“Mwe Nuhnak In Esamyuck: Wuhlweacng Sac,” Come, Follow Me—Nuh Lohm sesr ac Alu ah: Wuhlweacng Mahtuh 2026 (2026)
“Wuhlweacng Sac,” Come, Follow Me: 2026
Mwe Nuhnak In Esamyuck
Mwe Nuhnak In Esamyuck: Wuhlweacng Sac
Ke Wuhlweacng Mahtuh nohfohn, kom ac riti pacl,puhs ke kahs sewuhlweacng. Mihsenge kuht kwacna nuhnkuh ke wuhlweacng ekihn olwelah muhtahl yurin God, tuhsruhk ke facl luhn ma mahtuh, wuhlweacng uh oacyacpac sie ma yohk srihpac ke mukuikui luhn mwet yurin sie sin sie. Nuhke karihnginyuck lalos ac moullac, mwet uh enenuh in luhlahlfongi sie sin sie, ac wuhlweacng el sie ohiac in karuhnganwacng olelah sac.
Na ke God el sramsram nuh sel Enoch, Noah, Moses, ac kuhtuh sahyac ke wuhlweacng, El tuh solwacltahl in ilyak nuhke sie kuhpahsr ke luhlahlfongi Yohrohl. Kuht pahngon wuhlweacng se inge wuhlweacng sasuc wangihn sahfahiyac kuh wuhlweacng lal Abraham—sain se nuhke wuhlweacng God el oraclah nuh sel Abraham ac Sarah na ahksasucyeyucklac sin tuhlihk nahtuhlos Isaac ac Jacob (oacyacpac pahngpahng Israel) Ke Wuhlweacng Mahtuh, arlac fihsracsr in etweyuck oacna “wuhlweacng sac.” Kom ac kuh in liye lah Wuhlweacng Mahtuh el sramsram yohk srihpac ke mwet ma liyacltahl sifacna muh eltahl pa tuhlihk nuhtin wuhlweacng se inge—mwet luhn wuhlweacng.
Wuhlweacng lal Abraham tuhtahflah in pa yohk srihpac mihsenge, yohkna nuh sin mwet Luhlahlfongi ke Lwen-sahflah. Efuh? Mweyen kuht oacyacpac mwet luhn wuhlweacng, kuht finne tiac ma ke tuhlihk nahtuhl Abraham, Isaac, ac Jacob. Ke srihpac se inge, arlac yohk srihpac in etuh lah meac wulweacng lal Abraham uh ac el orekma fuhkah in kuht mihsenge.
Meac se Wuhleacng Lal Abraham?
Abraham el kena “ mwet fahsr tukihn ma suwohswohs se” (Abraham 1:2), ohinge God El solwacl nuhke sie wuhlweacng inmahsrloltahl. Tiac Abraham pa luhngse met ke se inge, ac tiac el pa mwet se emet in eis sie wuhlweacng. Tuh pa, sahflahiyen ma nuhkwewa, olwelah ma pahtpaht se. Abraham el suk ke “mwe insewowo luhn pahpah” (Abraham 1:2)—mwe insewowo ma tuh utuckuh ke wuhlweacng nuh sel Adam and Eve ac tok nuh sin mwet suc suk mwe insewowo inge ke oaru.
Wuhlweacng luh God nuh sel Abraham olwelah mwe insewowo wolacna: usru ke sie acn, fahko pucspucs, lwelah nuhke akwuck luhn pristut, ac sie ine ma fah ahkfuhlwactyeyuck ke fihl fahsruh uh. Tuhsruhk ngetnget luhn wuhlweacng se inge tiac ma nuhke mwe insewowo ma Abraham ac suc lal fah eis tuh nuhke pac mwe insewowo ma fah nuh sin tuhlihk nuhkwewa nuhtin God. “Kom ac fah mwe insewowo se,” God el fahk, “ac ke srihpom sucu nuhkwewa fin facluh ac fah ahkinsewowoyeyuck” (Genesis 12:2–3).
Yac wuhlweacng se ituckyang nuh sel Abraham, Sarah ac tuhlihk nahtuhlos sie ohiac suwohs inmahsrlon tuhlihk nuhtin God? Ma nuhke sie ohiyac suwohs in ahkinsewowo mwet sahyac Sucu lal Abraham pa in “fahkwack orekma se inge ac Pristut nuh sin muhtuhnfacl nuhkwewa,” akacsruhi “mwe insewowo ke Wosasuc, suc pa mwe insewowo ke molwelah, finne ke moul wacngihn sahflahiyac” (Abraham 2:9, 11). Ekihn mwet wuhlweacng luhn God tiac kalmac eltahl wo liki mwet sahyac; kalmac pa oasr sie kunohkohn lalos in kahsruh mwet sahyac in wolac liki met ah.
