“Febweri 23–Mahs 1. ‘Yac Oasr Ma Upac Na Pwacye sin God?’: Genesis 18–23,” Fahsruh, Fahsr Tukuk—Nuhke Lohm ac Alu: Wuhlweacng Mahtuh 2026 (2026)
“Febweri 23–Mahs 1. ‘Yac Oasr Ma Upac Na Pwacye sin Leum?’,” Fahsruh, Fahsr Tukuk: 2026
Sarah ac Isaac, sel Scott Snow
Febweri 23–Mahs 1: “Yac Oasr Ma Upac Na Pwacye sin Leum?”
Genesis 18–23
Moul lal Abraham ac Sarah, sesseslah kwewa ke inse ahsor ac inse engan, pa mwe ahkpwacye ke sie ma pwacye Abraham el lotwelah ke aruhruhma se—tuh kuht fin facluh in ahkpwacye, “in liye fin [kuht] ac oruh oacna sie ma Leum [lasr] God el sapkihn” (Abraham 3:25). Yac Abraham ac Sarah ahkpwacye luhlahlfongi lalos? Yac eltahl ac tahfwelahna luhlahlfongi ke olwelah luhn God ke fahko pucspucs, finne srackna wacngihn fahkolos ke eltahl matwac mahtu? Ac ke Isaac el tuh isuslac, yac luhlahlfongi laltahl ah kuhtanglah ma tiacna motkoeyuck sac—sie sap kuh in kisaci wen se pacna ma God el tuh olwelah muh e ahkpwacyei wuhlweacng sac?
Abraham ac Sarah luhlahlfongi ke God, ac El luhlahlfongeltahl (liye Genesis 15:6; Romans 4:3). Ke Genesis 18–23, kuht konwacack sramsram ke moul lal Abraham, Sarah, ac kuhtuh sahyac ma mokle kuht in nuhnkuh ke sulaclah lasr in luhlaclfongi olwelah luhn God, in fahsr liki ma koluk ac tiacna tahpuhllac, ac in luhlahlfongi ke God finne tiac ma ke kisac sac. Ke ahkpwacyei kuht, God el oacyacpac ahkwoye kuhtlac.
Mwe Nuhnak nuhke Lutlut Lohm ac Alu
Genesis 18:9–14; 21:1–7
Leum el ahkfalye olwelah Lal ke pacl Lal sifacna.
Leum El oraclah olwelac wolacna nuh sin mwet ahkostwen, tuhsruhk kuhtuh pacl uh ma sikyak ke moul lasr uh kuh in oruh kuht in nuhnkuh lah olwelah inge ac kuh in ahkfalyeyucklac fuhkah? Abraham ac Sarah sahp puhla ohiyac sac. Meac kom lotwelah ke ma sikyak nuh seltahl ah? Ac kuh in kahsre kom ke kom muhtwacack lutlut lom an in sulpac liye ke ma Leum el tuh olwelah ke Genesis 17:4, 15–22. Fuhkah mukuikui lal Abraham ac Sarah? (liye Lweng Lal Joseph Smith, Genesis 17:23 [in Genesis 17:17, mwe kahsruh b]; Genesis 18:9–12). Leum El topuk fuhkah in kahsreltahl in ahkyohkye luhlahlfongi laltahl ke olwelah Lal? (liye Genesis 18:14).
Meac kom konwacack ke fuhs inge ma ahkfokokoye luhlahlfongi lom an? Meac kuhtuh pac ma kom puhla—ke moul lom kuh moul luhn mwet sahyac—tuh ahkfokokoye luhlahlfongi lom an lah Leum el fah ahkfalye olwelah Lal ke pacl lal sifacna? Kom kuh in motko pac lah kom kuh in ahkkweye luhlahlfongi lom an fuhkah ke mwe insewowo tuh olwelah eltahl tiac utuckuh ke moul se inge. Mwe kahsruh fuhkah kom sokwack ke Mwet Hibru 11:8–13 ac pweng lal Prestuhn Russell M. Nelson “Christ Is Risen; Luhlahlfongi ke El Fah Moklelah Finohl”? (Liahona, Mei 2021, 101–4).
