“Mahs 2–8. ‘Lwelah Tuh God Lan Kuhtanglah’,” Come, Follow Me—Nuh Lohm ac Alu: Wuhlweacng Mahtuh 2026 (2026)
“Mahs 2–8. ‘Lwelah Tuh God Lacn Kuhtanglah’,” Come, Follow Me: 2026
Easu El Kihtaclah Mwe Usru Lal, sel Glen S. Hopkinson (detail)
Mahs 2–8: “Lwelah Tuh God Lan Kuhtanglah”
Genesis 24–33
Kom ac karihngihn kom fuhkah ke mwe insewowo tuhkuh sin God? Kom kuh in fahk muh ma suhmuhslah kacl Jacob, nuhtin nahtuhl Abraham ac Sarah, pa sramsram ke sie mukul suc lotwelah top nuhke kihsen siyuck sac. Ke sie facsin ma mukul wonsie eis mwe usru ke mwe insewowo, Jacob el isuslac ahkluo, sruokyac kapihn nien tamuhlwel wiacl, Easu. Ine se inge “Jacob” kalmac “ahollah”— sie suc ahollah sie pac. Jacob el srihke in eslah ine se ingacn, puhs liki pacl se, aholuhl Easu ke mwe usru luhn wonsiac mweyen Esau el suhfal nuh kac (liye Genesis 25:30–34; 26:34–35; 27:36). Ma sikyak kac ah ekuhllah sucu sac, ac Jacob el ennuh in kahenglac ke srihpen moul lal nuh yen mwesis.
Kuhtuh yac tohkoh, God el sapkihn nuh sel Jacob in fohlohklac nuh acn sel ah. Inkacnek uh, Jacob, ke puhsisacl, sulpac suk mwe insewowo sin God. Ma suhmuhslah ahkuhtweyac ke pacl se inge oacna sie “amacin” sel Jacob, ac el fahk muh elac tiac fuhlweack “fin te kom ahkinsewowoyeyuc.” (Genesis 32:26). Na tuhkuh mwe luti sac—ac mwe insewowo sac God El ekuhllah inel Jacob nuhke Israel—kalmac, inmahsrlon kuhtuh ma sahyac, “lwelah God lan kuhtanglah.” Israel el lotwelah lah in eis mwe insewowo sacohk emet sin God, mwe insewowo ke wuhlweacng Lal, tiac enenuh in aohllah sie mwet. Mwe insewowo Lal tia ma moulac, kuh ituck ke kuh kuh itto. El sang wacngihn molo nuh seltahl ma moulkihn ine se luhn Israel—suc sang kuhtanglah luhn God in moul lalos.
Mwe Nuhnak nuhke Lutlut Lohm ac Alu
Genesis 24
Wuhlweacng ke pahyuck el eneneyuck nuhke plwacn wacngihn sahflahiyac luhn God.
Ke kom riti Genesis 24, siyuck sum sifacna lah efuh Abraham motko pahyuck luhn wen nahtuhl Isaac in arlac yohk srihpac. Efuh kuh pahyuck uh yohk srihpac nuh sin God?
Meac ma wo kom konwacack kacl Rebekah ma kuh in oruh nuhke sie pahyuck fokoko ac sucu? (yohkna liyefuhs 15–28, 57–61).
Liye pac Sifac ac Kihsen Siyuck, “Pahyuck,” Gospel Library.
Genesis 25:29–34
Nga kuh in sulaclah ma nuh tok wacngihn sahflahiyac fin ma suhkawihl.
Ke facsin lal Isaac ac Rebekah, mukul mahtuh se emet uh eis mwe usru, suc kalmac usru yohk se, som wi kunohkohn yohk nuhke fosrngahkihn sucu sac. Ke kom riti Genesis 25:29–34, motko lah efuh Easu elan tuh ke fuhlweack mwe usru lal ah sang ahol mongo se. Mwe luti fuhkah se kom konwekomyak kac ke sramsram se inge? Ac kuh in kahsruh oraclah lis luo: (1) mwe insewowo wacngihn sahflahiyac ma God el luhngse usot nuh sum ac (2) ma luhn facluh ma kuh in losrwekomlac. Na kom kuh in riti pohloh kahs sac, ahollah“mwe usruh” ke sie ma ke lis se met ah ac“toeniyac” ke sie ma ke lis ahkluo sac. Kom ac loacng fuhkah nuh sin Mwet Lahngo ac mwe insewowo wacngihn sahflahiyac ke wosasuc Lal?
