Ahkuhtweyac nuhke Wuhlweacng Mahtuh

Sie inkacnek in konwacack woiyen ma kawihl ke Wuhlweacng Mahtuh pa in suk ke Puhret in Moul, Jisus Kraist (liye John 6:48). In mwe srihkasrak, kom liye fuhkah Mwet Lahngo ke ma fahsruh inge?

• Macna (Exodus 16:4, 11–15; John 6:35)

• Kisaclah luhn lamb (Exodus 12:3–5; John 1:29)

• Wet osra soko (Numbers 21:4–10; John 3:14)

• Jonah (Jonah 1:4–17; Matthew 12:38–41)

Meac mwe srihkasrak inge luti kom Kacl? Meac pac kuhtuh sramsram kacl Jisus Kraist ke Wuhlweacng Mahtuh ma kom etuh tari kac?

Ke pweng lal “Jisus Kraist pa Ma Sacohk sac,” Elder Dale G. Renlund el uli nuh sesr in “esam ac ngwet nuh sin Jesus Christ” pacl nuhkwewa (Liahona, Nov. 2023, 98). Motko in riti pweng lal, suk ma kom kuh in oruh in konwacacack Jisus Kraist tiac ke Wulweacng Mahtuh muhkwena tuhsruhk in moul lom an pac.

Liye pac “Types or Symbols of Christ” ke Mwe Kolyuhk nuhke Ma Suhmuhslah, “Jesus Christ,” Gospel Library; “Seek the Lord Early,” Children’s Songbook, 108.

President Dallin H. Oaks el luti: “Pahpah El tuhkahkuhnlah Wen Kuloh Sefanna Nahtuhl, Jisus Kraist, in pa Mwet Lahngo ac Mwet in Molwelah lasr ac sapkihn nuh sesr in “Lohngohl.’ Ke inkacnek se inge kuht ahkkweyelah muh ma suhmuhslah kawihl ke kahs fwacklac sin ‘God’ kuh ke ‘Leum’ eltahl apkuhran pacl nuhkwewa kahs luhn Jehovah, Leum moulyak lasr, Jisus Kraist” (“The Teachings of Jesus Christ,” Liahona, Mei 2023, 102).

14:6

Ke mwet kol luhn mwet Jew srihfacl Jisus lah suc El uh, El fahk, “Met luhkwel Abraham, pa Nga.” Kahs inge ahklutye mwet ma lohng Jisus ah, ac eltahl ahkolah in Tangluhl ke yot (liye John 8:58–59). Motko in riti Exodus 3:13–15; 6:3–5 in liye lah efuh kuhtuh mwet Jew inge foloyak na upac ke ma Jesus el fahk.

Efuh kuh yohk srihpac nuh sum in etuh lah Jisus Kraist pa Jehovah?

Ke sie aruhruhma, Leum el ahkkahlwemye nuh sel Nephi ke tuhkuh luhn Pwacpuhl, ahkuhtweyac lah “ma fihsracsr ac sacohk pucspucs” fah itucklac liki. Motko in riti 1 Nephi 13:21–29, 38–42, liye lah fuhkah plwacn luhn God in “oraclah in kahlwem ma fihsracsr ac sacohk ah.” In fal nuhke 2 Nephi 3:12, Pwacpuhl uh ac Puk luhn Mormon tuhkweni orekma fuhkah?

Ke kom luti Wuhlweacng Mahtuh, ke yac se inge, kom ac kuh in luti pac ke kuhtuh “puk sahyac ” Nephi el tuh liye. Ma ine weacng:

• Puk lal Moses, ip ke lweng lal Joseph Smith ke Pwacpuhl. El fohlohkuhnma ma pwacye ke ma suhmuhslah konweyuckyak ke ma suhmuhslah sasuc ke Genesis 1–6.

• Puk lal Abraham, suc tuh ikacklah nuh sel Joseph Smith ke el motko ke ma suhmuhslah mahtuh luhn mwet Egypt (liye Sifac ac Kihsensiyuhk, “Book of Abraham,” Gospel Library).

• Puhkantwen ip ke Lweng lal Joseph Smith, kuhtuh sikyak ke mwe kahsruh, ahkuhtweyac luhn Pwacpuhl, ac Mwe Kol nuhke Ma Sumuhslah.

