Fahsruh, Fahsr Tukuk
Mwe Kahsruh In Weacng B: Nuh sin U luhn Tuhlihk—Ahkolah Tuhlihk an nuhke Lusen Moul Lalos Fin Facluh ke Inkacnek in Wuhlweacng luhn God

“Mwe Kahsruh In Weacng B: Nuh sin U luhn Tuhlihk—Ahkolah Tuhlihk an nuhke Lusen Moul Lalos Fin Facluh ke Inlacnek in Wuhlweacng luhn God,” Come, Follow Me—For Home and Church: Wuhlweacng Mahtuh 2026 (2026)

“Mwe Kahsruh In Weacng B,” Come, Follow Me: Wuhlweacng Mahtuh 2026

Mwe Kahsruh In Weacng B

Nuh sin U luhn Tuhlihk—Ahkolah Tuhlihk an nuhke Lusen Moul Lalos Fin Facluh ke Inkacnek in Wuhlweacng luhn God

Ke mahlwem ma oasr sacnri limekohsr kac, mwet luti luhn U luhn tihlihk srihsrihk ngihsrweyuck in ahollah mwe lutlut ke Come, Follow Me ma tahklac ke Sacnri ahklimekohsr ke sie kuh luo sin mukuikui in lotwelah inge.

Ip yohk ac Akwuck muhtahl ke Wosasuc luhn Jisus Kraist

Mwe luti luhn Kraist luti kuht lah kuht ac fuhkah fohlohk nuh yohrohl God.

Ke Jisus El muhtwacta yurin mwet fin acn Macrike ah, El lotwelos ke wosasuc Lal. El fahk lah kuht kuh in ilyak nuhke tohkohsrahi luhn God fin kuht luhlahlfongi, auliyak, pacptaislac, eis Nguhn Muhtahl, ac kampare nuhke sahflah (liye 3 Nephi 11:31–40; liye pac Doctrine and Covenants 20:29). Ma in orek ten inge kuh in kahsrwekom in luti tuhlihk an lah ip yohk ac akwuck muhtahl inge ac kahsrwekuht in fototoyang nuhsin Mwet Lahngo ke lusen moul lasr.

In lotwelah yohk ke mwe luti luhnn Kraist, liye 2 Nephi 31.

Mukuikui Ma Kuh In Orek

  • Sang nuh sin tuhlihk an petsac ma fahkwack luhlahlfongi kacl Jisus Kraist, auliyak, pacptais, ac ahkkweyeyucklac (liye Gospel Art Book, nos. 1, 111, 103, ac 105). Riti nuh sin tuhlihk an ip yohk ke luhlahlfongi ahkahkosr, ac siyuck seltahl in kuhlwack nuh luhng petsac nahtuhlos an ke pacl ip yohk se ingacn kuh akwuck muhtahl se ingacn fwackyuck uh. Kahsruh tuhlihk an in kahlwem kac lah ip yohk inge ac akwuck inge fuhkah kahsrwekuht in eklac oacna Pahpah Inkuhsrao ac Jisus Kraist.

  • Kom ac kahsruh tuhlihk an fuhkah in kahlwem kac lah luhlahlfongi, auliyak, pacptais, ac ahkkweyeyuck tiac ma nuhke pacl se fanna tuhsruhk ma inge kasrwekuht ke kapkapwack ke ohiyacn moul lasr ke lusen moul lasr fin facluh? Kom kuh in sang elos in liye sie petsac ke fitac se ac ke sie sahk luhlahp (kuh sruhlwaclah ma inge ke port an). Kahsrwelos in nuhnkuh ke ma kahsruh fitac se inge in kapwack nuhke sie sahk luhlahp, kain se nuhke kof, fohk, ac faht. Kahsrwelos in liye lah ma inge oacna ma kuht uh in fototoyang nuh sin God ke lusen moul lasr—muhsahelah luhlahlfongi lasr kacl Jisus Kraist, auliyak ke kais sie lwen, moulkihn olwelah lasr kuht orwaclah ke kuht pacptaislac, eis kuhfa luhn Leum, ac eis Nguhn Muhtahl.

