Jacnweri 26–Fepweri 1. ‘Luti Ma Inge Ke Sukohsohk nuhsin Tuhlihk Nuhtum’: Genesis 5; Moses 6,” Fahsruh, Fahsr Tukuk—Nuhke Lohm Sesr ac Alu ah: Wuhlweacng Mahtuh 2026 (2026)
Jacnweri 26–Fepweri 1. ‘Luti Ma Inge Ke sukohsohk nuhsin Tuhlihk Nuhtum’,” Fahsruh, Fahsr Tukuk: 2026
Wo Liki Acn Paradise, sel Kendal Ray Johnson
Jacnweri 26–Fepweri 1: “Luti Ma Inge Ke Sukohsohk nuhsin Tuhlihk Nuhtum”
Genesis 5; Moses 6
Inkaiyacn Genesis 5 el tahkuhnlah ke fihl inmahsrlol Adam ac Eve ac Noah. Kuht riti ine pucspucs, tuhsruhk kuht tiac lotwelah yohk kacltahl. Na kuht riti lain soko kuht kena etuh tuh tiac ahkuhtweyucki inge, “Ac Enoch el fahsr wi God: ac el tiacna; tuh God El usacllah” (Genesis 5:24). Pwacyena oasr sramsram soko tukihn fuhs sac! Tuhsruhk wacnhin luhn kuhtuh ahkuhtweyac, fihlin fihl sac sulpac fohlohkuh.
Kuloh lah, Moses 6 el elakihnyac kahlwem sramsram kacl Enoch ah—ac sramsram na wowo soko. Kuht lotwelah ke mongfihsracsr lal Enoch, suhfas lal, kuh se God el liye in el, ac orekma yohk el oruh ekin mwet pahluh luhn God. Kut oacyacpac eis sie petsac kahlwem ke sucu lal Adam ac Eve ke el kapkapwack ke fihlin fihl, Kuht riti ke“kuh luhlahp” lal Satan tuhsruhk oacyacpac ke ninac pahpah suc luit tuhlihk nahtuhlos “inkacnek luhn God” (Moses 6:15, 21). Yohkna ma scohk pa ma kuht lotwelah ke mwe luti ninac pahpah inge tuh luti kac: luhlahlfongi ke Jisus Kraist, auliyak, pacptaislac, ac eis mwe sang luhn Nguhn Muhtahl (liye Moses 6:50–52). Mwe luti sac, oacna pristut ma weacng, “oasr ke muhtwacwacack ah [ac] ac fah oacyacpac oasr ke sahflahiyen facluh” (Moses 6:7).
Mwe nuhnak nuhke Lutlut Lohm sesr ac Alu ah
Moses 6:26–36
Ma koluk el tulokihn kuhiyuck in liye, puhla, ac lohng ma luhn God.
Ke kom luti Moses 6:26–36, meac kom lotwelah ke molin ma koluk uh? Kom liye fuhkah ma sikyak inge? Meac ma wowo oasr sel Enoch ma kahsrwel kuhtanglah ma sikyak inge? God el ahkinsewowoyacl fuhkah ke sahflahiyac?
Moses 6:26–47
God el pahngonyuc ngan oruh orekma lal tiac elyah ke muhnahs luhk.
Kom fin puhla muh upaclac ma Leum el pahngon kom in oruh inge, tiac kom muhkwena. Finne Enoch el puhla ohiyac sac ke Leum el pahnglol in sie mwet pahluh. Ke kom riti Moses 6:26–36, suk lah efuh Enoch el puhla muh upaclac ac meac Leum el fahk in sang puhlaik nuh sel.
Ke verses 37–47, kom kuh in suk inkacnek ma Leum el kahsrwel Enoch kac ac ahkfokokoyacl in oruh orekma Lal (liye pac Moses 7:13). Kom kuh in kapsruh ma Enoch el puhla ke nuhke kuhtuh mwet pahluh sahyac suc puhla muh suhfal, oacna kacl Moses (liye Exodus 4:10–16), Jeremiah (liye Jeremiah 1:4–10), Nephi (liye 2 Nephi 33:1–4), ac Moroni (liye Ether 12:23–29). Meac kom puhla muh God el kena kom in lotwelah ke ma suhmuhslah inge ke orekma El usot nuh sum in oruh?