Kuhtuh pa inge mwe srihkasrak ke ma suhmuhslah ke Wuhlweacng Mahtuh sel Joseph Smith: Enoch’s city of Zion (Moses 7:18–19), Abraham’s vision of the council in heaven (Abraham 3:22–28), ac ke kuhlwacnsap lal Melchizedek (Joseph Smith Translation, Genesis 14:25–40). Efuh kuh ma suhmuhslah inge “fihsracsr ac sacohk” sum?

Wuhlweacng Mahtuh pa sramsram se ke God suk in oraclah kuht in ma “sacohk usrnguck se Lal” ke wuhlweacng (Exodus 19:5). Ke srihpac sac, sie ohiyc wowo in ahkolah riti ke Wuhlweacng Mahtuh pa in lotwelah ke wuhlweacng—yohkna wuhlweacng sahflah se God el sang nuh sin mwet pahluh pacl met ah oacna Abraham, Isaac, Jacob, ac fihl tohkohlos. Ac sie ohiyac wowo in lotwelah ke wuhlweacng pa in luti pweng sel President Russell M. Nelson “The Everlasting Covenant” (Liahona, October 2022, 4–11).

Ke kom riti, siyuck sum sifacna: Efuh kuh wuhlweacng uh yohk srihpac nuh sihk? Meac “kain in luhngse sacohk ac pahkotwen” nga eis sin God ke nga liacacng wuhlweacng luhk Yohrohl? Ke kom riti Wuhlweacng Mahtuh ke yac se inge, lohacng nuhke ma God el luhngse luti kom ke inmahsrlon wuhlweacng lom Yohrohl.

Liye pac Jeremiah 31:31–34.

• Kahs ac facsin ke Wuhlweacng Mahtuh sahp upac nuh sin tuhlihk in kahlwem kac, tuhsruhk kom kuh in kahsrweltahl liye Jisus Kraist ke akucl ac sramsram. Sahp kom ac tuhlihk nuhtum an kuh in liye petsac ten inge, Mwet Pahluh Isaiah El Palyei ke Isuslac Lal Kraist. Lwelah tuhlihk nuhtm an in sruhmuhn ke ma eltahl liye. Suk mislac laltahl, yohkna, nuhke tuhlihk fuhsr Jisus. Na kom kuh in weluhltahl riti ma Isaiah el suhmuhslah ke isuslac luhn Mwet Lahngo ke Isaiah 7:14; 9:6. Akacsruhi yurin tuhlihk nuhtum an lah fuhkah puhla lom ke kom suk Mwet Lahngo ke Wulweacng Mahtuh ke yac se inge?

  

• Kom ac tuhlihk nuhtum an kuh pac in riti Psalm 23 kuh Isaiah 53:3–9 ac konwacack kahs ma ahkacsmakihnye kom ke Jisus Kraist. Meac kahs inge luti nuh sesr ke moul Lal ac Iwaclah?

• Wuhlweacng el sifac yohk srihpac se ke Wuhlweacng Mahtuh. In ahkuhtweyac sifac se inge nuh sin tuhlihk nuhtum an, kom kuh in sramsram yohrohltahl ke olwelah eltahl oraclah ac liacacng yurin sucu kuh kawuck ac efuh liacacng olwelah inge yohk srihpac? Na kom kuh in ngwetacng nuh ke petsa se ke pacptais ac sramsram ke olwelah, kuh wuhlweacng, kuht oraclah yurin God ke kuht pacptaislac(liye Mosiah 18:10, 13). Kom kuh pac in sang petsac eltahl in liye ke tempuhl ac akacsruhi ke ma eltahl puhla ke wuhlweacng kuht oraclah we.

• Sra puk ke mukuikui in wik kuh in kahsruh tuhlihk nuhtum an in enganak in oraclac ac liacacng wuhlweacng yurin Pahpah Inkuhsrao. Kom kuh in yuck soko on ke oraclah wuhlweacng, oacna “When I Am Baptized” (Children’s Songbook, 103).

• Kuh tuhlihk nuhtum an etuh oacna sie mwet suc etweyuck ke siena ine ke sie na ohiyac? Sahp ninac pahpah kuh mwet luti tuh akihlenyuck siena ke orekma ah, lohm ah ac ke Alu uh. Sramsramkihn kuhtuh ine sahyac; na tuhkweni ritiExodus 6:3 ac suli tuhlihk nuhtum an in sokwack inel Jesus Christ tuh etweyuck met liki El isuslac (liye pac lweng lal Joseph Smith ke footnote an c).