  • Akacsruhi nuh sin tuhlihk an sramsram soko ke firecracker se ke mwe fahkwack lal Elder Dale G. Renlund ah “How Can Repenting Help Me Feel Happy?” (Friend, Dec. 2017, 12–13, or Liahona, Dec. 2017, 70–71; liye pac petsac ke “Repentance: A Joyful Choice” [Gospel Library]). Ke kowos riti ke sramsram soko ah, suli tuhlihk an in nuhnkuh kac lah oacna fuhkah puhla lal Elder Renlund. Efuh kuht puhla engan ke kuht auliyak uh? Akacsruhi nuh sin tuhlihk an ke luhngse ac engan kom puhlakihn ke kom siyuck sin Pahpah Inkuhsrao in nuhnak muhnahs nuh sum uh.

    4:36

    Repentance: A Joyful Choice

Pacptaislac

Jisus Kraist el oakiyac nuh sihk mwe srihkasrak ke El pacptaislac ah.

Finne wacngihn ma koluk lal Jisus, El tuh pacptaislac in oakiyac mwe srihkasrak suwohs ke ahkostwen nuh sel Pahpah Inkuhsrao (liye 2 Nephi 31:6–10).

In lotwelah yohk ke pacptais, liye Doctrine and Covenants 20:37; Topics and Questions, “Baptism,” Gospel Library.

Mukuikui Kuh In Orek

  • Sang sie petsac kacl Mwet Lahngo ke pacptais lal ac sie pacptais luhn mwet sahyac (kmuh liye Gospel Art Book, no. 35 ac no. 103 kuh no. 104). Siyuck tuhlihk an in fahk lah meac tiac oacna sie ac meac oacna sie inmahsrlon petsac luo inge. Tuhkweni riti Matthew 3:13–17 kuh “Chapter 10: Jesus Is Baptized” ke Sramsram ke Wuhlweacng Sasuc, 26–29. Sang tuhlihk an in srihsrngiyac ma ke petsac an ma elos lihng ke sramsram. Fahk nuh sin tuhlihk an ke luhngse lom nuh sin Mwet Lahngo ac kena lom in fahsr tohkohl.

    1:52

    Chapter 10: Jesus Is Baptized

  • Lohng kuh yuck soko on ke pacptais, oacna “When Jesus Christ Was Baptized” (Children’s Songbook, 102). Meac kuht lotwelah ke pacptais ke on soko inge? Riti 2 Nephi 31:9–10, ac suli tuhlihk an in lohng lah efuh Jisus Kraist el tuh pacptaislac. Fahk elos in sruhlwaclah sie sroal ah kaclos sifacna ke lwen in pacptais lalos.

Nga kuh in sulaclah in orwaclah wuhlweacng nuh sin God ac pacptaislac.

Ahkoo nuhke pacptais el yohk liki na ahkoo nuhke sie mukwikwi sahyac. Kalmeac pa in ahkoo in orwaclah wuhlweacng lom ac in liyacacng olwelah se ingacn ke lusen moul lom fin facluh. Motko lah kom ac fuhkah kahsruh tuhlihk an in kahlwem ke olwelah elos ac orwaclah nuh sin Pahpah Inkuhsrao ke elos ac pacptaislac, suc wipacna olwelah El orwaclah nuh selos ac olwelah elos orwaclah nuh Sel.

Ma kuh in orek

  • Ahkuhtweyac lah olwelah se pa wuhlweacng se inmahsrlon mwet se ac Pahpah Inkuhsrao. Ke kuht insacnweacng in liyacacng wuhlweacng lasr nuh sin God, God el olwelah in ahkinsewowoyeyuc. Suhmuhslah ke port an Olwelah Luhk nuh sin God ac Olwelah luhn God nuh Sihk. Tuhkweni riti Mosiah 18:10, 13 ac Doctrine and Covenants 20:37, ac kahsruh tuhlihk an in suhmuhslah kuhtuh olwelah ma elos sokwack ke sramsram inge (liye pac Dallin H. Oaks, “Your Baptism Covenant,” Friend, Feb. 2021, 2–3). Akacsruhi lah Pahpah Inkuhsrao el fuhkah ahkinsewowoye kom ke kom kampare in liyacacng wuhlwewacng ke pacptais lom.

