Fahsruh, Fahsr Tukuk
Mwe Kahsruh In Weacng C: Nuhsin U luhn Tuhlihk Srihsrihk—Mwe ahkuhtweyac nuhke Pacl in On ac Toeni luhn Tuhlihk Srihsrihk nuhke Kalwen

“Mwe Kahsruh In Weacng C: Nuhsin U luhn Tuhlihk Srihsrihk—Mwe ahkuhtweyac nuhke Pacl in On ac Toeni luhn Tuhlihk Srihsrihk nuhke Kalwen,” Come, Follow Me—For Home and Church: Wuhlweacng Mahtuh 2026 (2026)

“Mwe Kahsruh In Weacng C,” Come, Follow Me: Wuhlweacng Mahtuh 2026

tuhlihk srihsrihk elos on

Mwe Kahsruh In Weacng C

Mwe Kahsruh C: Nuhsin U luhn Tuhlihk Srihsrihk—Mwe ahkuhtweyac nuhke Pacl in On ac Toeni luhn Tuhlihk Srihsrihk nuhke Kalwen

On muhtahl pa kuhfa na fokoko se in kahsruh tuhlihk srihsrihk uh in eis etwacack ke plwacn in engan luhn Pahpah Inkuhsrao ac ke pweluhng ke ma pwacye ke wosasuc luhn Jisus Kraist. Ke tuhlihk srihsrihk uh onkackihn mwe luti ke wosasuc uh, Nguhn Muhtahl e fahkwack ke pwacyeiyacn ma inge. Kahs ac puhsrwen on inge e oan ke nuhnak ac insiacn tuhlihk srihsrihk inge ke lusen moul lalos.

Suk ke kahsruh luhn Nguhn ke kom ahkoo in luti wosasuc ke ohiyac luhn on. Akacsruhi ke luhlahlfongi lom ke mwe lutlut pwacye ma kom onkackihn ingacn. Kahsruh tuhlihk srihsrihk inge in akihlen lah on uh fuhkah kuhpahsr nuhke ma elos luti ac puhla e ke lohm selos ac ke kuhlahs ke U luhn Tuhlihk Srihsrihk lalos.

Mwe Kolyuck nuhke Toeni luhn U luhn Tuhlihk Srihsrihk ke Sackruhmacn

Ke kolyuck luhn pisap, kalwen luhn U luhn Tuhlihk Srihsrihk ke kuhfa luhn Leum kwacna ahkfahsryeyuck ke kohtoh ahkahkosr ke yac sacn. Ke prestuhnsi luhn U luhn Tuhlihk Srihsrihk ac mwet kol on, tuhkweni orekma wi mwet kahsruh ke pisaprik suc pa karihngihn U luhn Tuhlihk Srihsrihk in plwacnwelah ahkoo nuhke kalwen lalos.

Kalwen se inge enenuh in lwelah nuhsin tuhlihk srihsrihk uh in ahkkahlwemye ke ma elos ac sucu lalos lotwelah ke Wuhlweacng Mahtuh e lohm selos ac ke kuhlahs ke U luhn tuhlihk Srihsrihk, weacng pac on elos lotwelah ac onkackihn ke yac sac. Ke kom ahkoo kalwen se inge uh, nuhnkuh ke ohiyac ma e kuh in kahsruh mwet ma wi alu an in tuh lohacng ke Mwet Lahngo ac mwe luti Lal.

U ma suhpuhs pihsen tuhlihk kac an kuh in motkoeyuck ohiyac ma mwet in sucu kuh in weluhlos ke ahkoo se lalos inge. Sie mempucr luhn pisaprik an kuh in kaliyac toeni se ingacn ke sie mwe sramsram fototo.

Ke kom ahkoo kalwen se inge, esam mwe ahkuhtweyac inge:

  • Pracktis uh tiac enenuh in sislah pacl yohk ke kuhlahs luhn U luhn Tuhlihk Srihsrihk kuh sucu an.

  • Mwe inte, nuknuk ke facsin, ac sramsram sin media tiacna fal nuhke toeni nuhke kuhfa luhn Leum.

Liye General Handbook: Kuhlwacnsap ke Alu luhn Jisus Kraist luhn Mwet Luhlahlfongi luhn Mwet Sahflah, 12.2.1.2, Gospel Library.

tuhlihk srihsrihk elos yuck on

Ahkuhtweyac nuhke Pacl in On

minit limekohsr (Prestuhnsi luhn U luhn Tuhlihk Srihsrihk): Pruhe in ikacslah, rit ma suhmuhslah kuh ip yohk ke luhlahlfongi, ac sramsram se

minit longoul (mwet in kol on): Pacl in on

Prestuhnsi luhn U luhn Tuhlihk Srihsrihk ac mwet in kol on sulaclah on nuhke kais sie mahlwem in kahsruh ahkyohkye mwe lutlut ma tuhlihk an luti lun kuhlahs lalos ac e ke lohm selos. Tahklac luhn on ma ahkkweye ip yohk ma lutiyuck inge sihmlac oasr ke mwe ahkuhtweyac se inge.

