“Mahs 9–15. ‘Leum El Tuh Weluhl Joseph’: Genesis 37–41,” Fahsruh, Fahsr Tukuk—Nuhke Lohm ac Alu: Wuhlweacng Mahtuh 2026 (2026)
“Mahs 9–15. Leum El Tuh Weluhl Joseph’,” Fahsruh, Fahsr Tukuk: 2026
Joseph ac Tamuhlwel Wiacl, sel Sam Lawlor
Mahs 9–15: “Leum El Tuh Weluhl Joseph”
Genesis 37–41
Kuht etuh lah God el ahkinsewowoye mwet luhlahlfongi ke El ac liacacng masap Lal. Tuhsruhk kuhtuh pacl uh oacna in tiac ohingacn. Kuhtuh pacl uh mwet ma luhlahlfongi ke God uh ahkeokyeyuck ac sisilac sin mwet in sucu. Kuhtuh pacl uh mwet ma puhlaik sruhnga kuhnahoslah masap ke kosro srackpacna ahkkolukyeyuck ke ma kikiacp. Ke ma inge sikyak nuh sesr uh, kuht ac kuh in srihfeyuck in kasrkuhsrak sin God. Kuht ac kuh in motko, “Meac srihpac se in srihke in oruh ma suwohs ac fin ma ac oraclah moul uh in upaclac?”
Joseph, wen nahtuhl Jacob, kuh pac in motko oacna. Ke kuhtuh pacl, mwet luhlahlfongi se inge kahsruhpi; kuhtuh pacl sahyac, liyeyuck muh ke yohkwelihk luhlahlfongi lal ah, yohkwelihk ma upac tuhkuh nuh sel. Tuhsruhk Joseph el tiacna fahsr liki Leum, ac Leum el tiacna som luhkwel Joseph. Tiac kalmac pa Leum El kosraclah ma koluk in tiac sikyak nuh sel Joseph, tuhsruhk ke ma nuhkwewa inge ,“Leum El tuh weluhl” (Genesis 39:3).
Mwe Nuhnak nuhke Lutlut Lohm ac Alu
Genesis 37:1–28; 39; 41:9–45}
Leum El fah wiyuc ke pacl upac nuh sihk.
Pacl nuhke pacl, wo ohiyac oacna in som luhkwel Joseph, tuhsruhk Leum El tiacna. Ke kom riti sramsram kacl Joseph, motko kihsensiyuck oacna ma inge: Meac Joseph el tuh oruh in fototo nuh yurin Leum? Leum El “weluhl fuhkah”? (liye Genesis 39; 40:1–19; 41:9–45). Meac kom lotwelah ke sramsram lal Joseph ma kuh in kahsre kom akihlen oasr luhn Leum ke moul lom?
Kom kuh pac in siyuck kihsen siyuck oacna inge ke moul lom an. Mwe ahkpwacye fuhkah kom liye Jisus el kahsre kom kac ke pacl upac nuh sum? Motko lah kom ac akacsruhi fuhkah ma kom puhla nuh sin mwet in suc ac fihlin fihl fahsruh (liye 1 Nephi 5:14).
Ahok, e oasr pac ma upac yurum ke pacl fahdruh uh. Meac kom kuh in oruh ingena in kahsruh etuh na pwacye lah ma upac inge ac tiac iskomlac liki Leum? Motko in suhmuhslah sie lweta ah in ahkkweye pacl fahsruh lom an in muhta apkuhran nuh Sel finne fuhkah. Kom kuh in sang pac ma kahlwem ke moul lal Joseph kuh ke pweeng lal Elder D. Todd Christofferson “Kuhpahsr Lasr yurin God” (Liahona, Mei 2022, 78–81).
Liye pac John 14:18; Romans 8:28; Alma 36:3; Doctrine and Covenants 121:7–8; “Abide with Me!,” On in Alu, no. 166.
Genesis 37:5–11; 40; 41:1–38
Nga fin pwacye, Leum El fah kol ac mokle yuc.
Oasr mwe sang se yohrohl Joseph in orek sulaclah lahlmwetmwet tuhkuh sin Leum ke mwemwe. Meac kom lotwelah ke Genesis 37:5–11; 40:5–8; 41:14–25, 37–38 in eis ac kahlwem ke fwackyuck sin Leum? Oacna mwe srihkasrak, meac kom kuh in lotwelah ke mwe srihkasrak lal Joseph ke fwackyuck ma oacna in upac in kahlwem kac? (liye Genesis 40:8; 41:16).