  • Sang petsac nuh sin tuhlihk an in liye ke ma Jisus Kraist el oruh ke luti Lal fin facluh (nuhke kuhtuh mwe sraihkasrak ah, liye Gospel Art Book, nos. 33–49). Sang tuhlihk an in sramsramkihn ke ma Jisus el oruh ke kais sie petsac inge. Riti Mosiah 18:8–10, 13, ac suli tuhlihk an lohng ke inkacnek ma elos kuh in oruh in liyacacng olwelah lalos ke pacptais lalos (liye pac “My Baptismal Covenant,” Liahona, Aug. 2023, 10–11). Olwelah lasr ke pacptais lasr ac fuhkah mokle mukwikwi lasr ke lwen nuhkwewa? Suli tuhlihk an in sruhlwaclah petsac kaclos sifacna ke elos kahsruh sie mwet oacna ke Jisus el ac oruh uh.

Ahkkweyeyucklac

Ke nga pacptaislac ac ahkkweyeyucklac uh, nga eklac sie mempuhr ke Alu luhn Jisus Kraist luhn Mwet Luhlahlfongi ke Lwen-sahflah.

Eklac sie mempuhr ke Alu luhn Jisus Kraist luhn Mwet Luhlahlfongi ke Lwen Sahflah use mwe insewowo na puhs, weacng pac pacl wowo luhn tuhlihk srihsrihk in wi mukwikwi ke orekma luhn God.

Ma kuh in orek

  • Suli sie mwet ma tuhfahna pacptaislac ac ahkkweyeyucklac in tuhkuh nuhke kuhlahs lomtacl ac akacsruhi lah oacna fuhkah ahkkweyeyucklac uh. Siyuck sin mwet se inge in sruhmuhn lah meac kalmeyac sel in ekihn sie mempuhr ke Alu luhn Mwet Luhlahlfongi ke Lwen Sahflah. Kahsruh tuhlihk an in nuhnke ke kuhtuh inacknek ma elos kuh in oruh in liyacacng owelah lalos ke pacptais lalos ke elos ekihn mempuhr ke Alu uh. Akacsruhi lah ma inge kahsrwekom fuhkah in puhla engan ke kom ekihn sie mempuhr ke Alu luhn Kraist.

  • Sang elos in liye sie petsac ke mwet e ke Kof luhn Mormon (liye Gospel Art Book, no. 76), ac siyuck tuhlihk an in ahkuhtweyac ma elos liye ke petsac se ingacn. Sruhmuhn sramsram kacl Alma ac mwet lal ke elos tuh pacptaislac we (liye Mosiah 18:1–17; “Alma at the Waters of Mormon,” ke Sramsram ke Puk luhn Mormon). Sifilpac riti Mosiah 18:8–9 ac suli tuhlihk an in oruh ma in kahsrwelos in esam ma mwet uh luhngse oruh ke elos ekihn mempuhr ke Alu luhn Kraist. Sruhmuhn ke sie pacl kom liye mempuhr ke Alu uh kuhlwacnsap ke ohiyac inge.

    2:41

    Alma at the Waters of Mormon

Ke nga ahkkweyeyucklac uh, nga eis mwe sang luhn Nguhn Muhtahl.

Ke kuht pacptaislac ac ahkkweyeyucklac uh, Pahpah Inkuhsrao el olwelah nuh sesr lah kuht “kuh in eis Nguhn Muhtahl in wi kuht pacl nuhkwewa” (Doctrine and Covenants 20:77). Mwe sang wolacna sin God me inge pahngpahng mwe sang luhn Nguhn Muhtahl.

In lotwelah yohk ke mwe sang luhn Nguhn Muhtahl, liye Gary E. Stevenson, “Promptings of the Spirit,” Liahona, Nov. 2023, 42–45; Topics and Questions, “Gift of the Holy Ghost,” Gospel Library.