Liye pac Doctrine and Covenants 88:68.
Genesis 19:12–29
Leum el sapkihn nuh sihk in kahengkuhnlah ma koluk ac tiac tahpuhllac.
Lesin fuhkah kom lotwelah in kahengkuhnlah ma koluk ke kom riti kacl Lot ac sucu lal ah? Mwe srihkasrak, mac kom nuhnkuh ke ma lipufacn ah fahk ac oruh in kahsrel Lot ac sucu lal ah in kahengkuhnlah mwe ongiyac sac? (liye Genesis 19:12–17). Leum el kahsre kom ac sucu lom fuhkah in kahenglac kuh konwacack nien wihklac liki ohiyac koluk fin facluh? Nuhkuh ke kuhtuh ohiyac ma sahp kom tuh srihfeyuck in “[tah] puhllac” (fuhs 26) ke kom srihke in fahsr nuh met ke luhlahlfongi ke Mwet Lahngo. Meac se Luke 9:62 sang nuhke etwacack lom ke nuhnak se inge?
Liye pac Joseph Smith Translation, Genesis 19:9–15 (ke Pwacpuhl appendix).
Genesis 19:26
Meac muhtwacn kiacl Lot ah oruh koluk?
Elder Jeffrey R. Holland el luti:
“Sahp, ma se koluk sin muhtwacn kiacl Lot ah pa el tiac tahpuhl lac muhkwena; ke insiacl el ke foh lohklac. Kuh in sikyak muh finne met liki el ahluhkwelah sahflah ke siti sac, el tuh pahtlac nuhke ma Sodom ac Gomorrah oruh in sang nuh sel. …
“Kuh in pwacye lah muhtwacn kiacl Lot ah tahpuhllac ke kasrkuhsrak lal nuh sin Leum ke ma El siyuck sel in fihliac. … Na tiac ma ke el tahpuhllac muhkwena; el tahpuhllac ke luhngse lal. Ke kahs fototo, luhngse lal ke ma somlah yohkliki luhlahlfongi lal ke pacl fahsruh. Ma sacn, sahp kuh pacna in ipin ma koluk lal.
“… Nga kwacfe sum in tiac muhtana ke lwen ma somlah kuh kihte nguhnum yohklac ke ma somlah, ac finne lwen wowo somlah ingoh fuhkah. Ma somlah el mwe lotwelah kac tuhsruhk in tiac moulkihn. Kuht tahpuhllac nuh tok in etwaclah ke ip ma wo emet uh ke ohiyac wo tuhsruhk tiac in sifilpac moulkihn ma kuht puhla tari ac. Ac ke kuht lotwelah tari ma kuht enenuh ac us wi kuht ma wo emet kuht puhla, na kuht ngetlah nuh met ac esam lah luhlahlfongi el kol pacl nuhkwewa nuhke pacl fahsruh uh. …
“… Muhtana ke moul somlah, weacng tahfonglac met, el tiacna pwacye! Tiac wosasuc luhn Jisus Kraist. …
“Nuh sin [mwet nuhkwewa] ke fihl nuhkwewa, Nga fahk, , ‘Esam muhtwacn kiacl Lot ah’ [Luke 17:32]. Luhlahlfongi el ma nuhke pacl fahsuh uh. Luhlahlfongi muhsahyak ke pacl somlah tuhsruhk tiacna luhngse muhta we. Luhlahlfongi lah oasr ma wolacna yurin God el ahkolah nuh sin kais sie sesr ac tuh pwacyena Kraist pa ‘pristut fuhlwact ke ma wowo suc fah tuhkuh’ (mwet Hibru 9:11)” (“The Best Is Yet to Be,” Ensign, Jan. 2010, 24, 26–27).
