“Mwe Nuhnak In Esamyuck: Riti Wuhlweacng Mahtuh,” Fahsruh, Fahsr Tukuk—Nuhke Lohm ac Sucu 2026 (2026)
“Riti le Wuhlweacng Mahtuh,” Fahsruh, Fahsr Tukuk: 2026
Mwe Nuhnak In Esamyuck
Riti ke Wuhlweacng Mahtuh
Ke Nephi el kena mokle tuhlihk wiacl ah in luhlahfongi ke Leum, el akacsruhi sramsram kacl Moses ac lutlut sel Isaiah. Ke Mwet Sap Paul el kena ahkkweye mwet Kristin met ah in luhlahlfongi ke olweacng luhn God, el ahkacsmakihnyacltahl ke luhlahlfongi lal Noah, Abraham, Sarah, Rahab, ac kuhtuh sahyac. Ac ke Jisus Kraist el fahk nuh sin mwet kol luhn Jew in “suk ke ma suhmuhslah,” ahkuhtweyac lah eltahl “fahkwack keik” (John 5:39), ma suhmuhslah Ma el sramsram kac pa ma sihmlac kuht pahngon Wuhlweacng Mahtuh.
In kuhtuh kahs sahyac, ke kom riti Wuhlweacng Mahtuh, kom riti kahs ma mokle, ahkwoye, ac ahkkweye mwet luhn God ke pwacyena tausin yac.
Tuhsruhk kuh ma sihmlac ke pacl loeles somlah kahsre kom na pwacye in konwacack ma nuhke elyah sikyak mihsenge uh? Ahok, ac kuh! Yohkna kom fin esam lah suc na pwacye Wuhlweacng Mahtuh el sruhmuhn kac uh.
Sie Wuhlweacng ke Jisus Kraist
Oacna sie ma upac sahp kom ac sucu lom an sun, top nuhkac pacl nuhkwewa pa Jisus Kraist. Na in konwacack top ke Wulweacng Mahtuh, Sokol. Ac tiac fihsracsr pacl nuhkwewa. Sahp kom enenuh in motko in muhtweng ac suk kolyuck luhn ma kawihl. Kuhtuh pacl uh ahkuhtweyac oreklac Kacl inge oacna in arlac suwohs, oacna ke fahkwack lal Isaiah ah, “Tuh isusla sie tulik nu sesr, ituku nu sesr sie wen: … ac El fah pangpang … Fihsrak lun Mislac ” (Isaiah 9:6). Ke kutuh acn sahyac, Mwet Lahngo El aholyucklac pacl puhs tiac kihlenyuck, ke mwe akucl, ac ma oacna sie—mwe srihkasrak, ke ahkuhtweyac ke kisac luhn ma orahkrahk kuh ma suhmuhslah ke Joseph el nuhnak muhnahs nuh sin tamuhlwel lal ac molweltahllah liki sracl in mwe mongo sac.
Kahlwem luhn Facluh, sel Scott Sumner
Kom fin suk luhlahlfongi yohk ke Mwet Lahngo ke kom luti ke wuhlweacng Mahtuh, komac fah konwacack. Sahp pa inge mwe finsrak se ke lutlut lom ke yac se inge. Pruhe tuh Nguhn fah kahsre kom in konwacack ac lohacng nuhke pohloh kahs, sramsram, ac palye ma fah us kom in fotoyang nuh sin Jisus Kraist.
Divinely Preserved
Nimet motko Wuhlweacng Mahtuh in ahkuhtweyac sie ma fohn ac suwohs ke sramsram mahtuh ke mwet fin facluh uh. Tiac pa ingacn ma mwet sramtweack ac mwet oracni nuh sie ah tuh srihke in oraclah ah. Ma yohk tahl nuhkuh ah pa in luti sie ma ke God—ke plwacn Lal nuh sin tuhlihk Nahtuhl, ke kalmen mwet wuhlweacng Lal, ac in sokwack fuhkah molwelah kuht fin tahfonglac. Kuhtuh pacl uh eltahl oraclah ke eltahl kuhpahsreni ma sikyak ke pacl somlah oacna eltahl etuh kacltahl, weacng srmasram ke moul luhn mwet pahluh wowo. Genesis el mwe srihkasrak se nuh sesr, in oacpacna kuhtuh puk oacna Joshua, Mwet Nunuhnkuh, ac 1 and 2 Tohkohsrah. Tuhsruhk kuhtuh mwet sihm sahyac ke Wuhlweacng Mahtuh tiac wihnna oraclah tuh in mwe sramsram mahtuh. In ahollah, eltahl luti ke orekma luhn sroal ac orekma luhn sihm. Psalm ac Soakas falyang nuhke ip se inge. Na pa ingacn kahs sacohk luhn mwet pahluh, oacna Isaiah ac Malachai, suc sruhmuhn kahs luhn God nuh sin mwet Israel met ah—a, tuhkuh ke ma usrnguck ke Pacpuhl, srackna sramsram nuh sesr mihsenge.