Ma kuh in orek

  • Riti Doctrine and Covenants 33:15, ac siyuck tuhlihk an in lohng ke mwe sang se ma Pahpah Inkuhsrao el use nuh sesr ke kuht pacptaislac ac ahkkweyeyucklac uh. In kahsrwelos in lotwelah yohk ke mwe sang luhn Nguhn Muhtahl, sifilpac tuhkweni riti John 14:26; Galatians 5:22–23; 2 Nephi 32:5; 3 Nephi 27:20. Kom kuh pac in riti ke mwe fahk se inge “A Special Gift” (Liahona, Ohkohs. 2023, 18–19).

  • Met liki muhtwacwacack kuhlahs an, siyuhk sin ninac ac pahpah tuhmacn sie kuh luo tuhlihk an in akacsruhi lah elos ahkinsewowoyeyuck fuhkah ke srihpen oasr mwe sang luhn Nguhn Muhtahl selos. El kahsrwelos fuhkah? Eltahl lohng Puhsrwacl fuhkah?

  • Tuhkweni yuck soko on ke Nguhn Muhtahl, oacna “The Holy Ghost” (Children’s Songbook, 105). Kahsruh tuhlihk an in kahlwem kac lah meac on soko an luti kuht kac lah Nguhn Muhtahl el kahsrwekuht fuhkah.

Nguhn Muhtahl kuh in sramsram nuh sihk ke kain in inkacnek puhkantwen.

Tuhlihk ma kuh in akihlen puhsrwen Nguhn ac ahkolah in eis fwackyuck lalos sifacna in kohlohlos ke lusen moul lalos. Kahsrwelos in kahlwem kac lah puhkantwen kain in inkacnek Nguhn Muhtahl el kuh in sramsram nuh sesr.

Mukuikui Ma Ku In Orek

  • Kahsruh tuhlihk an in nuhkweack ke kain in inkacnek ma kuht kuh in sramsram nuh sin sie kawuck suc muhta loeskalah liki kuht, kain se ke sihm lwacta, suhpuh email, kuh sramsram ke fon. Lotwelos lah Pahpah Inkuhsrao el kuh in sramsram nuh sesr ke kain in inkacnek kacl Nguhn Muhtahl. Orekmakihn mwe fahkwack lal President Dallin H. Oaks “How Does Heavenly Father Speak to Us?” in kahsruh tuhlihk an in kahlwem ke kain in inkacnek ma Nguhn Muhtahl el kuh in sramsram nuhke nuhnak lasr ac insiacsr (Friend, Mar. 2020, 2–3, or Liahona, Mar. 2020, F2–F3).

  • Sruhmuhn ke sie pacl ma Nguhn Muhtahl el tuh sramsram nuh sum, oacna sie ke nuhnak lom kuh ke sie puhla ke insiom (liye Doctrine and Covenants 6:22–23; 8:2–3; liye pac Henry B. Eyring, “Open Your Heart to the Holy Ghost,” Liahona, Aug. 2019, F2–F3). Fahkwack nuh sin tuhlihk an lah Nguhn Muhtahl el kuh in kahsrwelos pac ke kain in ohiyac se inge.

  • Kahsruh tuhlihk an in akihlen pacl elos puhla Nguhn—nuhke mwe srihkasrak, pacl ma elos onkackihn soko on kacl Mwet Lahngo kuh pacl elos oruh ma kuhlwacng nuh sin mwet sahyac. Kahsrwelos in akihlen puhla ma Nguhn Muhtahl el sang nuh selos, finne nuhke kolyuck Lal in nuh selos in oruh ma wo. Efuh kom nuhnkuh tuh Nguhn Muhtahl el use nuh sesr kain puhla inge? Kahsruh tuhlihk an in nuhnkuh ke kuhtuh ma kuht enenuh in oruh in lohng ke Nguhn Muhtahl el sramsram nuh sesr uh. Sruhmuhn lah meac kom oruh in lohng ke Nguhn el sramsram nuh sum.

Kuhfa luhn Leum

Ke nga ipeis ke kuhfa luhn Leum, nga esam ke iwaclah luhn Mwet Lahngo ac nga orwaclah sie olwelah nuh Sel.

Ke kuht ipeis ke kuhfa luhn Leum uh, kuht orwaclah olwelah in esamuhl Mwet Lahngo pacl nuhkwewa, eis Inel nuh facsr, ac liyacacng masap Lal.

