“Febweri 2–8. ‘Leum El Pahngon Mwet Lal Saion’: Moses 7,” Fahsruh, Fahsr Tukuk—Nuhke Lohm ac Alu: Wuhlweacng Mahtuh 2026 (2026)
“Febweri 2–8. ‘Leum El Pahngon Mwet Lal Saion’,” Fahsruh, Fahsr Tukuk: 2026
Enoch El Liye ke Infulwen Pacl uh, sel Jennifer Paget
Febweri 2–8: “Leum El Pahngon Mwet Lal Saion”
Moses 7
Ke sramsram mahtuh nohfohn, mwet uh srihke in kuhtanglah ma Enoch ac mwet lal kuhtanglah: muhsahelah sie un mwet engan suc wacngihn suhkahsruhp kuh lokoalok we. Ekihn mwet luhn God, kuht akcsruhi ke mwe finsrak se inge, Kuht pahngon muhsahi Saion, el weacng—tahfwelah in kahsruh mwet enenuh ac ahkyohkye mislah—orek wuhlweacng, tuhkweni nuh sie ke suwohswohs, ac eklac sie sin sie ke Jisus Kraist, “Tohkohsrah luhn Saionn” (Moses 7:53). Fin facluh, acn sum, kuh sucu lom an tiac arlac etuh lah meac kom ke in oacna, ac mwe kahsruh se in siyuck, Enoch ac mwet lal ah oruh fuhkah? Eltahl oruh fuhkah in eklac “inse sefanna ac nuhnak sefanna” (Moses 7:18) finne oasr fohs inmahsrloltahl? Inmahsrlon ahkuhtweyac puhs Moses 7 use nuh sesr ke Saion, ke sie sin ma sacohk luhn Mwet Luhlahlfongi Ke Lwen-sahflah kuh in oacna: Saion el tiac siti se muhkwena—el sie ohiyac luhn insiac ac nguhn. Saion, oacna ke Leum el tuh luti, pa “nacsnacs insiac” (Doctrine and Covenants 97:21). Na Sahp inkacnek se ma wo emet in muhsaheack Saion pa in muhtwacwacack ke insiom ac lohm sum sifacna.
Mwe Nuhnak nuhke Lutlut Lohm ac Alu
Moses 7:16–21, 27, 53, 62–69
Nga kuh in kahsruh muhsaheack Saion.
Ke Mwet Pahluh Joseph Smith el tuhfahna lohng kacl Enoch ac Siti Muhtahl, el tuh mokleyuckyak. El “etuh lah lwen sac tuhkuh tari ke Leum El fah sulpac muhsai Saion fin facluh” (Saints, 1:108–9), ac el muhtwacwacack sie orekma yohk in muhsahi Saion. Riti Moses 7{ kuh in moklwe kom in fahlac na ke srihke sacn mihsenge.
Kom kuh in muhtwacwacack lohlngohk ke kihsen siyuck sac “Meac Saion?” ac “Efuh kuh elan tuh sie likina inkaiyen facluh?” Motko in oraclah lis ke top ma tuhkuh nuh sum ke kom luti Moses 7, yohkna ke fuhs 16–21, 27, 53, 62–69.
Top lom nuhke kihsen siyuck inge sahp kuh in oraclah kahlwem lah srackna oasr ma kuht enenuh in oruh in sang muhsaheack Saion. Na kuht e oruh fuhkah? Ac kuh in kahsre kom ke pacl kom puhla kom oacna “sie inse sefanna ac nuhnak se fanna” yurin sie mwet. (Moses 7:18). Sahp tiac ma ke ward se, sucu, kuh u ke orekma kuh lutlut. Meac mwet uh oruh in sang oraclah tuhkweni wowo?
Pa inge kuhtuh mwe kahsruh ma kom kuh in lohlngohk kac in sokwack mwe nuhnak. Sulaclah sie kuh puhs liki in luti, na suhmuhslah ma kom puhla mokleyuck kom in oruh in muhsahelah Saion.
