“Jacnweri 19–25. Puhtatlac Se lal Adam ac Eve: Genesis 3–4; Moses 4–5,” Fahsruh, Fahsr Tukuk—Nuhke Lohm sesr ac Alu ah: Wuhlweacng Mahtuh 2026 (2026)

“Jacnweri 19–25. Puhtatlac Se lal Adam ac Eve,” Fahsruh, Fahsr Tukuk: 2026

Adam ac Eve, sel Douglas M. Fryer

Jacnweri 19–25: Puhtatlac Se lal Adam ac Eve

Genesis 3–4; Moses 4–5

Met, sramsram ke puhtatlac lal Adam ac Eve sahp kuh in liyeyuck oacna mwe ahsor se. Adam ac Eve tuh lihsyucklac liki imac kahto Eden. Eltahl suhpweyuckme nuhke sie facl luhn mwe keok, ahsor, ac misac (liye Genesis 3:16–19). Ac eltahl tuh lihsyucklac liki Pahpah tuhmaclos Inkuhsrao. Tuhsruhk ma pwacye uh fohlohkihnyuckyak sel Joseph Smith ke puk lal Moses use nuh sesr kahlwem nuhke luhlahlfongi lasr ke Puhtatlac se inge.

Ahok, Imac luhn Eden tuh arulacna kahto. Tuhsruhk Adam ac Eve enenuh yohk liki ma kahto raunweltahllah ah. Eltahl enenuh—ac kuht nuhkwewa enenuh—pacl wowo in kap. Som liki Imac luhn Eden pa step se emet enwenweyuck in fohlohk nuh yurin God ac sahflahiyac eklac oacna El. Kalmac pa puhla lainyuck, orek sulaclah, orek tahfonglac,, luti in auliyak, ac luhlahlfonbgi ke Mwet Lahngo, suc Iwaclah Lal oraclah in oasr kapwack, ac “engan ke molwelah lasr uh” (Moses 5:11). Na ke kom riti ke Puhtatlac lal Adam ac Eve, nimet loacng nuhke ma liyeyuck muh ahsor tuhsruhk ke ma kuh in sikyak—tiac ke paritais ma itucklac sel Adam ac Eve tuhsruhk ke wolacna ke sulaclah lalos ma ituckyang nuh selos.

Mwe Nuhnak nuhke Lutlut Lohm ah ac Alu

Genesis 3; Moses 4

Puhtatlac Sac ip enenweyuck se nuh ke plwacn luhn God.

Pwacye lah sulaclah lal Adam ac Eve kohllah nuhke ma upac pucspucs kuht pulakihn ke moul suhkawihl. Tuhsruhk tiac kalmac pa kuht auli ke sulaclah laltahl ah. Ke kom riti Genesis 3 ac Moses 4, kom kuh in siyuck sum sifacna, efuh kuh Puhtatlac Sac yohk srihpac nuhke plwacn luhn God?

Oacna ke Moses 5:9–12, fuhkah puhla lal Adam ac Eve ke Puhtatlac Sac? Kom ac orekmakihn fuhkah kahs laltahl nuhke ma kom puhlakihn ke facluh koluklac se inge? Meac pac sahyac kom lotwelah ke 2 Nephi 2:19–25?

Liye pac Mosiah 3:19; Alma 12:21–37; ac Doctrine and Covenants 29:39–43.

Eve el sruok apple se — Som liki Eden, sel Annie Henrie Nader

Genesis 3:1–7; Moses 4:22–31; 5:4–15

Jisus Kraist El use finsrak, ac molwelah.

Sramsram kacl Adam ac Eve el sie ma ke finsrak ac molwelah ke Jisus Kraist. In liye lah efuh, kom ac kuh in muhtwacwacack suk sahflah ke Puhtatlac Sac ke Genesis 3:1–7; Moses 4:22–31 ac akihlenyac kuh suhmuhslah ma kom sokwack an. Meac sahflah ke ma inge oruh nuh sum? Na kom kuh in suk Moses 5:4–15, suk ke plwacn luhn God in molikuhtlac liki ma kuht puhla inge. Efuh kuh Adam ac eve “enganwack” tukihn lipufacn sac tuhkuh nuh yohrohlos ah? Meac kom lotwelah seltahl ke plwacn luhn Pahpah Inkuhsrao?

Liiye pac “Because of Him” (video), Gospel Library.

Genesis 3:16; Moses 4:22

Meac kalmen Adam el fah “leum facl” Eve?

