Fahsruh, Fahsr Tukuk
Mahs 16–22. “God El Oruh Srihpac Lal nuhke Ma Wo”: Genesis 42–50

“Mahs 16–22. ‘God El Oruh Srihpac Lal nuhke Ma Wo’: Genesis 42–50,” Come, Follow Me—For Home and Church: Wuhlweacng Mahtuh 2026 (2026)

“Mahs 16–22. ‘God El Oruh Srihpac Lal nuhke Ma Wo’,” Come, Follow Me: 2026

Joseph el nuhnak muhnahs nuh sin tamuhlwel wiacl

Nuhnak Muhnahs, sel Megan Rieker

Mahs 16–22: “God El Oruh Srihpac Lal nuhke Ma Wo”

Genesis 42–50

Tuh apkuhran in 22 yac ke tamuhlwel wiacl Joseph ac tuh kuhkakuhnuhllah nuh ke slef ah. Joseph el tuh puhla ma upac puhs, weacng ahkkoluk suhtuhu ac kaclpous. Ke el tuh sulpac liye tamuhlwel wiacl ah, Joseph pa tuh kafuhnah fin acn Egypt nohfohn, ahkluo nuh ke pharaoh. El arlac yolyak in orek fohlohksahk nuh sin tamuhlwel wiacl ah, in nuhnkuh ke ma eltahl tuh oruh nuh sel Joseph, ac sahp ma na kahlwem se. Tuhsruhktuh Joseph el nuhnak muhnahs nuh selos. Tiac pa ngacn muhkwena, tuhsruhk el kahsreltahl in liye srihpac wowo ke kweok lal. “God el oruh srihpac Lal nuhke ma wo” (Genesis 50:20), el fahk nuh seltahl, mweyen fihliyucki el ke acn se in molwelah “mwet nuhkwewa in lohm sin pahpah tuhmwacl ” (Genesis 47:12) liki sracl in mongo,

Ke ohiyac puhs, Joseph el tuh oacna Jisus Kraist. Finne ma koluk lasr uh sang kweok yohk luhn Jisus, El acse nuhnak muhnahs, tuhlwekuhtlac nuhkwewa liki sahflah se ma koluk likina sracl in mongo. Lah kuht enenuh in eis nuhnak muhnahs kuh sang—in kuhtuh ohiyac kuht nuhkwewa enenuh in oruh kwewa—mwe srihkasrak lal Joseph Smith kihfucskuht nuh yurin Mwet lahngo, mwe kahsruh pwacye luhn ahkwoyelah ac oracni nuh sie.

study icon

Mwe Nuhnak nuhke Lutlut Lohm ah ac Alu

Genesis 45:5–7; 47:12

“God el suhpweyucme met liki kom in molikomlac.”

Yac oasr ma kom akihlen oacna sie inmahsrlon moul lal Joseph Smith ac misin in iwaclah luhn Jisus Kraist? In liye kuhtuh mwe srihkasrak ke ma oacna sie inge, srihke kapsreni:

  • Genesis 37:3 ke Mattew 3:17.

  • Genesis 37:26–28 ke Mattew 26:14–16.

  • Genesis 45:5–7 ke Luke 4:18.

  • Genesis 47:12 ke John 6:35.

Meac kom nuhnkuh ke Mwet Lahngo ac misin Lal ke kom riti pohloh kahs inge?

Genesis 45; 50:15–21

seminary icon
Nuhnak muhnahs use onwelah.

Riti ke nuhnak muhnahs lal Joseph nuh sin tamuhlwel wiacl ke ma sakihrihk eltahl tuh oruh ah kuh in mokle kom in nuhnkuh ke sie mwet ingena ma upac sel in nuhnak muhnahs. Kihsen siyuck tohkoh inge kuh in kahsre kom in srihke orekmakihn ma yohk se inge.

  • Efuh kuh tena tuh upac nuh sel Joseph in nuhnak muhnahs nuh sin tamuhlwel wiacl ac? (in sulpac liye ma eltahl tuh oruh nuh sel ah, liye Genesis 37). Ma sikyak kuh ohiyac fuhkah sahp sang nuh sel Joseph kuh in nuhnak muhnahs? (liye, in mwe srihkasrak, Genesis 45:1–15 or 50:15–21).

  • Mwe insewowo fuhkah tuhkuh ke nuhnak muhnahs lal Joseph nuh sin tamuhlwel wiacl? In mwe srihkasrak, kuhpahsri inmahsrlon sucu lal Jacob ke muhtwacwaciyen sramsram soko ah (liye, in mwe srihkasrak, Genesis 37:3–11) ke inmahsrloltahl ke sahflahiyac (liye Genesis 45:9–15; 50:15–21). Ma uh kuh pac in eklac siena fuhkah fuhnuh Joseph el tiacna ke nuhnak muhnahs?

