Genesis 12–17; Abraham 1–2

“Kuht nuhkwewa eklac ke srihpen sucu lasr [ac] facsin lasr,” Elder Neil L. Andersen el luti, “ac inge Nga luhlahlfongi oasr acn se insiacsr ma kuht muhkwena kuh kais sie karingihn ac oraclah. … Sahflahiyac, luhngse in kuht uh eltahl use moul ac eltahl liyeyuck ke orekma lasr uh” (“Educate Your Desires, Elder Andersen Counsels,” ChurchofJesusChrist.org). Motko fuhkah Abraham 1:1–19 el ahkuhtweyac ma Elder Andersen el tuh luti ac. Kihsen siyuck ohinge kuh in kahsruh:

• Meac Abraham el kena kac? Ma el kena kac kahlwem fuhkah ke orekma lal? God el kahsruh fuhka kena lal ah?

• Meac kena lom uh? Eltahl liyeyuck fuhkah ke orekma lom an? God el kahsrwe kom fuhkah?

• Pweng fuhkah fuhs inge oruh nuh sin mwet ma sucu lalos tiacna luhngse ma pwacye?

Sie sin ma Abraham ac Sarah kena kac—in oasr tuhlihk nahtuhlos—tiac sikyak ke lusen yac puhs (see Genesis 15:1–6). Meac kom lotwelah ke Hebrews 11:8–13 lah fuhkah ke Abraham ac Sarah sun ma upac? Mwet Lahngo el kahsrwe kom fuhkah in “sruokyac kuh” olwelah Lal, finne eltahl arlac “loes suhlah”?

Liye pac “Deliverance of Abraham” (video), Gospel Library.

1:38

Efuh kuh yohk srihpac nuh sum in etuh ke wuhlweacng God el oraclah yohrohl Abraham ah? Mweyen God el luhngse oraclah kain wulweacng sac yurum. El olwelah muh wuhlweacng se inge fah tuhtahflah ke kasrpacl Abraham, kuh “fihtac,” ac tuh “pihsen mwet ma eis Wosasuc se inge ac fah … oekyuck muh fihtac lom” (see Abraham 2:10–11). Ke kuhtuh kahs sahyac, wuhlweacng se inge tuhtahflah keim—ke kom pacptaislac ac ahksahfyelah kwewa ke kom orek wuhlweacng lun tempuhl (liye Galatians 3:26–29; Doctrine and Covenants 132:30–32).

Ke srihpac sacn, sahp kom ac luhngse lutlut ke Abraham 2:6–11 ac oraclah tahk soko ke ma, na pwacye, God el olwelah nuh sel Abraham ac Sarah (liye pac Genesis 12:1–3; 13:15–16; 15:1–6; 17:1–8, 15–22). Mwe insewowo inge orekma fuhkah nuh in moul lom?

Kuhtuh sin mwe insewowo inge oasr mahsrol wacngihn sahflahiyac. Fuhkah tuh olwelah uh oacna acn ke usru kuh sie mwe kahsruhp ahkfalyeyuck nuh tok ma pahtpaht?

Sahyen olwelah mwe insewowo, God el fahk nuh sel Abraham in “oacna sie mwe insewowo” (Genesis 12:2; mwe ahkuhtweyac ituhkyang wi pac). Kom nuhnkuh tuh meac kalmac? Kom acsie mwe insewowo fuhkah? (see Abraham 2:11).

In luti ke wuhlweacng, Elder Dale G. Renlund el sruhmuhn ke noa tok ke Amazon River, ac Prestuhn Emily Belle Freeman el sramsram ke fahsr ke inkacnek yotyot ke niac muhsahllah se (see “Accessing God’s Power through Covenants,” Liahona, May 2023, 35–37; “Walking in Covenant Relationship with Christ,” Liahona, Nov. 2023, 76–79). Sokwack sie kuh kwewana pweng inge nuhke pohloh kahs ma topuk kihsen siyuck sac “Efuh kuh God el kena ngan orek wuhlweacng Yohrohl?”

Liye pac Sifac ac Kihsensiyuhk, “Abrahamic Covenant,” Gospel Library; “Thoughts to Keep in Mind: The Covenant,” ke mwe kahsruh se inge.

