Come, Follow Me
Appendix D: Fapi Klas ko Ulung ko fare Aaronic Priesthood nge Young Women—Agenda ko Mo’olung

“Appedix D: Fan ko Fapi Klas ko Ulung ko fare Aaronic Priesthood nge Young Women—Agenda ko Mo’olung,” Moey, Ngam Lakeg—Fan ko Tabinaew nge Galasia: Bin Kakrom e M’ag 2026 (2026)

“Appendix D,” Moey, Ngam Lakeg: Bin Kakrom e M’ag 2026

Appendix D

Fan ko Fapi Klas ko Ulung ko fare Aaronic Priesthood nge Young Women—Agenda ko Mo’olung

Yaar ko fare mo’olung:

Gagiyegnag (rebe memba ko fare klas fa rebe ulung ko presidency):

Bing

Hymn (fa’anra bay):

Meybil:

Sul udakean fare Theme ko Young Women fa Theme ko fare Ulung ko Aaronic Priesthood.

Puruy’nag mornga’gen u ta’abang

Ni facha’ nikan duugliy e be gagiyegnag fare mo’olung, ma fare klass fa fare ulung e ngar puruy’gad utabang ni gonapan e 5 fa 10 e minut ko rarogon fapi muruwel rorad ko fare muruwel rok Got ko thapeg nag e gidii’ nge n’uf ngalang ko bin th’abi tolang e falfalaen’. Ireray e ngiyal’ ni rayog ni nge weliy fapi klass fa fare quorum presidency etin nikan weliy ulan fapi mo’olung ko presidency fa lan fare mo’olung ko youth council ko ward.

Facha’ nibe gagiyegnag fare mo’olung e rayog ninge weliy reb e pi duwer ney:

Fol ko gospel

  • Mang reb e ban’en ni fini buch rom nike gelnag e mich rom ngak Yesus Kristus nge gospel Rok?

  • Mang e gadad be rin’ nibe chugur nagdad ngak fare Tathapeg? Uw rogon ni gadad be gay rogon ni ngad boded Ir?

  • Uw rogon ma kad thamiyed nibe powi’ydad Somoel ulane yafos rodad?

Ayuweg e gidii’ nibe gafgow

  • Mini’ e kab ko tafney rodad ni ngan ayuweg? Mang boch e muruwel nikad thapagned ni ngan ayuweg be’?

  • Mang e be gafgow fapi chonggin e klass rodad riy fa be gafgow fapi quorum riy? Uw rogon magdad ayuwegdad ko pin’en ni gadad be gafgow riy?

  • Bay be’ ni fin gi yib ngalan e ward rodad fa fin gi un ko Galasia rodad? Uw rogon min ayuwegrad ngar thamiyed e t’ufeg nikar bad?

Pinning gubin ni ngar thapeged fare gospel

  • Mang erayog ni ngad rin’ed me thamiy e gidii’ e t’ufeg ku Got?

  • Bay e pi gosgos nga m’on ni rayog ni ngan pining boch e tafagar nge un ngay?

  • Mang e kan tanameg ko ser nag e gospel e kan puruu’nag ulan fare mo’olung ko youth council ko ward? Uw rogon me un fapi klass fa fare ulung ngay?

M’ag e tabinaw nga ta’abang ko manechubog

  • Mang boch e kanawo’ nib mangil ni rayog ninge peth nagdad ko gidii’en e tabinaew rodad, nib mu’un e galibthir nge fapi cousin rodad ngay?

  • Mang e gadad be rin’ ko fapi ngochol ko gidii’ rodad ni kakrom nib t’uf fapi gam’ing ko temple rorad? Mang e rayog ni ngad rin’ed min ayuweg e gidii’ ni nge patag fithingan e gidii’ rorad ni kakrom?

  • Uw rogon magdad un boch ko fapi pigpig u temple—ni go’ gur rom nge fare klas fa gimed fare ulung?

Filed mornga’agen uta’abang

Rebe tiyugang’ nib ilaal fa rebe memba ko fare ulung fa fare klass e nge gagiyegnag etin ningan be’eg ko fare Moey, Ngam Lakeg . Ngar filed mornga’agen etin nibay ulane Moey, Ngam Lakeg—Fan ko Tabinaew nge Galasia. Boech e llowaen’ ni ba be’ech ningan fil nge biney e ikon ko seminary ikon e puluw rogon kotin ni yibe fil ko seminary nge gidii’ nib fal’yangren. Machane, demuturug ko bin ngan ko pi llowaen’ ney e rayog ningan fanay. Giney ko re mo’olung ney e susun ni 34 iyaen ko 40 minut nu’mngin napan.

Ning

Facha’ nibe gagiyegnag fare mo’olung:

  • Michegnag yalen e pin’en nikan machib nag.

  • Weliy rogon ni nge un e klas ngay fa fare ulung ni ngar rin’ed e pin’en nikar filed mornga’agen—utabaang fa yad rorad.

Meybil.