board mag luf in e thin riy. Nge mu’ mag yoeg ko fapi bitir ni ngar yoen’ed e tang, miyad be matal ko fare thin nibe yaen ko gin nibay e layn riy nib blank. Napan e bay rted e thin ko fare blank, min weliy mornga’agen fare yalen e gospel nikan fil ko fapi thin nikan l’uf.

Micheg nag mornga’agen. Moeg in e thin nibe micheg nag mornga’agen e gospel nib riyul’ nibay ko fapi tang ko Primary. Ayuweg e bitir ni ngayog ni ngar nangfaned ni yoen’ e tang e ir reb kanawo’en ni rayog ningar weliyed e mich rorad miyad thamiy e Kan ni Thothup.

Par ni gur be’ ni gabe micheg nag mornga’agen. Pining e bitir ni nge weliy etin nike fil ko fapi tang ni yad be yoen’ fa weliy e n’en nibe thamiy ko tin nibe machib nag fapi tang. Fith ngorad ko mange yadbe thamiy napan e yadbe yoen’ fare tang, mag ayuwegrad ni ngar guyed rogon nibe micheg fare Kan ni Thothup ngorad.

Rayog ngam use nag e sassing nibe dag ya’an. Mu fith ngak e bitir ni ngar ayuweged gur i fal’ag e sassing ni ya’an e thin ko tang. Mu fith ngorad ni ngar weliyed rogon nibay rogon e pi sassing ney ko fare tang nge n’en nibe machib nag fare tang. Woed ni, fa’anra gabe sensey nag e bineye tang “When He Comes Again” (Children’s Songbook, 82–83), ma rayog ni ngam tay ya’an e sassing riy ulane singgil nibe yipfan e thin nib ga’fan ko fare tang (ni woed e pi angel, ayis, nge t’uf). Moeg ko fapi bitir ni ngar kulnguyed fapi sassing nga tabaang mar ayliyed rogon nib yaram rogon ma yaed be yoen’ e tang utabaang.

Machib ni yibe murwel ko chugum. Rayog ni ngam use nag gban’en ninge thogthog nag etin ningan weliy ni mornga’agen fare tang. Woed ni, napan ni yibe yoen’ e tang “My Heavenly Father Loves Me” (Children’s Songbook, 228–29), ma rayog ni ngam dag ngak fapi bitir e sassing ni ya’an e archa’, n’uw, fa floras. Biney erayog ninge powi’iy etin ni gadad be weliy mornga’agen ko fapi pow ko t’ufeg rok’ e Chitamangiy nu Tharmiy nib liyegdad.

Piningey ngan weliy etin nike buch rom. Ayuweg e bitir ni ngar guyed rogon e pi yalen ney nikan machib nag ko tang nibay rogon kotin nibe buchbuch rorad. Woed ni, um’on ni ngan yoen’ e “I Love to See the Temple” (Children’s Songbook, 95), rayog ningam fith ko bitir ningar tininged pa’rad ngalang ni fa’anra bay bigyad nike guy ya’an e temple. Piningrad, ni napan ni yadbe yoen’ e tang, ma ngar tafney niged e n’en nikar thamiyed napan e yadra guy e temple.

Fith e duwer. Bo’or e duwer ni rayog ni ngam fith ko ngiyal’ ni gabe yoen’ e tang. Woed ni, rayog ningam fith ngak e bitir ko mange ran’en nikar filed ko fapi vers ko tang. Ma krayog ni ngam fith ngorad ni ngar tafney niged boche duwer nibay e fulweg riy ko biney e tang. Biney erayog ninge powi’iy etin ningan weliy nib riyul’ nibe machib nag mornga’agen fare tang.

Use nag pa’am ninge dag ya’an. Pining e bitir ni ngar lem niged rogon ni ngar ranod u ya’an pa’rad me ayuwegrad ko fapi thin nge mulwol nibe weliy fare tang. Woed ni, napan e bay ni yoen’ e tang “Search, Ponder, and Pray” (Children’s Songbook, 109), ma rayog ni ngam moeg ko fapi bitir ni ngar yip’ed pa’rad ko gin nibay owchrad riy ma yadbe yoen fare tang ni ngan gay e thin ulan e babyor nib thothup, yip’ed pa’rad nga llolgenrad ma yad be yoen’ e tang ko mornga’agen ni ngan tafney nag, miyad quchmiy pa’rd miyad be tang nag mornga’agen e meybil.