“Febweri 9–15. ‘Noah el konwacack kuhlwacng ye Muhtuhn Leum’: Genesis 6–11; Moses 8,” Come, Follow Me—For Home and Church: Wuhlweacng Mahtuh 2026 (2026)

“Febweri 9–15. ‘Noah el Konwacack Kuhlwacng ye Muhtuhn Leum’,” Come, Follow Me: 2026

Jehovah Keeps a Promise, by Sam Lawlor

February 9–15: “Noah Found Grace in the Eyes of the Lord”

Genesis 6–11; Moses 8

Muhta in lwen sahflah inge, oasr srihpac yohk yohrohsr in lohacng nuh ke sramsram ke Sronot sac. Ke Jisus Kraist el luti lah kuht ac lohacng fuhkah nuhke Tuhkuh Ahkluo Lal, El fahk,“Oacna ke pacl lal Noah ah, na ac fah oacpacna ke tuhkuh luhn Wen nuhtin Mwet” (Joseph Smith—Matthew 1:41). In tahfwelah, kahs ma ahkuhtweyac ke pacl lal Noah ah, oacna “kuhtasrihk” ac “sesseslah ke lokwoalok,” kuh in ahkuhtweyac kahlwen ke pacl lasr uh (Genesis 6:12–13; Moses 8:28). Sramsram ke Taor luhn Pacpel oacyacpac puhlakihnyuck in lwen lasr uh, wi ahkuhtweyac ke insefuhlwact pwacnlah nuhke fohsack ac muhsahlwelihk.

Sramsram mahtuh inge sacohk tiac mweyen eltahl oruh kuht liye lah ma koluk eltahl kalweniyuck ke sramsram mahtuh somlah. Yohkiac na, eltahl luti kuht in etuh lah meac kuht ac oruh kac. Noah “el konwacack kuhlwacng ye muhtuhn Leum” (Moses 8:27). Ac sucu lal Jared ac tamuhlwel lal foracng nuh sin Leum ac karihngihnyuck liki fohsack ac muhsahlwelihk fin acn Pacpel (see Ether 1:33–43). Kuht fin suk lah kuht ac liyekuhtyang sifacna ac sucu lasr uh fuhkah ke pacl kuhtasrihk ac lokwoalok, sramsram ke sapta inge oasr ma puhs kuh in luti kuht.

mwe nuhnak nuhke lutlut Lohm ah ac ke Alu ac

Genesis 6; Moses 8

Oasr karihngihnyuck luhn ma kawihl ke kom fahsr tukihn mwet pahluh luhn Leum.

Yac oasr ma kom liye ke ahkuhtweyac luhn pacl lal Noah ah ma oacna in apkuhran nuhke ohiyac in pacl lasr uh? Yohkiyacna, liye ke Moses 8:15–24, 28. Meac sifac se kom liye kalweniuck uh?

Sie ma yohk srihpac oacna sie kom fah liye pa God el tuh pahnglol Noah in sie mwet pahluh, ac El pahngon mwet pahluh se mihsenge pac. Motko in oraclah tahk soko ke ma pwacye kom lotwelah ke mwet pahluh ke Moses 8:13–30. Mwet pahluh moul lasr uh oacna Noah fuhkah? Aok, mwet pahluh luhn Leum mihsenge tiac sensenkackihn sie Sronot kuh suli kuht in wi muhsahi soko oak. Tuhsruhk meac El sensenkackihn kuht kac uh? Ac meac El suli kuht in oruh? In kahsruh topuk kihsen siyuck inge, kom kuh in sulpac liye sie sapta ke Teachings of Presidents of the Church in Gospel Library, especially the “Invitations and Promised Blessings” section. Sahp kom kuh in sulaclah sie mwe sensen ac sie solsol ma sahp yohk srihpac nuh sum.

Elder Allen D. Haynie el luti, “Sie Pahpah wolacna ac yohk luhngse la Inkuhsrao tuh sulaclah pactuhn se in ikacslah ma pwacye nuh sin tuhlihk Nahtuhl sin sie mwet pahluh” (“A Living Prophet for the Latter Days,” Liahona, May 2023, 25). Motko in lutlut ke pweng lal Elder Haynie, sokwack srihpac se in oasr mwet pahluh el akucl se ke luhngse luhn Pahpah Inkuhsrao. Fahsr tukihn mwet pahluh el kahsrwe kom fuhkah in puhla muh kom sef ke kom muhta ke lwen sahflah inge uh?