Pohloh kahs ke ma suhmuhslah kuhtuh pacl uh suhtuhilac in nuhnkuh muh sie mukul tuhma oasr srihpac wowo la in oruh koluk muhtwacn kiacltahl. Ke pacl lasr uh, mwet pahluh luhn Leum elos luti kuht lah mukul tuhma ac muhtwacn kiac enenuh in tuhkweni insese in ahkfalye kunohkohn wolacna lalos in sucu uh “The Family: A Proclamation to the World” [Gospel Library]). Elder Dale G. Renlund ac Sister Ruth Lybbert Renlund ahkutweyac lah mukul tuhma suwohswohs se “fah suk in luti; el ac akihlen tahfonglac ac suk nuhnak muhnahs; el fah sa in sang kaksak; el fah suleyucklac sin mwet in sucu lal; el fah puhlakihn toasr ke ma kunacl in sang ‘ma enenuh nuhke moul ac karihngihnyuck’ nuh sin sucu lal; el fah ahkenganye muhtwacn kiacl ke luhngse yohk ac ahkfuhlwact. … El fah ahkinsewowoye sucu lal” (The Melchizedek Priesthood: Understanding the Doctrine, Living the Principles [2018], 23).l

Moses 4:1–4

Nga enenuh sukohsohk in sulaclah ac mwe lain in kapwack.

Elder Dale G. Renlund el luti, “Finsrak luhn Pahpah Tuhmasr Inkuhsrao in ekihn pahpah se tiac pa in sap tuhlihk nahtuhl in oruhma wo; pa in liye tuhlihk nahtuhl in sulaclahin oruh ma wo ac sahflahiyac eklac oacna El” (“Kom Sulaclah Lwen Se Inge,” Liahona, Nov. 2018, 104). Efuh kuh yohk ke plwacn luhn Pahpah Inkuhsrao lah kuht sulaclah in oruh ma wo?

Ke kom riti Moses 4:1–4, suk ke ma Pahpah Inkuhsrao ac Jisus Kraist oruh in karihngihn suwohs lom in sulaclah—sukohsohk in sulaclah lom. Kom ac oruh fuhkah kom in orekmakihn kuh in karihngihn lalos? In kahsruh pac, nuhnkuh in lutlut ke ip inge “Make inspired choices” ke Mwe Ahkkweye Mwet Fuhsr: Mwe Kolyuhk se Nuhke Orwaclah Sulaclah (4–5).

Motko in riti, pac ma Lehi el luti ke sukohsohk in sulaclah ke 2 Nephi 2:11–20, 25–30. Efuh kuh ma lainyac eneneyuck nuhke sukohsohk in sulaclah? Kom ac ahkkahlwemye fuhkah srui lom nuh sin Jisus Kraist ke oraclah kom in “sukohsohk in sulaclah”? (2 Nephi 2:27).

Liye pac Dallin H. Oaks, “Opposition in All Things,” Liahona, May 2016, 114–17; Topics and Questions, “Agency,” Gospel Library; “Choose the Right,” Hymns, no. 239.

Puhseni mwet wi Puhs mukuikui in lotwelah kuh in orek ekihn mwet se, sucu, kuh klahs; ke u srihsrihk; kuh ke kais luo. Orekmakihn kain in kuhfa in lwelah mwet in wi suc wacngihn pacl se lal. Ke mukuikui se inge, kom kuh in suli mwet se kuh u in riti Moses 4 ac ke Mwe Ahkkweye Mwet Fuhsr kol ke pacl se u se sahyac lutlut ke fuhs ke 2 Nephi 2. Na eltahl kuh in luti sie sin sie ma eltahl lotwelah ke ip kunacltahl ah.

Moses 4:4–12; 5:13–33

Satann el suk “in kuhtasrihk ac lohsraclah” muhtuhk.

Ke kom riti Moses 4:4–12; 5:13–33, motko ke kuhtuh inek ma Satan el srihke in sang srihfacl Adam ac Eve ac tuhlihk nahtuhlos. El srihke fuhkah ma pacna inge mihsenge? Pahpah Inkuhsrao el kahsre kom fuhkah in kutong ma kikiacp lal Satan inge?

Moses 4:13–16, 27

“Nga, pa Leum God … nokomuhltahlwacng.”

Tukihn eltahl eis ke fukunsahk sruhngacyuck sac, Adam ac Eve srihke in okanlah kohflohfohl lalos sifacna. Tohkoh, Leum el ahkolah in nokmuhltahlwacng. Ke kom riti Moses 4:13–16, 27, motko ma fahsruh inge :

Motko lah meac kohflohfohl ac nuknukyang kuh in ahol ke ma suhmuhslah (liye ma inge, nuhke mwe srihkasrak, Revelation 7:9, 13–15; 2 Nephi 9:14; Doctrine and Covenants 109:22–26, 76). Meac kom lotwelah ke ma Adam ac Eve puhla ke kohflohfohl ac nuknukyang?
Kom fin eis mwe sang muhtahl tari ke tempuhl, motko lah meac Adam ac Eve ac fahk nuh sum ke ma yohk srihpac ke tempuhl karmacn ac meac eltahl aohllah.

Liye pac “Sacred Temple Clothing” (video), Gospel Library.