Abraham ac Isaac, sel Harold Copping
Genesis 22:1–19
Abraham el ahkos in kihsackuhnuhl Isaac pa mwe akucl se ke God ac Wen Nahtuhl.
Finne kuht tiac etuh nohfon srihpac se God El sapkihn Abraham lacn esaclwacng Isaac ekihn sie mwe kihsac, kuht etuh lah srihkasrak se ke luhlahlfongi lal nuh sin God. Kuht oacyacpac etuh lah “oacna sie ke God ac Wen Kuloh Sefanna Nahtuhl” (Jacob 4:5). Ke kom riti Genesis 22:1–19, kom kuh suk akucl kuh ma oacna sie inmahsrlon kihsac lal Abraham kacl Isaac ac kihsac Lal Pahpah ke Wen Nahtuhl, Jisus Kraist. Motko in suhmuhslah ma kom sokwack ke chart oacna ma se inge:
|
Abraham ac Isaac |
Pahpah Inkuhsrao ac Jisus Kraist |
|---|---|
Abraham ac Isaac Isaac pa kuloh sefanna nahtuhl Abraham ac Sarah(Genesis 22:2; liye pac Hebrews 11:17) | Pahpah Inkuhsrao ac Jisus Kraist Jisus pa Kuloh Sefanna nuhtin Pahpah (John 3:16) |
Abraham ac Isaac Isaac el tuh luhkuhn kihsackihnyucklac in ahol soko lamb (Genesis 22:7–9) | Pahpah Inkuhsrao ac Jisus Kraist Jisus Kraist pa Lamb luhn God (John 1:29) |
Meac akucl kuh ma oacna sie ke kihsac in iwaclah luhn Mwet Lahngo ma kom liye yohk kalmac emet? Motko in on kuh riti kahs ke on in alu ma ahkkahlwemye luhngse luhn Pahpah Inkuhsrao nuh sesr, oacna ke“God Loved Us, So He Sent His Son,” On in Alu, no. 187. Kom kuh pac in suhmuhslah ma kom puhla ke Pahpah Inkuhsrao ac Jisus Kraist ac kihsac
Kom fin luhngse lutlut yohk ke kihsac luhn Mwet Lahngo lasr, motko in riti pweng lal President Jeffrey R. Holland “Liye Lamb luhn God” (Liahona, Mei 2019, 44–46). Efuh kuh lamb el akucl na fokoko se ke Wen nuhtin God? Meac se Prestuhn Holland el luti ma ahkyohkye ahkfuhlwact lom ke mwe sang luhn Pahpah Inkuhsrao?
Liye pac “Akedah (The Binding)” (video), Gospel Library.
Akedah (The Binding)
orekmakihn ma kuh in liyeyuck in luti. In sang nuhkac kain in ma ke luti ac lutlut, kom kuh in orekmakihn sie kuh puhs petsac ke mwe ahkuhtweyac inge ke kom luti sramsram ke Genesis 18–23. Mwe srihkasrak, kom ac sucu lom an kuh klahs kuh in esamyac ahkuhtweyac ke petsac kacl Abraham ac Isaac. Sruhmuhn lah efuh ahkuhtweyac inge yohk srihpac nuhke sramsram soko ah, ac sokwack ahkuhtweyac inge lihn ma suhmuhslah. Eltahl oruh fuhkah in kahlwem mwe akucl ke sramsram soko ke kisac luhn Wen nuhtin God?
Nuhke kuhtuh pac, liye ma nuhke mahlwem inge ke Liahona ac Mwe Ahkkweye Mwet Fuhsr mackuhsin.
Mwe Nuhnak nuke Luti Tuhlihk
Genesis 17:15–21; 18:14; 21:1–7
Nga kuh in luhlahlfongi God in liacacng olwelah Lal.