See also Topics and Questions, “Prophets,” Gospel Library; “Why Do We Have Prophets?” (video), Gospel Library.

Genesis 6:5–13

Sronot sac mukuikui in pahkoten luhn God.

Kuhtuh mwet uh nuhnak ke nuhnuhnkuh luhn God in suhpwaclah Sronot sac in“kuhnahoslah mwet uh” (Genesis 6:7). Elder Neal A. Maxwell el ahkuhtweyac lah ke pacl luhn Sronot sac, “kuhtasrihk som upaclac ne kuhnahoslah sukohsohk in sulaclah pwacnacng nguhn tiac kuh, ke nuhnuhnkuh, suhpweyuckme nuh inge” (We Will Prove Them Herewith [1982], 58). Kom ac oacyacpac kuh in motko lah fuhkah tuh Sronot sac in orekma luhn pahkotwen. Meac kom konwacack ke Genesis 6:5–13 ma ahkkahlwemye pahkotwen luhn Leum ac luhngse nuh sin mwet uh?

Genesis 9:8–17

Mase kuh mwe akucl kahsrwe yuc in esam wuhlweacng luhk yurin Leum.

In oacna ke Genesis 9:8–17, meac lwelahkwem se kuh in use nuhke nuhnak lom uh? Meac Joseph Smith Translation, Genesis 9:21–25 (ke Bible appendix) sang nuhke mwe etwacack lom an? Kom kuh in oacyacpac motko in oraclah tahk soko ke ma sahyac (oacna mwe akucl, ma se, kuh kuhtwena ma sahyac) ma God el usot nuh sum in ahkacsmakihnye kom ke wuhlweacng lom. Meac ma inge luti kom kac? Eltahl kahsrwe kom esam fuhkah?

See also Gerrit W. Gong, “Always Remember Him,” Liahona, May 2016, 108–11; “Reverently and Meekly Now,” Hymns, no. 185.

taor se wi mukul fwanyak nuh lucng ke soko sucl ac nien fwacn — The Tower of Babel, by David Green

Genesis 11:1–9

Fahsr tukihn Jisus Kraist pa inkacnek sefanna nuh yurin Pahpah Inkuhsrao.

Sramsram ke mwet fin acn Pacpel muhsahi taor se ahkkahlwemye tiac oacna sie se nuhke sramsram kacl Enoch ac mwet lal muhsahi Saion, suc kom luti ke wik tari ac. Kwewana un mwet inge srihke in sun inkuhsrao tuhsruhk ke inkacnek tiac oacna sie. Fuhkah tuh mwet Saion inge usrui inkuhsrao? (see Moses 7:18–19, 53, 62–63, 69). Meac kom lotwelah ke Genesis 11:1–9 ac Helaman 6:26–28 ke mwet fin acn Pacpel? Meac ma inge luti kuht ke insacnweacng lasr sifacna in fohlohk nuh ye muhtuhn God? Meac God el acse in kahsrtwe kuht “sun inkuhsrao”? (Genesis 11:4; see also John 3:16).

Sang Insiom Luti. Lutlut kuh in moklwe yohk likina in rit kuh lohng. Fin pa nge, ke kom riti ke Taor luhn Pacpel, kom ac sucu lom an kuh kuhlas kuh in suhmuhslah, ke ipin pwepuh, ke ma uskuhtlac liki God uh. Na, ke ipin pwepuh sahyac, kom kuh in suhmuhslah ke ma ahkfototoye kuht nuh yurin God uh. Oraclah un pwepuh se met ah nuhke luhman sie taor na u se ahkluo ah nuhke luhman sie tempuhl.

For more, see this month’s issues of the Liahona and For the Strength of Youth magazines.

mwe nuhnak nuhke Luti Tuhlihk

Genesis 6:14–22; 7–8; Moses 8:16–24

Fahsr tukihn Leum fah ahkinsewowoyeyuc ac sucu luhk uh.