Motko lah Leum El ikacslah fuhkah kena Lal nuh sum. Meac kom oruh in orekmakihn fwacyuhk El usot nuh sum? Kom suk fuhkah kuhtuh pac kolyuck Yohrohl me?
Joseph el luhngaslah Mwemwe luhn Okwok Wain ac Manman Puhret sac , sel François Gérard
Genesis 39:1–20
Ke kahsruh luhn Leum, Nga kuh in kahengkuhlah mwe sruhf.
Fin pa tuh ituckyang nuh sel Joseph kahsruh nuhke lain mwe sruhf in orekma koluk ke kosro, meac kom nuhnku elac ac fahk? Nuhkuh ke ma se inge ke kom riti ke ma sikyak nuh sel keGenesis 39. Mwe srihkasrak, motko lah Joseph lac kuh in topuk fuhkah ke kain mwe nuhnak inge:
-
Fin wacngihn mwet etuh ma nga oruh uh, mac se kac an? (liye fuhs 8–9).
-
Nga srihke ngan kutong, tuh mwe sruhf inge koflah tui (liye verse 10).
-
Meac nga kuh in oruh ke nga oasr ke acn se ma mwe sruhf arlac fokoko? (liye fuhs 12).
Kom ac ahkuhtweyac fuhkah lah efuh masap ke kosro arlac yohk srihpac? (liye Ke Kuh luhn Mwet Fuhsr: Sie Kol nuhke Orek Sulaclah, 23–28).
Mwe srihkasrak lal Joseph, ahok, kuh in orekmakihnyuck nuhke kain in mwe sruhf sahyac. Ke ma sikyak nuh sel Joseph oan in nuhnak, motko in oraclah sie plwacn nuhke kosraclah ac lain mwe sruhf. Mwe srihkasrak, kom kuh in nuhnkuh ke mwe sruhf se ac suhmuhslah ohiyac in kosraclah ac lah kom ac “kaheng” fuhkah ke mwe sruhf tuhkuh.
|
Mwe sruhf | |
|
Ohiac in kosraclah | |
|
Plwacn in topuk |
Pa inge kuhtuh ma suhmuhslah ma kuh in fahkwack plwacn lom an. Meac kom lotwelah ke kais sie ke Leum El kuh in kahsre kom lain mwe sruh? Mattew 4:1–11; 1 Mwet Korint 10:13; 1 Nephi 15:23–24; 3 Nephi 18:17–18.
Ke kom oraclah plwacn lom, e kuh pac in kahsruh in nuhnkuh ke pacl somlah ke kom kuhtanglah kosraclah ac lain mwe sruhf. Mwet Lahngo El tuh kahsre kom fuhkah (liye 2 Nephi 4:18–33).?
Genesis 41:15–57
Leum El fah kahsreyuc ahkolah nuhke kuhtwena ma upac.
Luhngaslah lal Joseph ke mwemwe lal Pharoah kohllah nuhke kuhtuh mwe kahsruh lahlmwetmwet ac wo nuhke molwelah ke sie sracl in mwe mongo. (liye Genesis 41:15–57). Motko lah meac pweng luhn ma kawihl Leum El sot nuh sum ke ma suhmuhslah se inge. Meac kom puhla ke El luhngse kom in ahkolah nuhke ma upac ke moul lom pacl fahsruh uh?
Liye pac David A. Bednar, “We Will Prove Them Herewith,” Liahona, Nohf. 2020, 8–11.
For more, see this month’s issues of the Liahona and Ke Kuh luhn Mwet Fuhsr mackuhsin.
Mwe Nuhnak nuhke Luti Tuhlihk Srihsrihk
Genesis 37
Nga kuh in kuhlwacng nuh sin sucu luhk ah.