-
In lotwelah ke luhlahlfongi lal Abraham ac Sarah ke olweang luhn God, kom ac tuhlihk nuhtum an kuh in sramsram ke sie pacl ma eltahl enenuh in sano ma se eltahl luhngse na pwacye. Na kom kuh in ngwetacng nuhke petsac se lal Sarah ac Isaac ke muhtwacwacackiyen ma tahklac inge ac sruhmuhn ke olwelah se ma God el tuh oraclah nuh sel ac Abraham (liye pac “Abraham ac Sarah,” ke Sramsram Mahtuh Ke Wuhlweacng Mahtuh, 28–31). Kahsruh tuhlihk nuhtum an in nuhnkuh kuhtuh ma God El olwelah nuh sesr kuht fin ahkos. Ahkkweyacltahl in muhtweng ac luhlahlfongi lah God El fah liacacng olwelah Lal uh.
2:20Abraham and Sarah
-
In kahsruh tuhlihk nuhtum an in lotwelah ke ma yohk srihpac pwacye keGenesis 18:14, kom kuh in suhmuhslah kais sie kahs ke pohloh kahs se emet ke fuhs sacn ke siena ipin pwepuh. . Na oracni nuh sie pwepuh ah, ac ngihsre tuhlihk nuhtum an in fihliac kahs ah ke acn pwacye laltahl an. Kom ac tuhlihk nuhtum an kuh in riti Genesis 17:15–21; 21:1–7 in sokwack mwe srihkasrak ma Leum El tuh oruh ma oacna in koflah orek. Akacsruhi nuh sin tuhlihk nuhtum an luhlahlfongi lom lah Leum el fah ahkfalye olwelah Lal, finne oacna in koflah orek kuh arulacna pahtlac.
Genesis 19:15–26
Nga kuh in kahenglac liki ma koluk.
-
Siyuck sin tuhlihk nuhtum an ohiyac ma sahp mwet se solwacltahl in oruh ma eltahl etuh muh tiac wo. Kuht ac “kahengkuhnlah” fuhkah ohiyac inge? Ahkfototoye Genesis 19:15–26 in ahkuhtweyac lah sucu lal Lot ah muhta ke siti na aluhkwelah koluk se ac lipufacn eltahl sensenkackuhnuhltahl in tuyak som. Ke kom ac tuhlihk nuhtum an tuhkweni riti fuhs 15–17, 26, siyuck seltahl lah meac kalmac nuh sesr mihsenge in “kahengkuhnlah” ma koluk ac “tiac tahpuhllac” (fuhs 17).
Sodom, sel Julius Schnorr von Carolsfeld
Genesis 22:1–14
Abraham el ahkos Leum.
-
Orekmakihn petsac lal Abraham ac Isaac ac ke Acnwucki Fin Sahksin Soko ah (liye Gospel Art Book, nos. 9, 57) kuh in kahsruh tuhlihk nuhtum an kuhpahsri sramsram ke Genesis 22 ke kisac luhn Mwet Lahngo (liye Mattew 27:26–37). Meac kuht kuh in lotwelah sin Pahpah Inkuhsrao ac Jisus Kraist ke ma suhmuhslah lal Abraham ac Isaac ac ke Acnwucki Fin Sahksin soko ah? (Liye pac “Abraham ac Isaac,” in Sramsram Mahtuh Ke Wuhlweacng Mahtuh, 34–37.)
2:0Abraham and Isaac
-
Kom kuh in sokwack sie sritacl fihsracsr ah yurin tuhlihk nuhtum an ma enenuh eltahl in fahsr ukoe inkacnek. Sahp inkacnek sac e pwacnuhltahl nuhke sie petsac kacl Jisus ma ukunyucklac. Sritacl sac kuh in mokleack sie sramsram ke ma Pahpah Inkuhsrao El tuh sapkihn nuh sesr in oruh kuht in muh kuh in sulpac muhta yohrohl ac Jisus Kraist. Motko in yuck soko on oacna ke “Keep the Commandments” (Puk In On Luhn Tuhlihk Srihsrihk, 146–47). sra puk in mukuikui ke wik se inge kuh pac in kahsruh.
Nuhke kuhtuh pac, liye ma nuhke mahlwem inge ke Friend mackuhsin.