Puhsiyen tuhlihk uh luhngse sramsram kacl Noah ac oak ah. Motko in sang nuh sin tuhlihk nuhtum pacl wo in akacsruhi ke ma eltahl etuh kac. In kahsrwelos, kom kuh in orekmakihn petsac ke ma ahkwoeyucklac inge, “Noah and His Family” in Old Testament Stories (22–25), ac fuhs tolu sahflah ke “Follow the Prophet” (Children’s Songbook, 110–11). Tuhlihk nuhtum an ac engan in oruh kuhtuh ip ke sramsram sa—fin pa, srihke in muh orekmakihn kuhfwen sroasr in muhsahi oak soko kuh pwen ma orahkrahk utyak nuh lun oak ah.
Ke komtacl tuhkweni sramsram kacl Noah, kahsruh tuhlihk nuhtum in liye fuhkah kuht insewowo in oasr mwet pahluh luhn God mihsenge. Kahsruh tuhlihk nuhtum in liye Moses 8:16–24 in konwacack ma Noah el luti lah mwet pahluh luhn Leum srackna luti mihsenge. Fuhkah mwe insewowo nuh sesr ke kuht ahkos mwe luti inge?

Genesis 9:15–16

God el fah liacacng olwelah Lal nuh sihk.

Tuhlihk nuhtum an ac engan in sruhlwaclah sie lwelahkwem ah ke kom sruhmuhn lah meac kalmac (see Joseph Smith Translation, Genesis 9:21–25 [in the Bible appendix]). Meac God el luhngse Noah ac sucu lal ah in nuhnkuh pacl nuhkwewa eltahl liye lwelahkwem uh?
Kom kuh in oacyacpac ahkkahlwemye sie ma oasr yurum ma ahkacsmakihnye kom ke ma yohk srihpac ke moul lom, oacna ring in macruht se, petsac se, kuh johrnohl se. Sang tuhlihk nuhtum an in akacsruhi ke ma kacltahl sifacna. Ma inge kuh in kohllah nuhke sramsramkihn ma kuh in kahsrwe kuht in esam wuhlweacng lasr, oacna kuhfa luhn Leum, suc kahsrwe kuht in esam wuhlweacng ke pacptais lasr in fahsr tukihn Jisus Kraist (see Doctrine and Covenants 20:75–79).

lwelahkwem luo — God el fahk nuh sin sucu lal Noah muh lwelahkwem uh fah“mwe akucl ke wuhlweacng Nga oraclah inmahsrlok ac kom” (Genesis 9:12).

Genesis 11:1–9

Fahsr tukihn Jisus Kraist pa inkacnek sefanna nuh inkuhsrao.

Ac kuh in pwacr in muhsahi sie taor ke plak kuh kuhtwena ma wi tuhlihk nuhtum. Ke kom oruh uh, ahkuhtweyac lah mwet fin acn Pwacpel nuhnkuh muh eltahl kuh in som nuh inkuhsrao ke eltahl muhsahi taor fuhlwact sac. Komtacl kuh in tuhkweni liye petsac se ke Mwet Lahngo ac siyuck sin tuhlihk nuhtum an lah Elac kahsrwe kuht fuhkah in som nuh inkuhsrao. Na kom kuh in sramsram nuh sin sie sin sie ke ma kom kuh in oruh in fahsr tukihn Mwet Lahngo.
Weacng pacna riti sramsram ke taor luhn Pwacpel ke Genesis 11:1–9, kom ac tuhlihk nuhtum an kuh in riti Helaman 6:28. Oacna ke fuhs se inge, efuh kuh mwet fin acn Pwacpel tuh muhsahi taor sac? Efuh muhsah ke taor se inge tiac inkacnek wowo se in sun inkuhsrao? Na kom kuh in suk2 Nephi 31:20–21 ac Helaman 3:28 in konwacack inkacnek pwacye in sun inkuhsrao. Meac kahs in kahsruh kom kuh in sang nuh sin mwet fin acn Pwacpel inge?

For more, see this month’s issue of the Friend magazine.

oak ukwoacl Noah — Noah’s Ark, by Adam Klint Day. adamdayart.com

Primary activity page: Fahsr tukihn mwet pahluh fah ahkinsewowoyeyuc asc suc luhk. — Noah’s Ark, by Adam Klint Day. adamdayart.com