-
Mwet Phillipae 2:1–4; 4 Nephi 1:15–18; Doctrine and Covenants 97:21; 105:5.
-
Ulisses Soares, “Tamuhlwel ac Tahmtahel ke Kraist,” Liahona, Nohf. 2023, 70–73.
-
D. Todd Christofferson, “Sie ke Kraist,” Liahona, Mei 2023, 77–80.
God el luhngse mwet Lal in “inse sefanna ac nuhnak sefanna” (Moses 7:18).
Moses 7:53
Jisus Kraist pa “Tohkohsrah se luhn Saion.”
Meac kalmac nuh sum Jisus Kraist lacn ekihn Tohkohsrah lom? Esam ke wal sahyac lal Jisus Kraist ke fuhs se inge. Efuh kuh eltahl luti kom ke El? Meac kom nuhnkuh muh pa kalmen fahsruh “utyak nuh in kalkal uh ac [fanyak] nuh [Yohrohl]”?
Liye pac “Come, O Thou King of Kings,” On in Alu, no. 59.
Moses 7:28–69
God El tuhng—ac engan—ke tuhlihk Nahtuhl.
Kuhtuh mwet uh liye muh God El sie ma loeslac nuh yohrohsr suc tiac puhlakihn ma sikyak nuh sesr uh. Siena ma Enoch el liye ke God ke aruhruhma se sihmlac ke Moses 7. Meac el tuh lotwelah ke God—ac meac kom lotwelah—kefuhs 28–40? Efuh kom nuhnkuh muh Enoch el tuh lut ke el liye God el tuhng? Efuh yohk srihpac nuh sum in etuh lah El oruh?
Ke aruhruhma sac tuhtahflah, Enoch el tuhng pac. Tuhsruhk God El oayacpac akacsruhi nuh sel srihpac in engan. Suk kacltahl ke Moses 7:41–69. Meac kom lotwelah ke aruhruhma lal Enoch ma kuh in kahsre kom“ikacslah insiom, ac enganwack,” finne ke “kaskuhsrak” ke moul lom (verse 44)?
Liye pac Jeffrey R. Holland, “Askuhlacna luhn GodLiahonaNohf 2008, 29–31.
Moses 7:59–67
Jisus Kraist El fah sifil tuhkuh ke lwen sahflah.
Aruhruhma lal Enoch, yohkna ma sihmlac ke Moses 7:59–67, pa sie sin sramsram mahtuh se emet ma palye ke Tuhkuh Ahkluo Luhn Leum. Meac nuhnak lom ke ohiyac ma fuhs inge sruhmuhn ke lwen sahflah? Mwe srihkasrak, motko lah kom puhla fuhkah palye ke fuhs 62 inge ahkfalyeyucklac. Meac pohloh kahs inge luti kom ke orekma luhn God ke lwen sahflah?
Liye pac Henry B. Eyring, “Tahmtahel ke Saion,” Liahona, Nohf. 2020, 67–69.
For more, see this month’s issues of the Liahona and Ke Kuh luhn Mwet Fuhsr mackuhsin.
Mwe Nuhnak nuhke Lutlut Lohm ac Alu
Moses 7:18–21, 62–63, 68–69
God El luhngse kuht in “inse sefanna ac nuhnak sefanna.”
-
In kahsruh tuhlihk nuhtum an lotwelah kacl Enoch ac Saion, kom kuh in orekmakihn “Enoch Mwet Pahluh sact” in Sramsram ke Wuhlweacng Mahtuh (19–21) or the second verse of “Follow the Prophet” (Children’s Songbook, 110–11). Na kom kuh in siyuck sin tuhlihk nuhtum an in kahsre kom sulpac sruhmuhn sramsram soko ah ke kahs laltahl. Petsac se lal Enoch ke mwe akuhtweyac se inge kuh in kahsruh.