In lotwelah pac kuhtuh, liye Mattew 26:26–30; 3 Nephi 18:1–12; Doctrine and Covenants 20:77, 79.

Mukuikui Ma Kuh In Orek

  • Sang tuhlihk an in sruhlwaclah “Jesus Introduced the Sacrament to the Nephites” ke Scripture Stories Coloring Book: Puk luhn Mormon (2019), 26. Siyuhk selos in srihsrngiyac ma mwet uh nuhnkuh ke petsac se ingacn. Riti nuh sin tuhlihk an kuhtuh ip ke 3 Nephi 18:1–12 kuh “Jesus Shares the Sacrament,” ke Sramsram ke Puk luhn Mormon. Meac kuht kuh in oruh in esamuhl Jisus Kraist ke pacl luhn sackruhmacn?

  • Siyuhk sin tuhlihk an in fahk kuhtuh ma elos enenuh in esam pacl nuhkwewa, kain se ke kapriyac fahluhk laltahl kuh ohllah paholtahl met liki eltahl mongo. Efuh kuh yohk srihpac in esam ma inge? Riti Moroni 4:3 nuh sin tuhlihk an, ac fahk elos in lohng ke ma kuht olwelah in esam pacl nuhkwewa ke kuht ipeis kuhfa luhn Leum uh. Efuh yohk srihpac in esamuhl Jisus Kraist? Kahsruh tuhlihk an in kahlwem kac lah fuhlao ac kof ke kuhfa luhn Leum kahsrwekuht fuhkah in esam ma Jisus el orwaclah nuh sesr (liye Moroni 4:3; 5:2).

  • Suhmuhslah ke port an “Nga olwelah in …” Riti pruhe in sackruhmacn an nuh sin tuhlihk an (liye Doctrine and Covenants 20:77, 79). Ke elos lohng sie olwelah kuht orwaclah nuh sin God, tui kihtin pacl ac kahsrwelos in ahksahfyelah sacntacns soko an ke olwelah se elos lohng an.

  • Meac kalmeac in eis inel Jisus Kraist nuh facsr sifacna? In kahsruh tuhlihk an in tohpohklah kihsensiyuhk soko inge, fahk ke sie mwe srihkasrak ma kuht sang inesr nuhkac. Efuh kuh sang inesr nuhke ma inge? Efuh kuh Jisus Kraist el ke fihliyac Inel nuh facsr? Nuhnkuh in sruhmuhn ke ahkuhtweyac se sin Prestuhn Russell M. Nelson: “Ke kuht eis inel Mwet Lahngo nuh facsr kuht fahkuhlwack nuh sin mwet sahyac—ke orekma lasr ac kahs lasr—lah Jisus pa Kraist” (“The Correct Name of the Church,” Liahona, Nov. 2018, 88).

Kuh luhn Pristut, Wal, ac Ki

God el ahkinsewowoye tuhlihk Nahtuhl ke kuh luhn pristut.

Nohfohn tuhlihk nahtuhl God—muhtwacn ac mukul, fuhsr ac mahtuh—eis kuh luhn God ke elos liyacacng olwelah elos orwaclah nuh Sel. Kuht orwaclah olwelah inge ke kuht eis akwuck luhn pristut kain se ke pacptais (liye General Handbook: Serving in The Church of Jesus Christ of Latter-day Saints, 3.5, 3.6, Gospel Library). In lotwelah pac ke kuhtuh, liye Russell M. Nelson, “Spiritual Treasures,” Liahona, Nov. 2019, 76–79; “Priesthood Principles,” chapter 3 ke General Handbook.

Mukuikui Kuh In Orek

  • Kahsruh tuhlihk an in akihlen mwe insewowo elos eis ke srihpen pristut. In sang kuhtuh nuhnak an nuh selos, kom kuh in sang eltahl in liye petsac ke “Blessings of the Priesthood” (Gospel Library). Nuhnkuh in suhmuhslah mwe insewowo inge ke port an. Efuh yohk srihpac mwe insewowo inge nuh sesr? Fahkwack lah mwe insewowo inge tuhkuh nuh sesr ke srihpalc Jisus kraist ac kuh ke pristut Lal.

