Fahsruh, Fahsr Tukuk
Mahs 23–29. “Nga Esamyac Wuhlweacng Luhk”: Exodus 1–6

“Mahs 23–29. ‘Nga Esamyac Wuhlweacng Luhk’: Exodus 1–6,” Fahsruh, Fahsr Tukuk—Nuhke Lohm sesr ac Alu ah: Wuhlweacng Mahtuh 2026 (2026)

“Mahs 23–29. ‘Nga Esamyac Wuhlweacng Luhk’,” Fahsruh, Fahsr Tukuk: 2026

Moses ac sahk fihrihr soko ah

Moses ac Sahk Fihrihr Soko ah, sel Jerry Thompson

Mahs 23–29: “Nga Esamyac Wuhlweacng Luhk”

Exodus 1–6

Solsol se in muhta fin acn Egypt ah molwelah sucu lal Jacob. Tuhsruhk tukihn yac siofok tohkoh, tuhlihk nahtuhlos tuh mwet kohs ac ahksahngengyeyuck sin Pharaoh sasuc se suc“tiac etuh kacl Joseph” (Exodus 1:8). Ac fihsracsr nuh sin mwet Israel in motko lah efuh God el lwelah in sikyak ma inge nuh selos, mwet wuhlweacng Lal Kuh El esam wuhlweacng El oraclah yohrohltahl? Yac eltahl tuh srackna mwet Lal? Yac el kuh in liye luhpan kweok laltahl?

Sahp oasr pacl kom puhla muh kom siyuck kain kihsen siyuck se pac inge. Kom ac kuh in motko, “Yac God el etuh ma sikyak nuh sihk inge? Kuh El kuh in lohng siyuck luhk ke kahsruh?” Sukohsohklah luhn Israel liki acn Egypt tohpohklah kihsen siyuck ohinge arlac kahlwem: God el tiacna muhlkuhnlah mwet Lal. El esam wuhlweacng Lal yohrohsr ac fah ahkpwacyei ke pacl ac inkacnek Lal sifacna. “Nga fah molikomlac ke pouk ahsreyucklac,” el fwakwelihk. “Nga pa Leum God lom, suc uskom me liki ma toasr [lom] ingoh” (Exodus 6:6–7).

Ke sie ahkuhtweyac fototo ke puk lal Exodus, liye “Exodus, book of” in the Bible Dictionary.

akucl in lutlut

Mwe Nuhnak nuhke Lutlut Lohm ah ac Alu

Exodus 1–2

God El kuh in orekmakihnyuc in ahkfalyelah srihpac Lal.

Meac komm luhngse ke muhtwacn ma sruhmuhnyuck ke Exodus 1–2? Eltahl kahsruh fuhkah in ahkfalyelah plwacn luhn God nuh sin mwet Lal? Meac srihke lalos luti kom ke kuhlwacnsap ke orekma luhn God?

Exodus 1–3

Jisus Kraist El Mwet In Molwelah luhk.

Met liki kom muhtwacwacack riti Exodus, kom kuh in nuhnkuh ke sie ma upac sikyak nuh sum—sie ma kom finsrak Leum el fah molikomlac kac. Kahs kuh pohloh kahs fuhkah ke Exodus 1–3 apkuhran nuhke kapihri ke ma kawihl ac kuhtuh pac ma kuht oasr kac mihsenge? Akihlen pac lah fuhkah tuhlihk nuhtin Israel suk sukohsohklah ac fuhkah top luhn Leum (see, for example, Exodus 2:23–25; 3:7–8). Leum El “tuhkuh lucng me in molikomlac” fuhkah?

Ke puk lal Exodus nohfohn, kom kuh in esam pac kuhtuh ma oacna sie inmahsrlol Moses ac Jisus Kraist (liye Deuteronomy 18:18–19; 1 Nephi 22:20–21). In mwe srihkasrak, meac oacna sie ke ma kom liye inmahsrlon Exodus 1:22; 2:1–10 and Matthew 2:13–16? Kuh inmahsrlon Exodus 24:18 and Matthew 4:1–2? Meac kom puhla muh Leum El ke kom in kahlwem Kacl Sifacna ac kuh Lal?