Petsacelac ke kom fahkuhlwacng Melchezidek nuh sin sie mwet suc tiac etwacl. Meac kom ac fahk? Suk mwe nuhnak ke Joseph Smith Translation, Genesis 14:26–27, 33–38 (ke Pwacpuhl appendix); Alma 13:13–19; Doctrine and Covenants 107:1–4. Meac wo emet ke moul in Kraist kom konwacack ke ma sruhmuhnyuck kacl Melchezidek inge? Lutlut lom ke moul lal Melchizedek ekuhllah fuhkah ohiyac kom liye ke Melchizedek Pristut?

Meac kom lotwelah ke elah lal Abraham ke mwe kahsruhp ke Genesis 14:18–24 ac Joseph Smith Translation, Genesis 14:36–40 (ke Pwacpuhl appendix)? In mwe srihkasrak, esam top lal nuh sin tohkohsrah luhn Sodom keGenesis 14:23. Ahkostwen nuhke masap ke sie tahfuh singucul ekuhllah fuhkah liye lom ke mani uh?

Ke kom riti Genesis 16, kom ac kuh in nuhnkuh ke pacl se kom puhla muh orek kom siena, oacna ke Hagar el tuh puhla. Esam lah “Ishmael” kalmac “God el lohng.” God el ahkkahlwemye nuh sum fuhkah lah El lohng kom?

Liye pac “Secret Prayer,” Hymns, no. 144.

• Ke kom ac tuhlihk nuhtum riti Abraham 1:18 ac 2:8, kom kuh in solwaclos in lohng ke sie ip ke mahno se ma fack ke kwewana fuhs ah. Sahp komtal kuh in oruh sie sritacl ma sie tuhlihk fah mutullac ac kom pwen tuhlihk sac ke pahol nuhke sie acn. Na kom kuh in sruhmuhn lah fuhkah puhla lasr ke Jisus el pwen kuht ke pahol ac karihngihnkuhtyang.

• Tuhlihk nuhtum an sahp engan in orek sritacl ke sramsram keGenesis 13:5–12, oruh in muh Abraham, Lot, ac mwet liacacng kosro. Kuht ac ukwoe fuhkah srihkasrak lal Abraham in sie mwet in ahkmisye yurin sucu lasr kuh kawuck? Srihke orek sritacl ke top lalos.

• Motko in sang tuhlihk nuhtum an in liye mwe nenyuck ke pohkpohk, itu yen engyenguh ke fong, kuh petsac se ke sahflahiyen ma ahkuhtweyucki inge. Kuh in kahsrweltahl in kahlwem ke olwelah luhn God ke Genesis 13:16; 15:1–6. Sruhmuhn lah kom lotwelah fuhkah in luhlahlfongi ke olwelah luhn God, finne ke pacl eltahl liyeyuck muh koflah sikyak.

• In luti tuhlihk nuhtum an ke wuhlweacng, siyuck eltahl in fahk nuh sum pacl se eltahl oraclah olwelah se kuh mwet se oraclah olwelah se nuh seltahl. Fin kahsreacng, akacsruhi ke kuhtuh ma sikyak nuh sum sifacna—weacng wuhlweacng kom oraclah yurin God ke kom pacptaislac kuh lun tempuhl. Wuhlweacng lom an ekuhllah fuhkah kuhpwahsr lom nuh sin God? Sulaclah kuhtuh pohloh kahs ke Genesis 15:1–6; 17:1–8; Abraham 2:9–11 in akacsruhi ke kuhtuh mwe insewowo God el olwelah nuh sel Abraham ac Sarah.

• In kahsruh tuhlihk nuhtum an in ahkolah in oraclah sie wulweacng yurin God ke eltahl pacptaislac, kom kuh in orekmakihn kuhtuh mwe nuhnak in mukuikui tohuyak ke appendix A or appendix B.

• Ke moul lal Abraham oasr in mwe sensen, el pahng nuh sin God. Ke Hagar el muhkwena yen mwesis ac, el etwacack lah God el lohnguhl. Motko in akacsruhi ke sramsram lukwoac inge yurin tuhlihk nuhtum an: “Abraham and Sarah” ac “Hagar” ke Sramsram ke Wuhlweacng, 28–31, 32–33. Meac kuht lotwelah ke God ke sramsram inge? Na kom kuh in akacsruhi yurin sie sin sie ma sikyak ke kom puhla muh God el lohng kom. Soko on oacna “A Child’s Prayer” (Children’s Songbook, 12–13) kuh in pahtok mwe lutlut se inge.

2:20

1:23