Yac mwet pahluh inge kwewa, mwet suhmuhslah ac mwet oracni nuh sie etuh lah kahs laltahl ac fah ritiyuck sin mwet fin facluh nohfohn ke yac puhs tohkoh? Kuht tiac etuh. Tuhsruhk kuht motko muh pa inge ma tuh sikyahk ah. Muhtuhnfacl tuyak ac puhtatlac, siti kuhtangyucklac, tohkohsrah moul ac misac, tuhsruhk Wuhlweacng Mahtuh kuhtanglah nuhkwewa, ke fihlin fihl nuhke fihl, ke mwet sihm nuhke mwet sihm, ke lweng nuhke lweng. Pwacyelah kuhtuh ma inge tuhlah kuh aholyucklac, ac finne ohinge ke usrnguck puhs ma karihngihnyuckyang.
Mwet Pahluh ke Wuhlweacng Mahtuh, sel Judith A. Mehr
Pa inge kuhtuh ma kom kuh in esam ke kom riti Wuhlweacng Mahtuh ke yac se inge. God El karihgihn ma suhmuhslah ke pacl met ah ke mweyen El etwe kom ac ma sikyak nuh sum. El ahkolah sie pweng luhn ma kawihl nuh sum ke kahs inge, suc fah uskom in fotoyang nuh Yohrohl ac ahkfokokoye luhlahlfongi lom ke plwacn Lal ac Wen Kuloh Nahtuhl. Sahp el fah kol kom nuhke sie inkacnek kuh sie mwe etwacack ma fah ahkinsewowoye sie mwet kom etuh—sie pweng kom kuh in akacsruhi nuh sin sie kawuck, sie mwet in sucu, kuh sie mwet luhn God. Aruhlacna puhkanten inkacnek wowo. Kuh yac tiac enganwack in nuhnkuh kac?
Nephi el fahk, “Nguhnihk engan ke ma suhmuhslah” (2 Nephi 4:15). Sahp kom ac puhla ohiyac sac pacna ke kom riti ma puhkantwen ke kahs pacna Nephi el riti—ma kuht inge pahngon Wuhlweacng Mahtuh.
Puk ke Wuhlweacng Mahtuh
Ke ma siena emet luhn mwet Christian ke Wuhlweacng Mahtuh, puk inge tuh oreklac siena liki ke eltahl tuh tahkkihnyucklac ke eltahl tuh orekweni nuh sie met nuhke un ma sefanna. Na ke Pwacpuhl Hibru oraclihk puk ac nuhke ip tolu—ma sap, mwet pahluh, ac ma sihmlac—puhs Pwacpuhl nuhtin mwet Christian oraclihk puk inge nuhke ip ahkosr: masap (Genesis–Deuteronomy), sramsram mahtuh (Joshua–Esther), mwet sihmihs puk (Job–On lal Solomon), ac mwet pahluh (Isaiah–Malachi
Efuh kuh ip inge yohk srihpac? Mweyen etuh lah meac kain in puk kom lutlut kac kuh in kahsre kom etuh lah kom ac luti fuhkah.
Pa inge kuhtuh ma kom kuh in esam ke kom muhtwacack riti “masap sac,” kuh puk se emet ke puk limekohsr ke Wuhlweacng Mahtuh. Puk inge, suc pa ohiyac mahtuh nuh sel Moses, sahp tahfweyucklac ke poun mwet sihm pucspucs ac mwet oracni nuh sie ke pacl loeles. Ac kuht etuh lah, puhs liki yac siofok, “ip puhkantwen suc wo ac sacohk emet” tuh itucklac liki Pwacpuhl (liye 1 Nephi 13:23–26). Srackna, puk lal Moses pa kahs mokleyuck sin God, finne eltahl—oacna kuhtwena orekma luhn God tahfweyucklac ke moul suhkawihl—oreklac nuhke suhfas luhn mwet (see Moses 1:41; Ip Yohk ke Luhlahlfongi 1:8). Kahs lal Moroni, sruhmuhn ke ma suhmuhslah muhtahl ke Puk luhn Mormom ma el kahsruh in oracni nuh sie, pa mwe kahsruh inge: “fin oasr ma suhtuhilac, eltahl tahfonglac luhn mwet; ohinge, nikmwet nuhnuhnkuh ma luhn God” (sifac ke sra puk luhn Puk luhn Mormon). Ke kahs sahyac, sie puk in ma suhmuhslah tiac enenuh in sukohsohklah liki tahfonglac luhn mwet in pa kahs luhn God.