Suk akucl ma fahkwack ke Jisus Kraist. “Kom kuh in … konwacack oacna sie ke moul luhn Mwet Lahngo ke moul luhn mwet pahluh ac kuhtuh mukul ac muhtwacn luhlahlfongi ke ma suhmuhslah. [Oruh ohinge] fahkwack ma pwacye ke Mwet Lahngo ke acn ma kom kuh pacna in tiac liye” (See Teaching in the Savior’s Way, 7; see also Hosea 12:10).

muhtwacn se ul fohtoh se liki infacl ah

Faith at Water’s Edge, by Anne Marie Oborn

Exodus 3:1–6

akucl nuhke siminacri
Nga kuh in ahkkahlwemye ahkfuhlwact luhk ke acn ac ma muhtahl.

Kom kuh in nuhnkuh ke sie pacl ke mase nwekkomlac ke lut ac fohsack? Fuhkah is yac sum? Kom ac ahkuhtweyac fuhkah ma sikyak kom puhla ah?

Motko ma sikyak ah, riti Exodus 3:1–6. Meac kom luhngse ke ma mokleyuck ma Moses el tuh puhla ah? Meac Moses el tuh oruh in ahkkahlwemye ahkfuhlwact lal nuh sin God? Meac kuhpahsr kom liye inmahsrlon muhkuikui lal ac ahkfuhlwact nuhke ma muhtahl?

Riti fuhs inge kuh in mokle kom in nuhnkuh ke ma muhtahl ac acn muhtahl in moul lom. Efuh kuh eltahl muhtahl sum? Kom ac oruh fuhkah eltahl in siena liki ma sikyak pacl nuhkwewa uh? In kahsruh motko lom an, kom kuh in fohlohk nuhke sifac ke sacksin sac “Remembering the Promises” ke pweng sel Elder David A. Bednar “Exceeding Great and Precious Promises” (Liahona, Nov. 2017, 91–93). Kom kuh pac on kuh lohng soko on ma mokle mwe lut, oacna “I Stand All Amazed” (Hymns, no. 193) ac motko lah meac se ke wosauc ma kom fwefwelac kac uh.

Ahok, finne oasr ma wolacna kuht puhla ke ma luhn nguhn, oasr mwe sensen ke upaclac ahkfal ke ma muhtahl uh. Kom ac tulokihnyac fuhkah ma se inge? Pa inge pweng luo sruhmuhn ke ohiyac se inge; sulaclah sie, ac suk puhsra ma ac kahsre kom: Ulisses Soares, “In Awe of Christ and His Gospel” (Liahona, May 2022, 115–17); Gérald Caussé, “Is It Still Wonderful to You?” (Liahona, May 2015, 98–100).

Liye pac Doctrine and Covenants 6:10–12; 63:64.

Exodus 3–4

God El sang kuh nuh sin mwet ma El pahngon in oruh orekma Lal.

Mihsenge kuht etwacl Moses ekihn sie mwet pahluh ac mwet kol wowo. Tuhsruhk Moses el tiac liyacl sifacna muh angacn ke Leum El tuh pahnglol pacl se emet ah. Ke kom riti Exodus 3–4, suhmuhslah ma Moses el motko ac fuhkah Leum el topuk kais sie. Meac kom konwacack ke sapta inge ma kuh in mokle kom ke kom puhla suhfas. Ngac kom liye God sot kuh lom kuh mwet sahyac in oruh orekma Lal?

Liye pac “The Church Gives Us Opportunities to Assist in God’s Work” in “Church Organization” in Topics and Questions, Gospel Library.

Exodus 5–6

Srihpac luhn Leum fah ahkfalyeyuck ke pacl Lal sifacna.

Kuh in ahkmuhnahsye ke kwacfeacng in srihke lasr in oruh ma wo oacna in tiac orekma—ke kuht srihke in oruh luhngse luhn Leum tuhsruhk kuht tiac liye sahflah ma kuht motko. In lotwelah ke sie ma apkuhran in oacna sie sikyak Moses el puhla, riti Exodus 5:4–9, 20–23. Leum El kahsrel Moses fuhkah in kuhtanglah puhla lal ke nuhnak in ahlohloh? (liye Exodus 6:1–13). Leum el kahsre kom fuhkah in kwacfeacng in oruh kena Lal?

Liye pac Jeffrey R. Holland, “Waiting on the Lord,” Liahona, Nov. 2020, 115–17.

For more, see this month’s issues of the Liahona and For the Strength of Youth magazines.

children section icon 01

Mwe Nuhnak nuhke Luti Tuhlihk

Ke srihpen Sacnri se inge pa Sacnri ahklimekohsr ke mahlwem se inge, mwet luti luhn Primary ngihsreyuck in orekmakihn mukuikui in luti ke “Appendix B: Preparing Children for a Lifetime on God’s Covenant Path.”