Liye pac Mattew 6:19–33; M. Russell Ballard, “Esam Ma Yohk Srihpac Emet,” Liahona, Mei 2023, 105–7.
Jacob ke Bethel, sel James Smetham
Genesis 28
Wuhlweacng ke lohm sin Leum use kuh luhn God nuhke moul luhk
Ke el mutul fin ilul in yot se, Jacob el oruh sie mwemwe ekuhllah- moul se. Ma se tuh sikyak inge muhtahl na pwacye lah Jacob el tuh pahngon acn sac Bethel, kuh “lohm sin God,” fahkwack, “Pwacyena Leum El oasr ke acn se inge” (Genesis 28:16).
Ke kom riti Genesis 28, kom kuh in siyuck sum sifacna lah meac oruh ma sikyak se inge arulacna muhtahl sel Jacob uh? Meac sikyak nuh sel ke pacl se inge? Oacna fuhkah ma el tuh puhla? Kom kuh pac in suk kahs kuh pohloh kahs ke fuhs 10–22 ma ahkacsmakihnye kom ke lohm sin Leum. Meac puhla lom ke ma kom etuh ke God, lohm Sel, ac wuhlweacng Lal?
Ke sahflahiyen mwe ahkuhtweyac se inge pa sroal se ahol mwemwe lal Jacob ah; kom kuh in orekmakihn ke kom rit. Kom fin ac kuh in oraclah sroal se lom sifacna in aohl mwemwe lal ah, meac kom ac oruh? Ma pwacye fuhkah ke sramsram soko inge kom ac srihke in etahi?
On in Alu “Nearer, My God, to Thee” (On in Alu, no. 100) eltahl fal nuhke ma Jacob el puhla. Meac kuhpahsr kom liye ke on inge ac Genesis 28:10–22? Tempuhl uh kahsre kom fuhkah in puhla fofofo nuh sin God? Motko in suk top nuhke kihsen siyuck ke pweng lal Prestuhn Russell M. Nelson ke “Tempuhl ac Ma Kawihl Ke Pwelucng Lom” (Liahona, Nohf. 2021, 93–96). Kom kuh pac in sulpac liye ke wuhlweacng ac mwe insewowo ke lohm sin Leum ke General Handbook, 27.2 (Gospel Library). Karuhnganwacng wuhlweacng inge use fuhkah kuh luhn God nuh ke moul lom?
Oruh kom in lwemlwem. Oasr inkacnek puhkantwen in lotwelah ke ma suhmuhslah likina riti kac muhkwena. Kuhtuh mwet uh konwacack tuh eltahl kahlwem ke ma suhmuhslah uh wo eltahl fin sruhluh petsac ke sramsram sac. Kuhtuh konwacack etwacack luhn ma kawihl ke on muhtahl kuhpahsr nuhke ma suhmuhslah. Nikmet orekmakihn inkacnek in etwacack sefanna; engan in srihke kuhtuh pac inkacnek sahyac.
Genesis 29:31–35; 30:1–24
Leum El esam yuc in pacl upac.
Ke kom riti Genesis 29:31–35 ac 30:1–24, sokwack kahs sruhmuhn ke pahkoten luhn God nuh sel Rachel ac Leah. Motko fuhkah God El “liye ke [mwe kweok] lom ” ac “esam” kom (Genesis 29:32; 30:22).
Genesis 32–33
Mwet Lahngo El kuh in ahkwoyelah sucu luhk uh.
Ke Jacob el fohlohklac nuh Canaan, el tuh “arulacna sahngeng ac fosrngah” lah fuhkah ke tamuhlwel se wiacl, Esau, fah sonol uh(Genesis 32:7). Ke kom riti Genesis 32–33, motko ke inmahsrlon suc lom sifacna—sahp yohkna nuh sel ma enenuh kahsruh. Sahp sramsram soko inge kuh in mokle kom in sang kahsruh nuh sin sie mwet. Kihsen siyuck oacna inge kuh in kol rit lom an.
-
Jacob el ahkolah fuhkah in ohsun nuh sel Easu?
-
Meac tuhkuh nuh sum ke pruhe lal Jacob konweyuckyak ke Genesis 32:9–12?