-
Pa inge innek se in kahsruh tuhlihk nuhtum an kahlwem kac lah meac kalmen “inse sefanna ac nuhnak sefanna” (Moses 7:18): Oraclah at se ke pwepuh ac liseyac nuhke ip, in falyang nuh sin tuhlihk an kwewa. Lwelah eltahl in suhmuhslah inelos ke ipin pwepuh an ac tuhkweni orekma in oracni nuh sie at sac. Ke eltahl oruh, kom kuh in sruhmuhn kuhtuh ma kom luhngse ke kais sie tuhlihk ac.
-
Kahsruh tuhlihk nuhtum an oek lah pacl ekahsr kahs se inge “Saion” sikyak ke Moses 7:18–21, 62–63, 68–69. Kais sie pacl eltahl sokwack kahs sac, kahsreltahl in sokwack lah meac fuhs sac fahk ke Saion (liye pac Guide to the Scriptures, “Zion,” Gospel Library). Kuht ac oruh fuhkah kuht in oacna mwet sruhmuhnyuck ke fuhs inge?
Ahkkweye lutlut ke ma suhmuhslah lom. Lah kom luti sucu lom an lohm ah kuh klahs se ke Sacnri, sie sin inkacnek wo emet kom kuh in kahsruh mwet sahyac muhsahi luhlahlfongi kawihl ke Jisus Kraist pa kahsreltahl akiac sie ohiac in suk ke ma sikyak ke ma suhmuhslah. Akacsruhi ke ma kom puhla ke ma suhmuhslah, ac ahkkweye sucu kuh klahs mempucr in akacsruhi ke puhla laltahl. Ke kuht lohng lah riti ma suhmuhslah mwe insewowo se nuh sin mwet sahyac, kuht kwacna mokleyuck in suk mwe insewowo se pacna inge sin Leum. (LIye Luti ke Inkacnek luhn Mwet Lahngo, 25.)
Moses 7:32–33
Pahpah Inkuhsrao El luhngse nga in sulaclah in fahsr Tohkohl.
-
In ahkutweyac Moses 7:32–33 nuh sin tuhlihk nuhtum an, kom kuh in sruhmuhn nuh seltahl ke sulaclah se eltahl in enenuh in oraclah ingena. Na komtacl kuh in tuhkweni riti fuhs ah in konwacack lah meac Pahpah Inkuhsrao El luhngse kuht in sulaclah. Sulaclah fuhkah kuht kuh in oruh in fahkwack lah kuh Sulacllah? Sahp tuhlihk nuhtum an kuh in ayaol orek sritacl ke sulaclah inge ke kuhtuh selos palye lah meac mukuikui sac aholalh uh?
Moses 7:59–67
Jisus El fah fohlohk nuh facluh.
-
Ke Moses 7:59, Enoch el siyuck kihsen siyuck se sin Leum. Ngihsre tuhlihk nuhtum an in suk, na siyuck eltahl in sokwack top sac ke fuhs 60. Kom kuh pac in sruhmuhn nuh seltahl ke pacl se eltahl tuhpan mwet se in fohlohkuh nuh lohm ah. Siyuck seltahl lah meac eltahl puhla ac meac eltahl tuh oruh in ahkolah. Kuht ac ahkolah fuhkah nuhke tuhkuh luhn Jisus?
-
Motko in sang in liyeyuck petsac ke pacl ma Jisus el sikyang nuh sin mwet oacna ke Gospel Art Book, nos. 60, 82, 83, ac 84). Meac mwet ah oruh ke petsac sac? Meac mwet ah puhla ke eltahl ohsun nuh sel Jisus ah? Kom kuh pac in yuck soko on ke Tuhkuh Ahkluo luhn Mwet Lahngo, oacna ke “When He Comes Again” (Children’s Songbook, 82–83), ac siyuck sin tuhlihk ac lah meac eltahl nuhnkuh muh e oacna ke Jisus El sulpac fohlohk uh. Lwelah tuhlihk an in akacsruhi ke ma eltahl puhla ke Jisus el sifilpac fohlohk uh.
For more, see this month’s issue of the Kawuck mackuhsin.