Wuhlweacng se inge pa mwe insewowo se Abraham el tuh kena kac ah. Tukun eis kac, Abraham el fahk ke insiacl, “mwet kuhlwacnsap Lom el tuh suk kom na upac; inge nga konwekomyak” (Abraham 2:12).
Ma ke yac tausin somlah, tuhsruhk wuhlweacng se inge fohlohkihnyuckyak in lwen lasr uh. Ac el ahkpwacyeyuck pacl inge ke moul luhn mwet luhn God. Mwe ahkpwacye ke wuhlweacng sac sikyak ac wacnihn ma kuh in tulokihn ke lwen sahflah inge ke orekma luhn God yohkwelihk, akinsewowoye sucu fin facluh nohfohn. Ac oacna sie ma, oacna Abraham, luhngse in pa sie mwet fahsr tukihn ma suwohswohs—oacna sie ma suk Leum ke oaru—kuh in ip se kac.
Meac Kalmen Wuhlweacng Lal Abraham Nuh Sihk?
Kom tuhlihk nuhtin wuhlweacng sac. Kom oraclah wuhlweacng se yurin God ke kom tuh pacptaislac ac ke kom eis kuhfa luhn Leum. Ac kom eis fohnlah luhn wuhlweacng ke akwuck muhtahl luhn tempuhl.
Ke wuhlweacng ac akwuck inge, kuht eklac mwet luhn God. Kuht kapihri nuh Sel “ke mwe kapihr wacngihn sahflahiyac.” “Pacl se na kuht orek wuhlweacng yurin God,” Prestuhn Russell M. Nelson el tuh luti, “kuht sislah ahlohloh lasr ma pahtpaht. God el ac tia sislah kuhpahsr Lal nuh selos suc oraclah kuhpahsr na oa nuh Sel uh. Pwacye lah, elos nuhkwewa ma oraclah wuhlweacng yurin God oasr lwelah lalos nuhke siena kain in luhngse ac pahkomuhta. … Ke srihpen olwelah lasr yurin God, El ac fah tiac tohtohlah ke insacnweacng Lal in kahsrwe kuht ac kuht ac fah tiana ahkmuhnahsyelah pahkotwen muhtweng Lal nuh sesr.” Kom ac liye ma se inge ke sramsram mahtuh ke mwet luhn God ke Wuhlweacng Mahtuh, ac kom fah liye ke moul lom sifacna oacna sie tuhlihk wuhlweacng Natuhl.
Nikmet Sahngeng, sel Dan Wilson
Pa inge mwe etwacack sacohk se utuckuh nuh sesr ke srihpen Fohlohkihnyuckyak luh wuhlweacng lal Abraham sel Mwet Pahluh Joseph Smith. Na ke kom riti ke wuhlweacng ke Wuhlweacng Mahtuh, nimet nuhkuh ke kuhpahsr luhn God yohrohl Abraham, Isaac, ac Jacob. Nuhnkuh pac ke kuhpahsr Lal nuh sum. Ke kom riti ke olwelah ke lihlin fihl, nikmet nuhkuh muhkwena ke miliacn mihsenge ma pahnglol Abraham pahpah tuhmaclos call Abraham their father. Nuhnkuh pac ke owelah luhn God nuh sum ke sucu wacngihn sahflahiyac ac kosracni wacngihn sahflahiyac. Ke kom riti ke olwelah ke sie acn in usru, nikmet nuhnkuh muhkwena ke acn olwelah nuh sel Abraham. Nuhnkuh pac ke finsrak luhn celestial ke facluh sifacna—sie usru olwelah nuh sin mwet “puhsisacl” suc “tuhpan Leum” (Mattew 5:5; Psalm 37:9, 11). Ac ke kom riti ke olwelah sac muh mwet wuhlweacng luhn God fah ahkinsewowoye “sucu nuhkwewa fin facluh” (Abraham 2:11), nikmet nuhkuh muhkwena ke orekma lal Abraham kuh mwet pahluh suh tuhkuh kacl me. Nuhnkuh pac ke ma kom kuh in oruh—ekihn sie mwet wuhlweacng fahsr tukihn Jisus Kraist—in mwe insewowo se nuh sin sucu raunikomyak.