  • Motko in suhmuhslah inen sie mwet ma enenuh nuhnak muhnahs lom—lah eltahl siyuck ke nuhnak muhnahs kuh tiac. Meac kom kuh in oruh in suli kuh in onwelah luhn Mwet Lahngo nuh ke ohiyac sac? Fin nuhnak muhnahs arlac upac, motko in sulpac liye mwe kahsruh lal Elder Gerrit W. Gong pohloh kahs onkohsr sahflah ke pweng se lal ah “Engan ac Ma Pahtpaht” (Liahona, Nov. 2022, 85). Meac kom konwacack muh usot finsrak lom muh kom kuh in nuhnak muhnahs?

Liye pac Doctrine and Covenants 64:9–11; “Nuhnak Muhnahs: Ma Toasr Luhk Oreklac Muhlahlahi” (fitio), Gospel Library.

8:24

Forgiveness: My Burden Was Made Light

Genesis 49

Jacob el sang nuh sin sucu lal mwe insewowo luhn mwet pahluh.

Mwe insewowo lal Jacob nuh sin fihtac lal sesseslah ke petsac kahlwem, tuhsruhk eltahl upac in etuh kac. Wo ohiyac, wosasuc fohlohkihnyuckyak el use kahsruh nuh sesr. Ke kom riti mwe insewowo nuh sel Joseph keGenesis 49:22–26, riti pac fuhs tohkoh inge, ac liye lah etwacack fuhkah eltahl sang: 1 Nephi 15:12; 2 Nephi 3:4–5; Jacob 2:25; Doctrine and Covenants 50:44.

Ke kom riti ke mwe insewowo lal Judah ke Genesis 49:8–12, esam lah Jisus Kraist el ma ke tuhlihk nahtuhl Judah. Meac kom konwacack ke fuhs inge ma ahkacsmakihnye kom ke Mwet Lahngo? (see also Fwackyak 5:5–6, 9; 1 Nephi 15:14–15; Doctrine and Covenants 45:59; 133:46–50).

Riti me insewowo inge ac kuh in mokle kom in sulpac liye mwe insewowo luhn patriarch lom an—kuh, fin wacngihn lom, in eis sie. Meac kahs kuh pohloh kahs ke mwe insewowo lom ekuhllah nuhnkom nuh sin Jisus Kraist?

Liye pac Randall K. Bennett, “Mwe Ahkinsewowo luhn Patriarch Lom—Kol Inkacnek sin Pahpah Inkuhsrao,” Liahona, Mei 2023, 42–44.

Genesis 50:19–21

God el kuh in kahsre yuc konwacack srihpac ke ma upac nuh sihk.

Finne tiac arlac kahlwem ke ma sikyak nuh sel ah, Joseph el sahflahiyac kuh in ngetlah nuh tok liye ma upac nuh sel fin acn Egypt ac liye lah “God el oruh ke srihpac nuhke ma wo” (Genesis 50:20). Ac fin kom som liyacl Joseph ke el muhta in luhf sac kuh in presin, kom ac tuh kahsrel fuhkah? Fuhkah tuh Genesis 50:19–21 kahsre kom ke pacl upac nuh sum?

Liye pac Doctrine and Covenants 122; “How Firm a Foundation,” On in alu, no. 85.

Joseph luhn acn Egypt el liye aruhruhma acl Joseph Smith eis puhlet kol sel lipufacn Moroni.

Joseph Smith inmahsrlon Mwet Pahluh, sel Paul Mann (detail)

Genesis 50:24–25

“Sie mwet liyactwen Leum God luhk El tulohkuhnwack”

Ke kom riti Genesis 50:24–25 ac Joseph Smith Translation, Genesis 50:24–38 (in the Bible appendix), motko lah efuh tuh yohk srihpac nuh sel Joseph in etuh kacl Mose ac Joseph Smith ke yac siofok met liki. Joseph smith el ahkfalyelah fuhkah palye lal Joseph kacl ah? (liye Doctrine and Covenants 1:17–23; 20:7–12; 39:11;

For more, see this month’s issues of the Liahona and For the Strength of Youth magazines.

children section icon 01

Mwe Nuhnak nuhke Luti Tuhlihk

Genesis 42–44; 45:4–15

Nga kuh in ahkkahlwemye luhngse ac nuhnak muhnahs nuh sin sucu luhk.