Mwet Liactwen se God el Tulohkuhnwack (Moses 6:36), sel Eva Timothy
Puhs mwet sap-in pacl inge ac mwet pahluh ahkkahlwemye pac kain puhla se lal Enoch ke eltahl sruhmuhn puhla laltahl ke eltahl eis pahng nuh seltahl. Mwe srihkasrak, liye fwackack luhlahlfongi lal Elder Ulisses Soares ke “Prophets Speak by the Power of the Holy Spirit” (Liahona, Mei 2018, 98–99).
Meac kom kuh in lotwelah ke mwet pahluh inge ac mwet sap ke puhlakihn suhfal lom? Ngac kom puhla Mwet Lahngo el kahsrwe kom ke El siyuck kom in oruh ma upac? Motko in suhmuhslah kuhtuh sin ma sikyak ke pacl fahsruh lom ke kom ac enenuh in epacl nuhke kahsruh luhn Leum. Kom ac fahsryang nuhke ma sikyak inge fuhkah in luhlahlfongi ke Jisus Kraist?
Liye pac David A. Bednar, “Abide in Me, and I in You; Therefore Walk with Me,” Liahona, Mei 2023, 123–25; “I’ll Go Where You Want Me to Go,” Hymns, no. 270.
Moses 6:48–68
Wosasuc luhn Jisus Kraist el tuh lutiyuck ke muhtwacwacack ah.
Ke srihpen oasr puk luhn Mormon yohrohsr, kuht etuh lah God el tuh luti tuhlihk Nahtuhl in konwacack fuhkah molwelah e ke pacl lal Adam ac Eve ac, Ke kom luti Moses 6:48–68, suk lah meac kuht enenuh in etuh ac oruh in moullac. Akihlen kihsen siyuck lal Adam ke verse 53. Yac kom nuh motko kac? Meac kom lotwelah ke top luhn Leum ke verses 53–65? Kom kuh in motko ke fuhs inge oacna pweng luhn Leum ke alu in pacptais lal Adam ah. Meac kom lotwelah ke pacptais ke pweng Lal ah? Efuh kom nuhnkuh muh El kapsruh pacptais nuhke “sifilpac isuslac”? (verse 59). Meac kom kuh in oruh in tahfwelah na in “sifilpac isuslac” in moul lom nohfohn?
Suk ke mwe akucl. Ke ma suhmuhslah uh, ma se kuh ma sikyak kwacna aholah kuh akihlen ma pwacye kawihl, yohkna ma pwacye ke Mwet Lahngo (liye Teaching in the Savior’s Way, 7). Mwe akucl inge kuh in ahkyohkye etwacack lom Kacl ac mwe luti Lal. Oacna mwe srihkasrak, meac kom lotwelah ke mwe akucl ke hearts ac insrwoac ke Moses 6:27, muhta ac fohk ke Moses 6:35, kuh kof ke Moses 6:59–60?
Moses 6:51–62
“Sukohsohk in luti ma inge nuh sin tuhlihk nuhtum an.”
Tukihn lotwel Adam ma pwacye ke wosasuc luhn Jisus Kraist, ke Moses 6:51–63, Leum el fahk nuh sel Adam in luti kac nuh sin fihl fahsruh uh. Motko in oraclah tahk soko ke ma pwacye inge. (Ac kuh in kahsruh oraclihk ip se inge nuhke u in fuhs srihsrihk, oacna fuhs 51–52, 53–57, 58–60, 61–63). Efuh ma pwacye inge yohk srihpac nuh sin fihl kapkapwack misenge? Meac pac sahyac kom kuh in lotwelah ke ahkuhtweyac luhn Leum nuh sin ninac pahpah ke Mosiah 4:14–15 and Doctrine and Covenants 68:25–28; 93:40–50?
Riti ke “puk in esam”lah sucu lal Adam ac Eve karuhnganacng kuh in moklwe kom kuh sucu lom in oraclah puk in esam lomtacl sifacna. Meac kom puhla muh Leum el kena kom in sang nuhkac? Consider saving information from your book of remembrance on FamilySearch.org.