    3:5

    Blessings of the Priesthood

  • Kasruh tuhlihk an in sokwack petsac ma ahkuhtweyac lah God el orekmakihn kuh Lal fuhkah in ahkinsewowoye kuht. Eltahl kuh in sokwack sie petsac ke facluh El orwaclah lasr, pacl el onwelah mwet mas, ac akwuck muhtahl El use nuh sesr (liye Gospel Art Book, nos. 3, 46, 104, 105, 107, 120). Sruhmuhn lah efuh kom kuloh ke pristut ac mwe insewowo kuh se inge use uh. Kahsruh tuhlihk nuhtum an in nuhnkuh ke pacl elos puhla insewowo ke pristut luhn God.

  • Sie inkacnek yohk kuht eis mwe insewowo ke kuh luhn God ke moul lasr pa ke akwuck luhn pristut (liye Doctrine and Covenants 84:20). In kahsruh tuhlihk an in lotwelah ke ma pwacye se inge, kom kuh in suhmuhslah fohs inge ke port an: 3 Nephi 11:21–26, 33 (pacptais); Moroni 2 (ahkkweyeyucklac); Moroni 4–5 (kuhfa luhnn Leum). Tuhlihk an kuh in sulaclah kais sie sin sramsram inge ac konwacack akwuck ma ahkuhtweyucki kac an. Sang tuhlihk an in sruhmuhn lah els fuhkah insewowo ke elos eis akwuck ke pristut uh.

  • Kahsruh tuhlihk an in kahlwem lah elos ac eis kuh sin God ke elos ac pacptaislac ac liyacacng olwelah lalos elos orwaclah ke elos pacptaislac an. Siyuhk sin tuhlihk an lah kuh se inge kahsrweltahl fuhkah.

Orekma luhn God kolyuck ke ki luhn pristut ac ahksahfyeyuhklac ke wal luhn pristut.

Pacl nuhkwewa sie mwet sriyucklac nuhke pahng kuh srihsrngiyucki in kahsruh orekma luhn God, el kuh in orekmakihn wal luhn pristut ma ituckyang nuh sel. In weacng pac, mempucr mukul ke Alu uh ma suwohs kuh in eis pristut nuh faclos ke akmuhsralah nuhke ohfohs luhn pristut. Orekmakihnyacn wal nuhkwewa ke pristut ke Alu uh kolyuck sin mwet kol suc oasr pristut ki se, oacna stek prestuhn, pisap, ac u luhn prestuhn. Ki luhn pristut pa wal ma ahkfahsrye orekmakihnyen pristut in oruh orekma luhn Leum.

Mukuikui Kuh In Orek

  • Riti nuh sin tuhlihk an Mark 3:14–15, ac sang elos in liye petsac ke ma sikyak ma ahkuhtweyucki ngacn (oacna Gospel Art Book, no. 38). Siyuhk sin tuhlihk an lah oacna oasr pacl elos liye sie mwet suleyucklac nuhke kunohkohn kuh ahkkweyeyucklac nuhke ohfohs luhn pristut (kuh sruhmuhn nuh selos ke ma liye kuh puhla ke kain se pacna ingacn). Ma se ingacn oacna sie fuhkah nuhke ma Mwet Lahngo el oruh nuh sin Mwet Sap Lal? Kahsruh tuhlihk an in suhmuhslah ke port an kuhtuh kunohkohn kuh ohfohs luhn pristut ma kuh in ituckyang nuh sin mempucr ke Alu uh, oacna mwet luti se kuh mwet kol se ke sie u. Sisken kais sie kunohkohn kuh ohfohs ingacn, kom kuh in suhmuhslah ma mwet se la pahng kuh ohfohs sac kuh in oruh ke wal oasr sel. Sruhmuhn nuh sin tuhlihk an lah sriyucklac sin sie mwet ma oasr kolyuck ke ki luhn pristut tuh kahsrwe kom in kuhlwacnsap fuhkah.

