“Janweri 12–18. ‘Ke muhtwacwacack God el Oraclah Kuhsrao ac Facluh’: Genesis 1–2; Moses 2–3; Abraham 4–5,” Fahsruh, Fahsr Tukuk—Nuhke Lohm Sesr ac Alu ah: Wuhlweacng Mahtuh 2026 (2026)
“Janweri 12–18. ‘Ke muhtwacwacack God el Oraclah Kuhsrao ac Facluh’,” Fahsruh, Fahsr Tukuk: 2026
Janweri 12–18: “Ke muhtwacwacack God el Oraclah Kuhsrao ac Facluh”
Genesis 1–2; Moses 2–3; Abraham 4–5
Ke srihpen facluh raunikuhtlac inge kahto ac askuhlacna, ac upac in motko facluh ke tuh “wacngihn luhmah, ac wacngihn koano” ac “lohsr mahtoltol ac srwenglah” (Genesis 1:2; Abraham 4:2). Sie ma sramsram ke Ma Oreklac luti kuht kac pa God el kuh, pacl nuhkwewa, in oraclah ma usrngucklacna ke ma tiac ahkwoeyucklac. Ac kahsruh in esam ke moul uh oacna in fohsack. Pahpah Inkuhsrao ac Jisus Kraist pa Mwet Oraclah, ac orekma usrnguck Laltahl yohrohsr uh sonna sahflah. Eltahl kuh in oruh kahlwem in tohlwack ke pacl lohsr in moul lasr uh. Eltahl kuh in ekuhllah wacngihn srihpac lasr nuh ke moul. Eltahl kuh in ikihlkuhtlac nuhke ma wowo ma kuht enenuh in oacna. Pa kalmac in oreklac in luhman God, in oacna El (liye Genesis 1:26). Oasr yohrohsr kuh se in eklac oacna El: fuhlwactlacna wolacna, muhtahl.
Ke mwe ahkuhtweyac ke puk luhn Genesis, liye “Genesis” ke Pwacpuhl Tiksinacri an.
Nuhnak nuh ke Lutlut Lohm ac ke Alu
Genesis 1:1–25; Moses 2:1–25; Abraham 4:1–25
“Ke Wen Kuloh Sefanna Nuhtihk Nga oraclah ma nuhkwewa.”
Kuht finne tiac etuh ma nuhkwewa lah fuhkah tuh facluh oreklac, tahfuhnkahs in etuh ma God el sulaclah in lwemtuhlwacack ke ma Oreklac. Meac God el luti kom ke Genesis 1:1–25; Moses 2:1–25; ac Abraham 4:1–25? Efuh El ke kom in etuh ke ma inge? Ke kom motko ma sihmlac inge, kom ac kuh pac in motko ma eltahl luti kom ke Pahpah Inkuhsrao, Jisus Kraist, facluh, ac kom sifacna.
In ahkyohkye stuhti lom an, nuhnkweack in riti fuhs ekahsr inge ke kom oasr inmahsrlon ma God el oraclah kuh ke kom lohng soko on oacna “All Creatures of Our God and King” (Hymns, no. 62). Kom kuh in konwacack petsac ke ma El oraclah ma kahsrwe kom in puhla ahkfuhlwact nuh sin Mwet Oraclah. Nuhnkweack in akacsruhi ke petsac inge, weacng fahkwack kuh lom, yurin mwet sahyac.
Liye pac Doctrine and Covenants 101:32–34.
Imac Eden, sel Grant Romney Clawson
Genesis 1:26–27; Moses 2:26–27; Abraham 4:26–27
Nga tuh oreklac ke luhmahl God.
Ke kom rit Genesis 1:26–27; Moses 2:26–27; ac Abraham 4:26–27, motko lah meac kalmac in oreklac in “luhman” God kuh “oacna sie,” mukul ac muhtwacn. Efuh kuh yohk srihpac nuh sum in etuh ke ma pwacye ke fuhs inge? In mwe srihkasrak, ma pwacye inge ekuhllah fuhkah ma kom liye ke ohiyom sifacna, mwet sahyac, ac God? Eltahl ac kahsre kom fuhkah fin oasr ma kom puhla koluk keim sifacna?
