Jacnwacri 5–11. Pa Inge Orekma Luhk ac Mwe Insewowo Luhk’: Moses 1; Abraham 3,” Fahsruh, Fahsr Tukuk—Nuhke Lohm Sesr ac Alu ah: Wuhlweacng Mahtuh 2026 (2026)

Jacnwacri 5–11. ‘Pa Inge Orekma Luhk ac Mwe Insewowo Luhk’,”Fahsruh, Fahsr Tukuk: 2026

Jacnwacri 5–11: “Pa Inge Orekma Luhk ac Mwe Insewowo Luhk”

Moses 1; Abraham 3

Pacpuhl uh mutwacwacack ke kahs inge “ke mutawauk God el orala kusrao ac faclu” (Genesis 1:1). Tuhsruhk meac oasr we met liki “muhtwacwacack se inge”? Ac efuh God el tuh oraclah ma inge kwewa? Kacl Mwet Pahluh Joseph Smith, Leum el sang kahlwem nuhke kihsen siyuck inge.

Fin ohinge, El acse nuh sesr ma suhmuhslah ke sie aruhruhma suc Abraham el liye moul lasr oacna nguhn “met liki facluh oreklac” (liye Abraham 3:22–28). Leum el oacyacpac acse nuh sesr sie leng moklweyuck kuh ahkpwacye ke sapta ohnkohsr emet ke Genesis, pahngpahng puk lal Moses—suc tiac muhtwacwacack ke “ke muhtwacwacack ah.” Aholyac, el mutwacwacack ke sie ma sikyak nuh sel Moses ma oraclah kuhtuh ohiyac nuhke sramsram ke Oreklac. Toeni, ma suhmuhslah ke lwen sahflah inge acn na wowo se in muhtwacwacack lutlut lasr ke Wuhlweacng Mahtuh mweyen eltahl sruhmuhn kuhtuh kihsen siyuck yohk srihpac ma kuh in kahsruh rit lasr uh: Suc God uh? Suc kuht uh? Meac orekma luhn God, ac piac acn lasr kac uh? Ikacklah luhn sapta ke Genesis kuh in liyeyuck oacna top luhn Leum nuhke nguhsr lal Moses: “Kom in pahkotwen nuh sin mwet kuhlwacnsap lom, O God, ac fahk nuh sihk ke facluh se inge, ac koano uh, ac oacyacpac kuhsrao” (Moses 1:36).

Mwe nuhnak nuhke Lutlut Lohm ah ac ke Alu

Moses 1

Ke nga ekihn tuhlihk nahtuhl God, oasr sripac yohk luhk.

“Fin Leum el tuh sramsram suwohswohs nuh sum,” Prestuhn Russell M. Nelson el luti, “ma se emet El ke kom in etuh pa suc na pwacye kom uh” (“Choices for Eternity” [worldwide devotional for young adults, May 2022], Gospel Library). Tohkohyang Satan el ac srihke in ahkfohsye kom ke srihpac se pacna ingacn. Suk pactuhn se inge ke pweng luhn God nuh sel Moses ke Moses 1:4, 6 ac ke pweng lal Satan ke Moses 1:12. Meac kom lotwelah ke fuhs inge ke eklac inmahsrlon God ac Satan?

Prestuhn Nelson el luti, “Ohiyacn nuhnak lom lah suc na pwacye kom uh ekuhllah sulaclah nuhkwewa kom fah oruh” (“Choices for Eternity”). Motko in oraclah tahk soko ke sulaclah ma kom oraclah mweyen akihlenyucki kom ekihn tuhlihk nuhtin God tuhkuh met liki kuhtwena mwe akucl sahyac.

Meac kuhtuh pac fuhs kuh pohloh kahs ke Moses 1 kahsre kom in kahlwem ke wolacna lom? Kom kuh in oacyacpac riti kuhtuh pac ke pweng lal Prestuhn Nelson ke sacksin ke “Choices for Eternity” titled “First: Know the truth about who you are.” Meac kom puhla moklwe kom in oruh akihlenyucki lom ekihn tuhlihk nuhtin God in mwe akucl yohk srihpac se emet?

Liye pac “I Am a Child of God,” Hymns (1985), no. 301; “Our True Identity” (video), Gospel Library; Topics and Questions, “Children of God,” Gospel Library.