  • Ac ma pacr se nuh sin tuhlihk nuhtum an in srihke sramsram kacl Joseph sulpac fohlohk nuhke sucu lal ah. (liye Genesis 42–44). Kuh eltahl kuh in orekmakihn “Joseph ac Sracl In Mongo sac” (in Sramsram Ke Wuhlweacng Mahtuh, 57–60) Pa inge kuhtuh kihsen siyuck ma kuh in kahsruh tuhlihk nuhtum an lotwelah ke sramsram soko inge.

    • Meac Josepj el tuh oruh in ahkkahlwemye luhngse nuh sin sucu lal? (liye Genesis 45:4–15).

    • Kom puhla uh efuh Joseph el tuh nuhnak muhnahs nuh sin tamuhlwel wiacl ah?

    • Meac kom nuhkuh tuh tamuhlwel wiacl Joseph ah puhla ke eltahl etwacack lah Joseph el nuhnak muhnahs nuh selos? Suc in moul lom enenuh in nuhnak muhnahs nuh se? Kom ac ahkkahlwemye fuhkah luhngse ac nuhnak muhnahs?

    2:26

    Joseph and the Famine

Ke kom ahkolah in luti, siyuck, “Meac tuhlihk nuhtihk uh ac oruh in lotwelah?” In mwe srihkasrak, ke mukuikui se inge tuhlihk nuhtum an orek srihkasrak kuh sulpac sruhmuhn soko sramsram. Oruh ma inge ac kahsreltahl in esam kwewana ma sikyak ac ke ip yohk ke wosasuc lihn sramsram soko inge.

  • Kom ac tuhlihk nuhtum an sahp luhngse akacsruhi ma eltahl puhla ke eltahl nuhnak muhnahs nuh sin mwet se kuh mwet se nuhnak muhnahs nuh seltahl. Kom kuh in yuck soko on oacna “Love One Another” (Children’s Songbook, 136) kuh “Help Me, Dear Father” (Puk in on nuhtin Tuhlihk Srihsrihk, 99).

Genesis 48:8–9

Leum el kahsreyuc ke mwe insewowo luhn pristut.

  • Kom ac tuhlihk nuhtum an kuh in liye petsac kacl Jacob ahkinsewowoye mukul nahtuhl ke sahflahiyen mwe ahkuhtweyac se inge ac sruhmuhn lah meac sikyak (liye Genesis 48:8–9). Fin enenuh, ahkuhtweyac lah Jacob, pahpah tuhmwacl Joseph, luhngse sang mwe insewowo nuh sin sucu lal ah. Sahp kom kuh in akacsruhi nuh selos oacna sie ma sikyak nuh sum ke kom eis kahsruh sin God ke sie mwe insewowo luhn pristut. Meac kuhtuh srihpac ma kuht ac kuh in siyuck ke sie mwe insewowo luhn pristut?

muhtwacn fuhsr se eis sie mwe insewowo

Genesis 45:5–11

Pahpah Inkuhsrao El suhpwaclma Jisus Kraist in Moliyuclac.

  • Kom ac kahsruh tuhlihk nuhtum an in liye fuhkah Mwet Lahngo ke sramsram kacl Joseph ac sucu lal liki sracl in mwe mongo sac? Motko in oraclah sie chart ah ke siskac luo akihlenyucki Joseph ac Jisus Christ. Kahsruh tuhlihk nuhtum an in sokwack kais luo ma suhmuhslah ac nwacklah chart sac ke ma Joseph ac Jisus oacna sie kac: Genesis 37:3 and Mattew 3:17; Genesis 37:26–28 and Mattew 26:14–16; Genesis 45:5–7 and Luke 4:18; and Genesis 47:12 and John 6:35.

  • Siyuck sin tuhlihk nuhtum an lah meac kalmac in molwelah kuh kahsruh mwet se. Fin oacna sie seltahl tuh puhla kahsruh kuh moliyucklac liki mwe sensen, ngihsre eltahl in akacsruhi. Joseph el molwelah fuhkah tamuhlwel wiacl ah? (liye Genesis 42:1–3; 45:5–7). Na komtacl kuh in tuhkweni ngetang nuhke petsac se ke Mwet lahngo ac siyuck sin tuhlihk nuhtum an in sruhmuhn lah Jisus el molikuhtlac fuhkah.

For more, see this month’s issue of the Friend magazine.

Israel el sang mwe insewowo luhn pristut nuh sin wen nahtuhl.

Jacob el Ahkinsewowoyacl Joseph (Jacob el Ahkinsewowoye Wen Nahtuhl), by Harry Anderson

Sra puk in mukuikui luhn U luhn Tuhlihk Srihsrihk: Nga kuh in nuhnak muhnahs