Ke kom luti on nuh sin tuhlihk srihsrihk inge uh, suhlwacltahl in akacsruhi ke ma elos etuh tari ke sramsram ac mwe luti yohk ke ma suhmuhslah ma on inge luti uh. Suli tuhlihk inge in akacsruhi nuhnak ac puhla lalos ke mwe lutlut pwacye ma oasr ke on inge.

Puk On luhn Tuhlihk Srihsrihk pa mwe kahsruh se met nuhke on ke U luhn Tuhlihk Srihsrihk. On muhtahl ke puk in on alu ac on ke Friend fal pac in orekmakihnyuck. Kom kuh kuh pac in orekmakihn on ke Puk In On—For Home and Church. Orekmakihnyacn oacna sie on sahyac nuhke U luhn Tuhlihk Srihsrihk enenuh in ahkkweyeyucklac sin Pisaprik (liye General Handbook, 12.3.4).

On nuhke Pacl in On

Jacnweri

  • “My Heavenly Father Loves Me,” Puk in On luhn Tuhlihk Srihsrihk, 228–29

  • “I Will Follow God’s Plan,” Puk in On luhn Tuhlihk Srihsrihk, 164–65

Fepweri

  • “Follow the Prophet,” Puk in On luhn Tuhlihk Srihsrihk, 110–11

  • “A Child’s Prayer,” Puk in On luhn Tuhlihk Srihsrihk, 12–13

Mahs

  • “Kindness Begins with Me,” Puk in On luhn Tuhlihk Srihsrihk, 145

  • “I Need Thee Every Hour,” On Muhtahl, no. 98

Eprel

  • “Gethsemane,” Gospel Library

  • “Keep the Commandments,” Puk in On luhn Tuhlihk Srihsrihk, 146

Mei

  • “Acn Muhtahl,” Gospel Library

  • “As I Search the Holy Scriptures,” On Muhtahl, no. 277

June

  • “I Will Be Valiant,” Puk in On luhn Tuhlihk Srihsrihk, 162

  • “Love One Another,” Puk in On luhn Tuhlihk Srihsrihk, 136

July

  • “Search, Ponder, and Pray,” Puk in On luhn Tuhlihk Srihsrihk, 109

  • “I Pray in Faith,” Puk in On Tuhlihk Srihsrihk, 14

Ohkohs

  • “Dare to Do Right,” Puk in On luhn Tuhlihk Srihsrihk, 158

  • “I Feel My Savior’s Love,” Puk in On luhn Tuhlihk Srihsrihk, 74–75

Septempuh

  • “Teach Me to Walk in the Light,” Puk in On luhn Tuhlihk Srihsrihk, 177

  • “Love Is Spoken Here,” Puk in On luhn Tuhlihk Srihsrihk, 190–91

Ohktopa

  • “Seek the Lord Early,” Puk in On luhn Tuhlihk Srihsrihk, 108

  • “I Lived in Heaven,” Puk in On luhn Tuhlihk Srihsrihk, 4

Nohfuhmpuh

  • “Families Can Be Together Forever,” Puk in On luhhn Tuhlihk Srihsrihk, 188

  • “Choose the Right,” On In Alu, no. 239

Tisacmpuh

  • “We’ll Bring the World His Truth,” Puk in On luhn Tuhlihk Srihsrihk, 172–73

  • “The Hearts of the Children,” Puk in On luhn Tuhlihk Srihsrihk, 92–93

Orekmakihn On in Luti ke Mwe Lutlut ke Wosasuc

Pacl in on uh ma oreklac in kahsruh tuhlihk srihsrihk uh in lotwelah ke ma pwacye ke wosasuc uh. Mwe nuhnak tahklac inge kuh in mokle kom ke kom plwacni ke ohiyac in luti ip yohk ke wosasuc ma konweyuckyak ke on in alu ac on luhn U luhn Tuhlihk Srihsrihk.

Riti ma suhmuhslah ma kuhpahsr nuhkac an. Puhs sin on ke Puk in On luhn Tuhlihk Srihsrihk ac ke puk in alu uh, ahkkahlwemye oacna sie nuhke ma sihmlac ke ma suhmuhslah. Kahsruh tuhlihk an in riti kuhtuh sramsram fototo inge, ac sramsramkihn lah ma suhmuhslah uh kuhpahsr fuhkah nuhke on soko an. Kom kuh pac in suhmuhslah kuhtuh mwe ahkkahlwemye ke ma suhmuhslah ke port an ac suli tuhlihk an in sokwack kais sie ma ahkkahlwemyeyuck an in fal nuhke on soko kuh fuhs se ke on soko ah.

