Mwet Israel

Ke kuhtuh acn yen mwesis eir nuh Canaan, Jacob el tuhfal ke el sano sie ohsun nuh sin tamuhlwel se wiacl, Easu. Pacl sahflah se Jacob el tuh liyacl Easu, sahp yac 20 met liki, Easu el tuh ke unilyac ah. Jacob el sislah fong na fohn se ke sie apihrack, suk sie mwe insewowo sin God. Oacna ma sikyak ke luhlahlfongi lal Jacob, kwacfeacng, ac kuh nuhnkuh, God el topuk pruhe lal ah. Fong sac inel Jacob ayaollac nuhke Israel, ine se ma kalmac, inmahsrlon ma pac sahyac, “el amaci yurin God” (Genesis 32:28, footnote b).

Pa inge pacl se emet ine sac Israel sikyak lun Pwacpuhl, ac ine se ma amaci lun puk ac ke sramsram mahtuh nuhkwewa. Ine sac sa na tuhkuh in tuh sruhmuhn nuh sin puhs liki mwet se. Tuhlihk mukul 12 nahtuhl Israel, ac tuhlihk nahtuhlos nuhkwewa etweyuck oacna “mwet Israel,” pa ”sruf luhn Israel,” pa “tuhlihk nuhtin Israel,” kuh pa “Mwet Israel.”

Ke sramsram mahtuh nuhkwewa, tuhlihk nuhtin Israel kapsreni ma yohk srihpac nuhke tahk in sucu lalos ke sie sin sruf singucul luo luhn Israel. Tahk sucu lalos tuh ip yohk srihpac se ke wuhlweacng lalos sifacna. Mwet Sap Paul el fahkwelihk lah el ma ke “sruf lal Benjamin” (Romans 11:1). Sie srihpac Lehi el tuh suhpwaclah tuhlihk mukul nahtuhl ah nuh Jerusalem pa in uslah plwet prahs pa plwet oasr “tahk sucu luhn pahpah tuhmwacl ah kac” (1 Nephi 5:14). Lehi el konwacack lah el ma ke tuhlihk nahtuhl Joseph, ac kahwlem luhn fahko lal ke kuhpahsr nuh sin Mwet Israel ahkpwacye yohk srihpac kac nuh seltahl ke yac ma tuhkuh tok.

Ke Alu uh mihsenge, kom sahp lohng ke Israel ke kahs oacna “oracni Mwet Israel.” Kuht onkackihn “Redeemer of Israel,” the “Hope of Israel,” and “Ye Elders of Israel.” Ke ohiyac inge, kut tiac on kuh sramsram ke tohkohsrahi pacl met ah luhn Israel kuh muhtuhnfacl mihsenge pahngpahng Israel. A, kuht sruhmuhn ke mwet ma fahsreni ke muhtuhnfacl fin facluh nuhke Alu luhn Jisus Kraist. Kuht sruhmuhn ke mwet ma tuna kuh in God, suc suk na pwacye ke mwe insewowo Lal, ac suc, ke pacptais, eklac mwet wuhlweacng Lal. Ke kahs lal President Russell M. Nelson, in ma luhn Israel, in lwelah God Elan kuhtanglah in moul lasr, … in lwelah God in pa ohiyac fokoko se emet ke moul lasr uh.”

Mwe insewowo ke patriarch sruhmuhn ke kuhpahsr lom nuhke sie sin sruf luhn mwet Israel. El yohk likina sie ma usrnguck ke sramsram mahtuh ke sucu Oasr pac ma ac oruh nuhke pacl inge ac pacl fahsruh lom an. Kom fin mwet Israel kalmac pa oasr kuhpahsr se ke wuhlweacng lom yurin Pahpah Inkuhsrao ac Jisu Kraist. Kalmac pa kom, oacna Abraham, oreklac in “sie mwe insewowo” nuh sin tuhlihk nuhtin God (Genesis 12:2; Abraham 2:9–11). Kalmac pa, ke kahs lal Peter, tuh “kom fihl suleyucklac se, sie pristut fuhlwact, sie muhtuhnfacl muhtahl, sie mwet usrnguck; tuh kom fah sulkackihn kaksak kacl suc pahngon kom in tuhkuh liki lohsr nuhke kahlwem wolacna lal” (1 Peter 2:9). Kalmac pa in you “lwelah God lan kuhtanglah”—tuh kom pa sie suc “tuna kuh in God” ke kom ahkfuhlwactye wuhlweacng lom Yohrohl.