In kahsre kom nuhnkuh ke kihsen siyuck inge, srihke ahksahfyelah sie pohpoh kahs oacna ma se inge: “Ke srihpen nga oreklac in luhman God, nga sulaclah …” in Ahkpwacye “Mahno lom an muhtahl” ke In Ahkkweye Mwet Fuhsr: Mwe Kolyuhk Nuhke Orwaclah Sulaclah (sra 22–29) kuh in kahsruh. Motko in sulaclah sie ma kom ac oruh in ahkkahlwemye nuh sin God lah kom etuh lah monum muhtahl.
Ke vitio sac “God’s Greatest Creation” (Gospel Library), President Russell M. Nelson el fahkwack luhlahlfongi ke usrnguck luhn mahno luhn mwet uh. Ke kom liye vitio se inge, siyuck sum sifacna, “Meac Pahpah Inkuhsrao el luhngse ngan puhla ke mahno se luhk uh?” El eklac fuhkah liki kahs ma nga kuh in lohng sahyac?
God's Greatest Creation
Kuhtuh mwet uh kuh in fahk muh oreklac in luhman God kalmac pa nuhnak lasr, puhla lasr, ac ma kuht ke ahkkweyeyucklac Sel ac kuht tiac enenuh in (tiac kuh) in kihluckyak. Meac kom ac fahk ke mac sacn? Etwacack fuhkah kom eis kac Mosiah 3:19 acEther 12:27?
Liye pac Russell M. Nelson, “Your Body: A Magnificent Gift to Cherish,” Liahona, Aug. 2019, 50–55.
Genesis 1:27–28; 2:18–25; Moses 3:18, 21–24; Abraham 5:14–18
Pahyuck inmahsrlon mukul ac muhtwacn akmuhsraiyucklac sin God.
“Adam ac Eve falisyucki nuh sie ke macruht nuh tok ma pahtpaht ke kuh luhn pristut ma pahtpaht” [sac] (Russell M. Nelson, “Lessons from Eve,” Ensign, Nov. 1987, 87). Motko ma se inge ke kom riti Genesis 1:27–28; 2:18–25; Moses 3:18, 21–25; ac Abraham 5:14–19. Kom ac liyacacng fuhkah macruht wikihn ma muhtahllacna God el sang nuhkac?
Liye pac 1 Corinthians 11:11; “The Family: A Proclamation to the World,” Gospel Library.
Genesis 1:28; Moses 2:28; Abraham 4:28
Ma kunuck in karihngihn ma God el oraclah.
Meac Genesis 1:28; Moses 2:28; ac Abraham 4:28 nuhnkuh ke kunohkohn lasr nuhke ma God el oraclah? Meac Doctrine and Covenants 59:16–21 ac104:13–18 sang nuh ke etwacack lom?
Liye pac Gérald Caussé, “Our Earthly Stewardship,” Liahona, Nov. 2022, 57–59; Sifac ac Kihsensiyuhk, “Environmental Stewardship and Conservation,” Gospel Library.
Genesis 2:2–3; Moses 3:2–3; Abraham 5:2–3
God el ahkinsewowoye ac ahkmuhtahlye lwen Sahpuht.
God el oraclah lwen Sahpuht uh muhtahl, ac El siyuck sesr in liacacng in muhtahl. Ke kom riti Genesis 2:2–3; Moses 3:2–3; ac Abraham 5:2–3, nuhnkuh lah meac oruh Sahpuht el “mwe insewowo ” nuh sum.
Liye pac Doctrine and Covenants 59:9–13; “The Sabbath Is a Delight” (video), Gospel Library.
Highlight: The Sabbath Is a Delight
Nuhke kuhtuh pac, liye ma nuhke mahlwem inge ke Liahona ac Mwe Ahkkweye Mwet Fuhsr mackuhsin.
Nuhnak nuh ke Luti Tuhlihk
Genesis 1:1–25; Moses 2:1–25; Abraham 4:1–25
Jisus el tuh oraclah facluh.