Moses 1:12–26

Ke kahsruh luhn Leum, nga kuh in laenuhl Satan.

Ke Moses 1 ahkkahlwemye kahlwem, fokoko luhn ma kawihl kuht puhla tiac kalmac pa kuht ac tiac sifilpac srihfweyuck. Ma pwacye uh, sie sin inkacnek usrnguck lal Satan in srihfwe kuht in ahlohloh ke ma sikyak inge. Ke kom riti top lal Mose nuh sel Satan ke verses 12–26, meac kom lotwelah ma kuh in kahsrwe kom in tu na kuh ke luhlahlfongi kuh kom eis tari? Meac ma sahflah se ma kahsrel Moses in kuhtanguhllah Satan?

Sie pac lesin ke ma Moses el puhla pa Satan el srihfwe kuht ke ma kikiacp ke ma pwacye ac kuh luhn God. Nuhnkuh ke kuhtuh luhmah kikiacp luhn ma, oacna soko sahk kikiacp kuh sie tuhlihk sahk. Kom etuh fuhkah lah eltahl ma kikiacp? Na motko ke ma kikiacp Satan el orekmakihn mihsenge in srihfe kom uh. Meac kom lotwelah ke Moses 1:13–18 lah ac akihlenyuck ac lainyuck fuhkah ma kikiacp lal inge? Leum elac kahsre kom fuhkah? (liye Moses 1:24–26).

Liye pac Matthew 4:1–11; Gary E. Stevenson, “Deceive Me Not,” Liahona, Nov. 2019, 93–96; “I Am a Son of God” (video), Gospel Library.

Lutlut lohm ah kuh in plwacniyucklac tuhsruhk oacyacpac kuh pac in sikyak na. “Pacl wo in lutlut in sucu uh kwacna sikyak ke pacl mwesahs lwen nuhkwewa—ke pacl in mongo, orekma, sritacl, [kuh] forfor” (Teaching in the Savior’s Way, 31). In mwe srihkasrak, weacng ma ritiyuck lah Moses el laenuhl Satan fuhkah ke Moses 1, kom kuh in sislah kihtin pacl ke pacl in mongo ah sramsram oacna sie sucu lah kom lain fuhkah orekma luhn tacfuhl.

Moses 1:27–39; Abraham 3

Orekma luhn God ac wolacna pa in kahsre yuc eis moul ma pahtpaht.

Tukihn nga liye aruhruhma se ke ma God el oraclah, Moses el fahk nuh sin Leum: “Fahk nuh sihk … efuh kuh ma inge ohinge” (Moses 1:30). Meac kom fwefwelac kac ke top luhn Leum ke Moses 1:31–39? Meac sie lacna ke moul kawihl ac moul ma pahtpaht? (liye Sifac ac Kihsensiyuhk, “Eternal Life,” Gospel Library). Jisus Kraist el kahsruh fuhkah in orekmakihnyuck kwewa? Abraham el oruh pac sie aruhruhma sihmihsyucklac ke Abraham 3. Meac kom sokwack ke verses 24–26 ma kuh in kahsruh tohpohklah nguhsr lal Moses ac?

Abraham 3:22–28

Nga moul oacna sie nguhn met liki nga tuh isuslac fin facluh.

Kuht etuh na kuhtuhsrihk ke moul lasr met liki moul se inge. Tuhsruhk yohkiyen ma kuht etuh uh tuhkuh ke aruhruhma lal Moses ke Abraham 3:22–28. Ke kom riti fuhs inge, oraclah tahk soko ke ma pwacye —weacng ma pwacye keim ac ke Jisus Kraist. Efuh kuh ma pwacye inge yohk srihpac nuh sum? Eklac fuhkah eltahl oruh in moul lom?

Liye pac Sifac ac Kihsensiyuhk, “Premortal Life,” Gospel Library.

Nuhke kuhtuh pac, liye ma nuhke mahlwem inge ke Liahona ac Mwe Ahkkweye Mwet Fuhsr mackuhsin.

Mwe nuhnak nuhke Lutlut luhn Tuhlihk

Moses 1:1–4, 6, 12

Nga tuhlihk nuhtin God.