Liye pac Dieter F. Uchtdorf, “Jesus Christ Is the Strength of Parents,” Liahona, May 2023, 55–59; “Parenting: Touching the Hearts of Our Youth,” “But Why?” (videos), Gospel Library.
For more, see this month’s issues of the Liahona and For the Strength of Youth magazines.
Mwe nuhnak nuhke Luti Tuhlihk
Moses 6:26–34
God el kuh in kahsrweyuc oruh ma upac.
-
Ke Enoch el tuh pahngonyuck in luti ke wosasuc, el fosrngah muh el ac koflah oruh. Tuhsruhk God el kahsrwel. Tuhkweni riti sramsram soko ke Moses 6:26–34 (see also “Enoch the Prophet” in Old Testament Stories, 19–21). Efuh Enoch el puhla muh el koflah luti ke wosasuc? (see Moses 6:31). God el kahsrwel fuhkah Enoch? (see Moses 6:32–34; 7:13).
-
Tuhlihk nuhtum ac engan in akacsruhi kac kuh srihke kuhtuh ohiyac sahyac ke God el kahsruh mwet oruh ma upac—fin pa, Noah, David, Ammon, or Samuel the Lamanite (see Gospel Art Book, nos. 7, 19, 78, 81). Kom kuh pac in akacsruhi ke sie ma sikyak keim sifacna ac lwelah tuhlihk nuhtum an in sramsram lah God elac kahsreltahl ke ma upac fuhkah.
Moses 6:50–62
Luhlahlfongi ke Kraist, auliyak, pacptaislac, ac eis ke Nguhn Muhtahl ahkwoeyuclac in fohlohk nuh yurin God.
-
God lotwel Adam ke ma el enenuh in oruh in fohlohk nuh Yohrohl—luhlahlfongi ke Jisus Kraist, auliyak, pacptais, ac eis mwe sang luhn Nguhn Muhtahl. Kahsruh tuhlihk nuhtum an in sokwack ip yohk inge ke Moses 6:52, 57. Na kom kuh in kahsreltahl suhmuhslah sie sramsram fototo ke sie sin ip yohk ah. Kais sie sramsram weacng sie ma suhmuhslah Moses 6, ma sikyak se, ac sie fahkwack pwacye. Lwelah eltahl in akacsruhi sramsram laltahl nuh sin sie sin sie.
-
Kom kuh pac in sruhkwack petsac in fahkwack ma yohk ke wosasuc (see the fourth article of faith). Akweltahluh ke lain soko kol nuhke petsac se luhn Jisus Kraist. Ke kom riti Moses 6:52, tuhlihk nuhtum an kuh in tu sisken petsac pwacye ke eltahl lohng kahs ke petsac sac fahkwack.
-
Tuhlihk nuhtum an ac luhngse yuck on ma luti ke ma wo ke Moses 6:52, oacna “Faith,” “When I Am Baptized,” ac “The Holy Ghost” (Children’s Songbook, 96–97, 103, 105). Kahsruh eltahl in konwacack ma yohk ke Moses 6:52.
Moses 6:57–58
Pahpah Inkuhsrao el luhngse ninac pahpah in luti tuhlihk nahtuhltahl.
-
In ahkkweye tuhlihk an in kahsruh ninac pahpah ke ma kunaclos oacna mwet luti ke wosasuc, motko in siyuck sin sie tuhlihk in rit Moses 6:58 ac akihlen masap God el sang nuh sin ninac pahpah. Na kom kuh in sang petsac se kacl Adam ac Eve luti tuhlihk nahtuhl (oacna ma se ke sahflahiyen ma oreklac inge) ac lwelah tuhlihk an in sramsramkihn ma eltahl liye ke petsac se. Tuhlihk nuhtum an kuh in srohlwaclah petsac se ke sucu lalos tuhkweni riti ma suhmuhslah, tuhkweni pruhe, kuh tuhkweni sritacl.
For more, see this month’s issue of the Friend magazine.