-
Kom ac oruh fuhkah lutlut ke ma Oreklac in pwacr sin tuhlihk nuhtum an? Kom kuh in usacltahl nuh lihk ac in suk kain in ma ma oreklac ke kais sie puhlan pacl ke Ma Oreklac. Tuhlihk nuhtum an kuh pac in liye petsac ke kuhtuh ma Jisus el oraclah (liye “The Creation of the Earth” ke Sramsram ke Wuhlweacng Mahtuh, 8–12). Na kom ac tuhlihk nuhtum an kuh in sramsramkihn lah fuhkah puhla lom kacl Jisus Kraist tukihn riti ke Ma Oreklac ah.
-
Nuhnkweack in tuhkweni yuck on ke wolacna ke facluh se lasr uh, oacna “My Heavenly Father Loves Me” (Children’s Songbook, 228–29). Sahp tuhlihk nuhtum an kuh in sang nuh ke on an kuhtuh ma sahyac God el oraclah ma kahsreltahl in puhla luhngse Lal.
Kahsruh tuhlihk an in ahkkahlwemye ma eltahl oraclah. “Ke kom sang tuhlihk an in sroal, muhsahi, sruhluh, kuh sihmihs sie ma kuhpahsr nuh ke ip yohk ke wosasuc, kom kahsreltahl in kahlwemwack ke ip yohk sac ac kom sang nuh seltahl sie mwe acsmakihn wowo ke ma eltahl lotwelah” (Teaching in the Savior’s Way, 32).
Genesis 1:26–27; Moses 2:26–27; Abraham 4:26–27
Nga tuh oreklac in luhman God.
-
Tuhlihk nuhtum an kuh in oruh sie ohiyac ke inse puhsisacl ac ahkfuhlwact nuh ke mahnoltahl sifacna ac mahno luhn mwet sahyac ke eltahl etwacack lah kuht nuhkwewa oreklac in luhman God. In kahsreltahl in etuh kalmen ma se inge, kom kuh in sang tuhlihk nuhtum an in liye luhmahltahl ke selnguhn ah kuh petsacelah ke kom riti Moses 2:26–27 nuh seltahl. Kom kuh pac in sang eltahl in liye fuhkah ma orahkrahk fuhsr inge “kwalah” pahpah ninac kiacltahl ah (liye petsac se ke ma tahklac inge, nuhke mwe srihkasrak). Ma se inge kuh in pwacnwack sie sramsram lah efuh kuh yohk srihpac nuh sum in etuh lah kom oreklac in luhman Pahpah tomom Inkuhsrao.
-
Kom ac tuhlihk nuhtum an sahp kuh in tuhkweni srohlwaclah sie mahno ah ac lisaclah petsac sac nuhke puhsuhl. Ke tuhlihk nuhtum an fihliac puhsuhl laltahl ah nuh sie, eltahl kuh in sruhmuhn ke kuhtuh ohiyac ma eltahl kuh in ahkkahlwemye nuh sin Pahpah Inkuhsrao lah eltahl kuloh ke mahnolos.
Genesis 2:2–3; Moses 3:2–3; Abraham 5:2–3
Lwen Sahpuht el muhtahl.
-
Ke kom riti Moses 3:2–3, siyuck tuhlihk nuhtum an in lohng ke ma God el oruh ke lwen Sahpuht. Kahsruh tuhlihk nuhtum an sokwack kuh srolwaclah petsac se ke ma eltahl kuh in oruh ke Sacnri in oraclah in sie lwen muhtahl ac sie likina lwen sahyac. Akacsruhi nuh sin sie sin sie lah efuh yohk srihpac nuh sum in liacacng lwen Sahpuht in muhtahl.
-
Kahsruh tuhlihk nuhtum an in oruh ohiyen sritacl in ahkuhtweyac nuh sin sie kawuck lah efuh eltahl sulaclah in oruh ma ke Sacnri ma ahkfuhlwactye Pahpah Inkuhsrao ac Jisus. Nuhnak se muh eltahl orekmakihn Genesis 2:2–3 ke ahkuhtweyac lalos. Fuhkah liaacng lwen Sahpuht in muhtahl ahkkahlwemye luhngse lasr nuh sin Pahpah Inkuhsrao ac Jisus Kraist?
Nuhke kuhtuh pac, liye ma nuhke mahlwem inge ke Friend mackuhsin.