Tukihn komtacl tuhkweni riti pweng luhn God nuh sel Moses ke Moses 1:4, motko in sang tuhlihk nuhtum an in liye nguhnalos ke selnguhn an ac sang nuh seltahl pweng sac pacna: “Nga tuhlihk nuhtin God.” Na eltahl kuh in sang pweng sac nuh sin sie sin sie: “Kom tuhlihk nuhtin God.” Kom kuh pac in sokwack petsac ke kain mwet ac suli tuhlihk nuhtum an in srihsrngiyac kais sie ac fahk, “Pa inge tuhlihk nuhtin God.” Akacsruhi nuh sin sie sin sie lah efuh kom engan in etuh lah kom tuhlihk nuhtin God. Mwe etwacack se inge ekuhllah fuhkah ohiyac ma kom ac oruh nuh sum sifacna ac mwet sahyac.
Kom ac tuhlihk nuhtum an kuh in kapsruh pweng luhn God nuh sel Moses ke Moses 1:4 ke pweng lal Satan ke verse 12. Kom ac kahsruh fuhkah tuhlihk nuhtum an in orek sulaclah inmahsrlon pweng luhn God nuh seltahl ac Satan?

Jehovah el sikyak nuh sel Moses — Moses El Liyacl Jehovah, sel Joseph Brickey (mwe ahkuhtweyac)

Moses 1:6, 39

Pahpah Inkuhsrao el use sie orekma ngan oruh.

Ke kom riti Moses 1:6 wi tuhlihk nuhtum an, kom kuh in sramsram nuh seltahl ke “orekma” God el sang nuh sel Moses. Motko in orekmakihn Gospel Art Book, nos. 13–16, kuh Sramsram ke Wuhlweacng Mahtuh, sra puk 64–84, in kahsruh tuhlihk nuhtum an in liye ma Moses el ahkfahsryelah ke kahsruh lal Leum. Meac orekma God el use kuht in oruh? (liye, nuhke mwe srihkasrak, Doctrine and Covenants 11:20).

Moses 1:12–26

Nga kuh in lain mwe sruhf lal Satan.

Ke kom luti Moses 1:12–26 weacng tuhlihk nuhtum an, kahsreltahl in konwacack lah mac Moses el oruh in laenuhl Satan (liye verses 13, 15, 18, 20–22, 26). Ac kuh in pwacr seltahl in orek sritacl ke ma tahl kuh in oruh in lain mwe sruhf (oacna pruhe, fahlac liki, kuh siyuck ke kahsruh).

Abraham 3:22–28

Nga moul oacna sie nguhn met liki nga tuh isuslac nuh fin facluh.

Etuh ke moul lasr met liki kuht isuslac nuh facluh kuh in mokle tuhlihk nuhtum an in oruh sulaclah wiwi na ma pwacye ne tok ma pahtpaht. In kahsreltahl etuh kac, kom kuh in sang nuh seltahl kahs kuh ac pohloh kahs in sokwack Abraham 3:22–28, oacna “met liki facluh tuh ,” “nguhn,” “oraclah sie facluh” ac “ahkpwacye.” Meac fuhs inge luti kuht kac lah efuh Pahpah Inkuhsrao el suhpwekuhtme nuh facluh?
On soko inge “I Will Follow God’s Plan” (Children’s Songbook, 164–65) kuh in ahkyohkye mwe lutlut ke ma Abraham 3 luti uh. Sahp kom kuh in suli tuhlihk nuhtum an in srolwaclah petsac ma som wi kahs an.
Kahsruh tuhlihk nuhtum an in nuhnkuh ke ohiyac ma eltahl enenuh in sulaclah finne kuh kuh koflah in oruh ma God el siyuck eltahl (liye Abraham 3:25; liye pac Mwe Ahkkweye Mwet Fuhsr: Mwe Kolyuhk Se Nuhke Orwaclah Sulaclah). Lwelah nuh selos in ahkpah ke top fal nuhke ohiyac inge. Mwet Lahngo elac kahsrwe kuht fuhkah ke kuht oraclah sulaclah koluk?

Nuhke kuhtuh pac, liye ma nuhke mahlwem inge ke Friend mackuhsin.

Moses el luhsuhlwack Satan — Moses el Kuhtanguhllah Satan, sel Joseph Brickey

Sra puk in acktifity luhn Primary: Nga tuhlihk se nuhtin God — Moses el Kuhtanguhllah Satan, sel Joseph Brickey