-
Riti ke upac luhn insiac ke sucu lal Joseph kuh in oracack sie sramsram ah lah kuht ac oruh fuhkah nuh sin mwet in sucu lasr uh. In sruhmuhn sramsram kacl Joseph ac tamuhlwel wiacl keGenesis 37, kom kuh in orekmakihn petsac ke mwe akuhtweyac se inge kuh ke “Joseph’s Inspired Dreams” (in Sramsram Ke Wuhlweacng Mahtuh, 47–51). Lwelah tuhlihk nuhtum an in akacsruhi ke ma eltahl etuh ke sramsram soko inge. Kom kuh in siyuck sin tuhlihk nuhtum an in petsaelah muh eltahl mwet ke sucu lal Joseph ah. Meac elthal tuh fahk kuh oruh in oacna sie mwet ahkmisye ke sucu sac? Mwe srihkasrk,meac kalmac in “sramsram mihs ” ke sucu lasr uh? (verse 4). Jisus Kraist El mwet in ahkmisye fuhkah se ke sucu luhn God?
2:17Joseph’s Inspired Dreams
Genesis 37:18–28; 39:20–23; 41:38
God El kuh in kahsreyuc ke pacl ma koluk sikyak.
-
Ke tuhlihk nuhtum an sun ma upac, eltahl enenuh in etuh lah Leum El fah weluhlos, oacna ke El weluhl Joseph. Sahp kom kuh in kahsruh tuhlihk nuhtum an oraclah sie lis ke ma upac ma sikyak nuh sel Joseph (liye Genesis 37:23–28; 39:20; or “Joseph’s Inspired Dreams” and “Joseph in Egypt,” ke Sramsram Ke Wuhlweacng Mahtuh, 47–51, 52–56). Tukihn ma upac eltahl sokwack, ngihsre tuhlihk nuhtum an in kalweni, “Leum el tuh weluhl Joseph” (Genesis 39:2).
2:17Joseph’s Inspired Dreams
2:50Joseph in Egypt
-
Sahp tuhlihk nuhtum an kuh in suk Genesis 39:1–3, 20–23 ke oacna mwe srihkasrak sac “Leum el tuh weluhl Joseph” ac pohloh kahs sac pacna. Lwelah eltahl in akacsruhi ke ma eltahl nuhnkuh muh pa kalmen pohloh kahs se inge. Kuht etuh fuhkah lah Leum El wi kuht? Sruhmuhn nuh selos lah fuhkah puhla lom muh God El wi kom ke pacl upac se.
Joseph luhn Egypt ke Presin, sel Jeff Ward (detail)
Genesis 39:7–12
Ke kahsruh luhn Leum, Nga kuh in kahengkuhnlah mwe sruhf.
-
Pa inge lesin se ke ma kuh in kahsruh tuhlihk nuhtum an in fahsr tohkohl Joseph in kahenglac liki muhtwacn kiacl Potiphar: Orekmakihn macknet luo in ahollah Jisus Kraist ac Satan. Orekmakihn sie ma osra srihsrihk, oacna sie mwe sruh pwepuh, in ahol kuht. Na lwelah tuhlihk nuhtum an in liye fuhkah orekma luhn macknet se ke ma osra el fokokoi ke eltahl oracacng ma sac fototoyang nuhkac. Ma sikyak nuh sel Joseph ke Genesis 39:7–12 ahkuhtweyac ma pwacye se inge? Meac kuht kuh in oruh in fahsr liki ma koluk ac apkuhran nuh sin Jisus? The video “Temptation Fades as We Seek Christ in Every Thought” (Gospel Library) and a song like “I Need Thee Every Hour” (Hymns, no. 98) can help with this discussion.
2:58Temptation Fades as We Seek Christ in Every Thought
Orekmakihn on. “On in alu ac kuhtuh on muhtahl sahyac kuh in kahsruh tuhlihk uh in puhla luhngse luhn God, puhla Nguhn, ac luti ke ma pwacye ke wosasuc. On, puhsra, ac oacna sie luhn kahs kuh in kahsruh tuhlihk an in esam ma pwacye ke wosasuc nuhke yac fah tuhkuh. Ke kom wi tuhlihk an on, kahsreltahl in sokwack ac kahlwem ke ip yohk lutiyuck ke on ahs” (Teaching in the Savior’s Way, 32).
-
Kahsruh tuhlihk nuhtum an in nuhnkuh ke mwe sruhf eltahl kuh in sun. Lwelah eltahl in orek-sritacl ke fuhkah eltahl kuh in “kahenglac” liki mwe sruhf inge.
For more, see this month’s issue of the Kawuck mackuhsin.