Moses 5:4–9, 16–26

God el fah eis mwe kisac luhk nga fin sang ke inse pwacye ac ahkostwen,

Ke kom lutiMoses 5:4–9, 16–26, motko ke ohiyac lal Adam ac Eve ac wen nahtuhlos Cain ac Abel nuhke kisaci. Efuh kuh God el eis kisac lal Abel ac tiac Cain?

Meac Leum el siyuck sum in kisaci? Yac oasr kuhtuh sin fuhs inge ma ahkuhtweyac ohiyac ma kom nuhnkuh ke kisac ingoh?

Nuhke kuhtuh pac, liye ma nuhke mahlwem inge ke Liahona ac Mwe Ahkkweye Mwet Fuhsr ke mackuhsin ah.

Mwe Nuhnak nuhke Lutlut Lohm ah ac Alu

Genesis 3; Moses 4; 5:8–15

Jisus Kraist el molikuhtlac liki Puhtatlac Sac.

In kahsruh tuhlihk nuhtum an in kahlwem ke Puhtatlac lal Adam ac Eve, kom kuh in kapi petsac se ke “Adam and Eve” (ke Sramsram ke Wuhlweacng Mahtuh, 13–16) ac lisaclah. Na komtacl kuh in tuhkweni orekma in fihliac petsac an ke acn laltahl ke kom sruhmuhn ma sikyak nuh sel Adam ac Eve. Ke kom oruh, sruhmuhn lah efuh tuh yohk srihpac, ke plwacn luhn Pahpah Inkuhsrao, nuhsel Adam ac Eve in som liki Imac luhn Eden.
Tuhlihk nuhtum an kuh in puhla kaksak ke Iwaclah luhn Jisus Kraist ke eltahl etuh lah el kuhtanglah fuhkah ma sikyak ke Puhtatlac Sac. Ke komtacl tuhkweni riti Moses 4:25; 6:48; Romans 5:12; 2 Nephi 2:22–23, kahsruh tuhlihk nuhtum an in suk innek in ahksahfyelah pohloh kahs se inge: “Ke srihpen Puhtatlac Sac, Nga …” Na, ke komtacl tuhkweni rit Moses 5:8–11, 14–15; 6:59; Alma 11:42, eltahl kuh in ahksahfyelah pohloh kahs se inge: “Ke srihpacl Jisus Kraist, Nga …” Akacsruhi sie sin sie kaksak lom kacl Jisus Kraist.

Moses 4:1–4

Nga kuh in sulaclah ma wo.

Motko ke sie mwe luti fihsracsr in ahkuhtweyac ip yohk ke sukohsohk in sulaclah: suli tuhlihk nuhtum an in srohlwaclah mukuikui in wik ke sra puk, tuhsruhk sang mwe sroal sefanna in orekmakihn. Efuh kuh wo in oasr sulaclah? Na komtacl kuh in tuhkweni riti Moses 4:1–4 ac sruhmuhn lah efuh God el luhngse kuht in kuh in sulaclah inmahsrlon ma wo ac koluk. Pahpah Inkuhsrao ac Jisus Kraist kahsre kuht fuhkah in orek sulaclah wowo?
Kahsruh tuhlihk nuhtum an in nuhnak ac srolwaclah sie petsac ke sulaclah wowo eltahl kuh in oruh in fahsr tukihn Jisus Kraist. Kuh komtacl kuh in tuhkweni yuck soko on ke orek sulaclah wowo, oacna ke “Choose the Right Way” (Children’s Songbook, 160–61). Kom ac kuh in sruhmuhn sie sin sie ke pacl se kom oraclah sulaclah wowo se ac sruhmuhn lah meac puhla lom tohkoh.

Adam ac Eve — Puhtatlac Sac, sel Robert T. Barrett

Moses 5:4, 8

Nga kuh in pruhe nuh sin Pahpah Inkuhsrao.

Ke Adam ac Eve enenuh in som liki Imac luhn Eden, eltahl tiac kuh in sulpac muhta yurin Pahpah Inkuhsrao. Riti Moses 5:4, 8 yurin tuhlihk nuhtum an, ac kahsreltahl in konwacack lah meac Adam ac Eve tuh oruh in puhla oasr Lal ac lohng Puhsracl. Meac kuhtuh ma kuht kuh in fahk nuh sin Pahpah Inkuhsrao ke kuht pruhe?

Nuhke kuhtuh pac, liye ma oreklac nuhke mahlwem inge ke Friend mackuhsin.

Adam and Eve wi soko lamb in kisac fin mwe loang se — In Oacna Iwaclah luhn Wen se Fanna nuhtin Pahpah, sel Mike Malm (liye Moses 5:5–9)

Sra puk in acktifity luhn Primary: Puhtatlac lal Adam ac Eve — In Oacna Iwaclah luhn Wen se Fanna nuhtin Pahpah, sel Mike Malm (liye Moses 5:5–9)