Exodus 1–2

God El kuh in orekmakihnyuc in ahkfalyelah srihpac Lal.

  • Oasr kunohkohn yohk se lal Moses ke el ahksukohsohkyaclah Israel liki srohoh Tuhsruhk elac koflahna in ahksahfyelah ma se inge fin tiac ke ninac kiacl ah, tahmtahel wiacl, muhtwacn nahtuhl Pharoah, ac kuhtuh muhtwacn luhlahlfongi ma tiac karihngihn kuh liaclacng. Kahsruh tuhlihk nuhtum an in lotwelah ke muhtwacn inge ke Exodus 1:15–20; Exodus 2:2–10 (liye pac Oekyuck 26:59); and Exodus 2:16–21. Kom pac in orekmakihn sra puk in acktifity nuhke wik inge ac “Baby Moses” (ke Ssramsram ke Wuhlweacng Mahtuh, 61–63) in sruhmuhn ke sramsram lalos. Muhtwacn inge kahsruh fuhkah in ahkfalyelah plwacn luhn God? Sramsram nuh sie sin sie ke kuhtuh mwet ma kom kaksakihn suc kahsruh orekma luhn God, weacng ma srihsrihk ac inkacnek fihsracsr, Kuht ac ukoe fuhkah mwe srihkasrak laltahl?

    1:36

    Baby Moses

Exodus 3:1–5

Nga kuh in ahkfuhlwactye acn muhtahl ke inse puhsisacl.

  • Tukihn riti Exodus 3:1–5 tuhkeni, siuck sin tuhlihk nuhtum an in oruh sramsram fototo ke fuhs inge ke kahs laltahl sifacna (see also “Moses Mwet Pahluh sac” in wuhlweacng Mahtuh, 64–66). Moses el ahkkahlwemye fuhkah ahkfuhlwact lal ye muhtuhn Leum? Leum El luhngse fuhkah kuht in ahkkahlwemye ahkfuhlwact lasr uh? Kom ac kuh in siyuck sin tuhlihk nuhtum an in kahsre kom sokwack (kuh sruhlwaclah) petsac ke acn muhtahl kuh mukuikui ma kuht enenuh in efahl. Meac kuht kuh in oruh lohm sesr uh in sie acn muhtahl?

    1:26

    Moses the Prophet

  • Tuhkweni yuck soko on ke ahkfuhlwact, oacna “Reverence Is Love” (Children’s Songbook, 31). Ke kom oruh, tuhlihk nuhtum an kuh in sokwack kahs kuh pohloh kahs ma ahkuhtweyac lah meac kalmac in efahl? Kuht fin use mwet se nuhke alu uh ke pacl se met, kuht ac ahkuhtweyac fuhkah lah meac kalmen efahl?

Moses ac Aaron sramsram nuh sin mwet ah

Moses ac Aaron Sramsram nuh sin Mwet ah, sel James J. Tissot

Exodus 3–4

Ke Leum el siyuck nga in oruh sie ma, El fah kahsreyuc in oraclah.

  • Orekmakihn sramsram ke Exodus 3; 4:1–17, lwelah tuhlihk nuhtum an in eis pacl lal srihke muh el pa Moses. Ac pwacr pac in sang ma se kuh oacna sie ma, oacna ke sie tengki, ac sahk yoki soko in aholah insack fihrihr sac. Kahsruh tuhlihk nuhtum an in konwacack lah fuhkah puhla lal Moses ke kunohkohn Leum El sang nuh sel ah (liye Exodus 3:11; 4:1, 10). Sahp kom kuh in akacsruhi sie sin sie pacl ma kom oasr ke kain puhla se inge. Kahs in kahsruh fuhkah kuht kuh in akacsruhi nuh sel Moses in kahsrel? Rit ke Leum El ahkkweyacl Moses ke Exodus 3:12; 4:2–9, 11–12. Fahk nuh sin tuhlihk nuhtum an fuhkah Mwet Lahngo el kahsre kom ahkfalye sie kunohkohn, ukoe ma mokleyuck, kuh oruh kuhtuh ma sahyac ma upac sum.

For more, see this month’s issue of the Friend magazine.

Ninac kiacl Moses

Ninac kiacl Moses, sel Simeon Solomon

Sra puk in acktifity luhn Primary: Nga kuh in nuhnak mnuhnahs