  • Suli tuhlihk an in nuhnkuh ke sie ma kom enenuh ki nuhkac, oacna stosah soko kuh sruhnguhl se. Meac ac sikyak fin tiac oasr ki sum? Tuhkweni riti Doctrine and Covenants 65:2, ac akacsruhi ke luhlahlfongi lom ke yohk srihpaciyac in oasr ki luhn pristut. Kom kuh pac in liye petsac fototo se inge “Where Are the Keys?” (Gospel Library) ac liye lah meac Elder Gary E. Stevenson el luti ke ki luhn pristut.

    2:51

    Where Are the Keys?

Tempuhl ac Plwacn luhn Engan

Tempuhl pa lohm sin Leum.

Tempuhl uh ipin plwacn luhn Pahpah Inkuhsrao nuh sin tuhlihk Nahtuhl. Lun tempuhl uh, kuht orwaclah olwelah muhtahl nuh Sel, eis mwe sang ke kuh luhn pristut, eis fwackyuck, oruh akwuck muhtahl luhn mwet misac lasr, ac sil nuh sin sucu lasr nuh tok ma pahtpaht. Ma inge kwewa kuh in orwek ke srihpen Jisus Kraist ac iwaclah kisaclah Lal.

Kom ac kahsruh fuhkah tuhlihk kom luti an in akihlen muhtahliyacn lohm sin Leum ac ahkolos sifacna in nwacsnwacs in wi oruh akwuck muhtahl lun tempuhl? Nuhnkuh in sifil riti ke mwe kahsruh inge: Russell M. Nelson, “The Temple and Your Spiritual Foundation,” Liahona, Nov. 2021, 93–96; “Why Latter-day Saints Build Temples,” temples.ChurchofJesusChrist.org.

mwet fuhsr ke tempuhl se

Tempuhl uh ipin plwacn luhn Pahpah Inkuhsrao nuh sin tuhlihk Nahtuhl.

Mukuikui Kuh In Orek

  • Sruhkwack in liyeyuck sie kuh luo petsac ke tempuhl an. Siyuck sin tuhlihk an lah meac oruh tempuhl uh sie acn yohk srihpac. Ahkkahlwemye lah ke kais sie tempuhl inge oasr sihm se ine kac: “Muhtahl nuh sin Leum— Lohm sin Leum.” Siyuhk sin tuhlihk an lah elos nuhnkuh tuh meac kalmeacn “Muhtahl nuh sin Leum”. Efuh tempuhl uh pahngpahng lohm sin Leum? Meac ma se inge luti kuht ke tempuhl? Fin oasr sin tuhlihk an som nuhke tempuhl tari, elos kuh pac in sruhmuhn puhla lalos ke elos som nuh we ah. Kom fin som nuhke tempuhl tari, akacsruhi ke kom tuh puhla oasr luhn Leum we, ac sruhmuhn lah efuh tempuhl uh acn muhtahl se nuh sum.

  • Tuhkweni riti Doctrine and Covenants 97:15–17. Siyuck sin tuhlihk an in suk lah meac Leum el motko ke mwet ma utyak nuh ke lohm muhtahl Sel. Efuh kuht enenuh in nwacsnwacs in utyak nuh ke lohm Sel? Ke ipin sramsram lomtacl an, sruhmuhn nuh sin tuhlihk an ke pwepuh in lwelah nuh tempuhl, weacng pac in eis sie fuhkah. Kom kuh pac in suli sie mempucr ke pisaprik in akacsruhi yohrohlos lah meac se sirape nuhke pwepuh in lwelah nuh tempuhl uh ac kihsensiyuhk ma tuh siyuhkyuhk ke sie sirape.

Lun tempuhl uh, kuht orwaclah wuhlweacng lasr nuh sin God.

Prestuhn Russell M. Nelson el luti, “Jisus Kraist el suli kuht in fahsr ke inkacnek in wuhlweacng fohlohk nuh yurin Pahpah Inkuhsrao ac wi mwet suc kuht luhngse” (“Come, Follow Me,” Liahona, Mei 2019, 91). Kahsruh tuhlihk an in kahlwem kac lah inkacnek in wuhlweacng pa pacptais, ahkkweyeyucklac, ac eis mwe sang muhtahl lun tempuhl ac sil.