-
Meac kom lotwelah ke nuhnak muhnahs ke mwe srihkasrak lal Easu ah?
-
Mwet Lahngo El kuh in kahsre kuht fuhkah ahkwoyelah inmahsrlon sucu?
For more, see this month’s issues of the Liahona ac For the Strength of Youth mackuhsin.
Mwe Nuhnak nuhke Lutlut luhn Tuhlihk
Genesis 24:10–21
Nga kuh in kuhlwacng nuh sin mwet sahyac.
-
In ahkahlwemye mwe srihkasrak wolacna lal Rebekah ke kuhlwacng, kom kuh in ahkkahlwemye nuh sin tuhlihk nuhtum an petsac se ke mukuikui in wik ke sra puk ke kom ahkfototoye sramsram soko ke Genesis 24:10–21. Tuhlihk nuhtum an sahp e pacr in orek srihkasrak ke sramsram soko inge. Ma se inge kuh in sramtweack sie sramsram ke mukuikui kuhlwacng kom ac tuhlihk nuhtum an tuh liye met.
-
Motko in tuhkweni yuck soko on ke kuhlwacng, oacna “Kindness Begins with Me” (Puk In On Luhn Tuhlihk Srihsrihk, 145). Tuhlihk nuhtum an kuh lohng ke kahs se“kuhlwacng” (kuh sie kahs apkuhran nuhkac ac tuyak eltahl fin lohngack. Kuht ac kuhlwacng fuhkah oacna Rebekah?
Mwet Pwengpweng Ke Wuhlweacng Mahtuh, sel Dilleen Marsh (sruhmuhn)
Genesis 25:21–34
Ma tiac eklac el yohk srihpac liki ma luhn facluh.
-
Motko in orekmakihn “Jacob ac Esau” (ke Sramsram Ke Wuhlweacng Mahtuh, 38–41) in kahsruh tuhlihk nuhtum an in kahlwem ke sramsram soko ke Genesis 25:21–34. Sahp tuhlihk nuhtum an kuh in motko muh Esau el siyuck seltahl ke kahsruh lah el enenuh in ayaol ke mwe usru lal ke sup sac? Meac eltahl ac fahk nuh sel?
2:5Jacob and Esau
-
Meac ma yohk srihpac nuh sum ac tuhlihk nuhtum ma pahtpaht? Sahp tuhlihk nuhtum an kuh in sokwack petsac kuh ma aholyen ma inge. Kuht ac ahkkahlwemye fuhkah nuh sin Leum lah ma inge yohk srihpac nuh sesr?
Genesis 28:10–22
Wuhlweacng kahsreyuc in fohlohk nuh yurin Pahpah Inkuhsrao.
-
Ke kom riti Genesis 28:10–22toeni, kom kuh in orekmakihn sie yenfan ah kuh sie step (kuh petsac se oacna ma se oan ke sahflahiyen mwe ahkuhtweyac se inge) in sramsramkihn lah fuhkah wuhlweacng lasr uh oacna sie yenfan. Sahp tuhkihk nuhtum an kuh in kikiacp in fan ke yenfan se, ac ke kais sie step, sruhmuhn ke pacl ma kuht olwelah in ahkos God, oacna ke pacl se kuht pacptaislac, eis kuhfa luhn Leum, kuh som nuhke tempuhl. Wuhlweacng lasr uh ahkfototoye kuht fuhkah nuh sin God?
Genesis 32:6–11; 33:1–4
Pahpah Inkuhsrao ac Jisus Kraist kuh in kahsreyuc luhngse sucu luhk uh.
-
In ahkahlwemye ke fuhs inge, kom kuh in ahkuhtweyac lah tukihn yac puhs ke upac insiac, Jacob el tuh som in sulpac ohsun nuh sel Easu. Tuhkweni riti Genesis 32:6–11. Meac Jacob el tuh puhla? Meac el tuh oruh in eis kahsruh? Tuhkweni riti Genesis 33:1–4 in sokwack lah Leum El topuk fuhkah pruhe lal Jacob ah. Fin Jacob ac Easu kuh in sramsram nuh sesr mihsenge, meac eltahl ac fahk in kahsre kuht ke pacl oasr fohs in sucu lasr uh?
For more, see this month’s issue of the Kawuck mackuhsin.