Nwacklac lain oalal inge. Suhmuhslah sie fuhs ke on soko an ke port an in weacng kuhtuh sin kahs yohk srihpac ma wacngihn an. Tohkoh kom siyuhk tuhlihk an in yuck on soko an, ac lohng lah piac kahs fal elos in orekmakihn in sang nwacklah lain oalal ingacn. Ke elos nwacklah kais sie lain oalal ingacn, sruhmuhn ke ip yohk ke wosasuc ma kom lotwelah ke kahs wacngihn inge.

tuhlihk srihsrihk on

Fahkwack. Fahkwack luhlahlfongi fototo lom nuhsin tuhlihk an ke mwe luti pwacye ke wosasuc ma konweyuckyak ke on soko an. Kahsruh tuhlihk inge in kahlwem kac lah on uh pa sie inkacnek elos kuh in oruh in fahkwack ke luhlahlfongi lalos ac puhla Nguhn.

Tuyak ekihn mwet loh se. Ngihsre tuhlihk an in eis pacl lalos ayaol na fahsr in tuyak ac fahk lah meac elos lotwelah ke on soko elos onkackihn an kuh fuhkah puhla lalos ke mwe lutlut ma lutiyuck ke on soko ingacn. Siyuhk selos lah fuhkah puhla lalos ke elos onkackihn on soko ingacn, ac kahsrwelos in ahkihlen ke orekma luhn Nguhn Muhtahl.

Orekmakihn petsac. Siyuhk tuhlihk an in kahsrwe kom konwacack kuh orwaclah sroal ma ahkkahlwemye kahs yohk srihpac kuh pohloh kahs ke on soko an. Suli tuhlihk ingacn in akacsruhi lah sroal ingacn kuhpahsr fuhkah nuhke on an ac meac on soko an luti uh. Fin pa, kom e luti on soko inge “When He Comes Again” (Puk in On luhn Tuhlihk Srihsrihk, 82–83), kom kuh in fihliyac petsac in an raunweack infuckihl sacn (kain se ke lipufacn, snow, ac itu). Siyuck tuhlihk ingacn in oracni petsac an ac kohlwack nuh lucng in tahklac fal ke kowos tuhkweni onkackihn on soko ingacn uh.

Akacsruhi sie lesin ke ma se. Kom kuh in orekmakihn sie ma ah in sramtweack sie sramsram ke soko on. In mwe srihkasrak, ke kowos yuck on soko ah “My Heavenly Father Loves Me” (Puk in On luhn Tuhlihk Srihsrihk, 228–29), kom kuh in sang tuhlihk an in liye sie petsac ke kuhtuh ma oacna won sohksohk, af, kuh ros. Ma se inge kuh in sramtweack sie sramsram lah kuht ac konwacack fuhkah akucl ke luhngse yohklacna luhn Pahpah Inkuhsrao ma raunikuhtlah uh.

Suli kais sie tuhlihk in akacsruhi ke puhla lalos sifacna. Kahsruh tuhlihk an in kapsruh ip yohk lutiyuck ke on soko ingacn nuhke ma elos puhlakihn ke ip yohk inge. In mwe srihkasrak, met liki kowos yuck on ke“I Love To See The Temple” (Puk in On luhn Tuhlihk Srihsrihk, 95), kom kuh in siyuck sin tuhlihk an in kuhlwack paholos fin elos liye tempuhl tari. Suhlwacltahl, ke eltahl on, in nuhnkuh lah fuhkah puhla laltahl ke eltahl liye sie tempuhl.

Siyuck kihsensiyuck. Puhkantwen kihsensiyuck kom kuh in siyuck ke pacl se kom yuck on ingacn. Kom kuh in siyuck sin tuhlihk an lah meac elos lotwelah ke kais sie fuhs ke on soko ingacn. Kom kuh pac in siyuck selos in nuhnkuh ke kihsen siyuck ma on soko ingacn tohpohklah uh. Ma se inge kuh in sramtweack sramsram inmahsrlowos ke mwe luti pwacye ma lutiyuck ke on soko an.

Orekmakihn mukwikwi ke paho ma fihsrwacsr. Suli tuhlihk an in nuhnkuh ke kuhtuh mukwikwi ke paho ma fihsrwacsr in kahsrwelos esam kahs ac mwe fahkwack ke on an. In mwe srihkasrak, pacl se kom yuck “Search, Ponder, and Pray” (Puk in On luhn Tuhlihk Srihsrihk, 109), kom kuh in suli tuhlihk an in srihsrngi muhtahlos ke pacl se elos onkackihn suk ma suhmuhslah, srihsrngi sifaclos ke elos onkihn motko, ac orwacni paholos ke pacl se elos onkihn pruhe.