Mukuikui Kuh In Orek

  • Siyuck sin tuhlihk an in wi kom riti wuhlweang ma kuht orwaclah yurin God ke kuht pacptaislac ac ke kuht epeis ke kuhfa luhn Leum (liye Mosiah 18:10, 13; Doctrine and Covenants 20:77, 79). Sang elos in liye sie petsac ke tempuhl, ac ahkuhtweyac lah oasr mwe insewowo pucspucs yurin Pahpah Inkuhsrao El luhngse use nuh sesr lun tempuhl.

  • Sruhlwaclah sie muhtuhnpot som nuhke inkacnek soko. Siyuhk sin tuhlihk an lah efuh elos nuhnkuh muh wo in oasr inkacnek soko in fahsr kac. Tuhkweni riti 2 Nephi 31:17–20, ke acn se ma Nephi el kapsruh wuhlweacng ke pacptais nuhke sie muhtuhnpot ac suli kuht in tahfwelah na in fahsr ke inkacnek soko inge tukun pacptaislac lasr. Puhkantwen wuhlweacng enenuh in orek tukun pacptais, weacng wuhlweacng oreklac lun tempuhl uh. Ahkuhtweyac lah Prestuhn Nelson el pahngon inkacnek soko inge “inkacnek luhn wuhlweacng.”

Lun tempuhl uh, kuht kuh in pacptaislac ac ahkkweyeyucklac luhn mwet somlah ma misac tari.

Wosasuc luhn Jisus Kraist lwelah nuh sin tuhlihk nuhtin God nuhkwewa in fohlohk Weluhl muhta, finne elos misac tiac etuh ke wosasuc uh. Lun tempuhl uh, kuht kuh in pacptaislac ac ahkkweyeyucklac lalos.

Mukuikui Kuh In Orek

  • Sruhmuhn ke sie pacl ma mwet se oruh ma se nuh sum ma kom tiac kuh in sifacna oruh. Ngihsre tuhlihk an in akacsruhi ke kain ma se inge ma sikyak nuh selos. Ahkuhtweyac lah ke kuht som nuhke tempuhl uh, kuht kuh in eis akwuck muhtahl oacna ke pacptaisi mwet sahyac ma misac. Kuht oruh fuhkah in oacna Jisus ke kuht oruh orekma luhn mwet misac uh? Meac El orwaclah nuh sesr ma kuht tiac kuh in sifacna oruh?

  • Suli sie kuh luo sin mwet fuhsr ma pacptaiselah tari mwet mahtuh lalos ma misac in akacsruhi ke puhla lalos. Siyuhk selos lah oacna tuh fuhkah lun tempuhl ah. Ahkkweye elos in akacsruhi puhla lalos ke elos oruh orekma luhn mwet somlah lalos ma misac tari.

  • Sruhlwaclah soko sahk ah ke port an, wi pac okah ac lah kac an. Siyuck sin tuhlihk an in nuhnkuh lah sucu uh oacna sahk soko fuhkah. Alihlenyacyac okah an Mwet mahtuh, akilenyac lah an fihl, ac akihlenyac srohpoh ke sahk an Kom. Tuhkweni riti ke sacntacns soko inge ke Doctrine and Covenants 128:18: “For we without them [our ancestors] cannot be made perfect; neither can they without us be made perfect.” Siyuck kain kihsensiyuhk fahsruh inge: “Efuh kuht enenuh mwet mahtuh somlah lasr? Efuh mwet mahtuh lasr uh enenwe kuht? Ninac ac pahpah tuhmwacsr, ninac mahtuh ac pahpah mahtuh tumwacsr, ac mwet mahtuh lasr sahyac kahsrwekuht fuhkah?” Ngihsre tuhlihk an in riti acn luhlah ke Doctrine and Covenants 128:18 in sokwack pohloh kahs ma ahkuhtweyac lah kuht ac kahsruh fuhkah mwet mahtuh lasr somlah.

  • Nuhnkuh in orekma wi ninac ac pahpah tuhmuhn kais sie tuhlihk ingacn in konwacack inen mwet mahtuh lalos ma enenuh akwuck lun tempuhl (liye FamilySearch.org).