დაბადება 12–17; აბრაამი 1–2

„ჩვენ ყველანი ჩვენი ოჯახებისა [და] კულტურის გავლენას განვიცდით“, — ასწავლიდა უხუცესი ნილ ლ. ანდერსენი, „და მაინც, მე მჯერა, რომ ჩვენს შიგნით არის ადგილი, რომელსაც ჩვენ ცალსახად და ინდივიდუალურად ვაკონტროლებთ და ვქმნით. … საბოლოოდ, ჩვენს შინაგან სურვილებს სიცოცხლე ენიჭება და ისინი ჩვენს არჩევანსა და ჩვენს ქმედებებში ჩანს“ („Educate Your Desires, Elder Andersen Counsels“, ChurchofJesusChrist.org). დაფიქრდით, როგორ ცხადყოფს აბრაამი 1:1–19, რასაც უხუცესი ანდერსენი ასწავლიდა. ასეთი კითხვები შეიძლება დაგვეხმაროს:

• რა სურდა აბრაამს? როგორ გამოიკვეთა მისი სურვილები მისივე ქმედებებში? როგორ დაუჭირა მხარი ღმერთმა მის სურვილებს?

• რა არის თქვენი სურვილები? როგორ ვლინდება ისინი თქვენს ქმედებებში? როგორ გიჭერთ მხარს ღმერთი?

• რა გზავნილი აქვს ამ მუხლებს იმ ადამიანებისთვის, რომელთა ოჯახის წევრებსაც არ სურთ სიმართლე?

აბრაამის და სარას ერთ-ერთი უდიდესი სურვილი — შვილის ყოლა — მრავალი წლის განმავლობაში აუხდენელი დარჩა (იხილეთ დაბადება 15:1–6). რას სწავლობთ ებრაელთა 11:8–13-იდან იმის შესახებ, თუ როგორ შეხვდნენ აბრაამი და სარა ამ განსაცდელს? როგორ გეხმარებათ მხსნელი მისი დაპირებების „მიღებაში“, თუნდაც ისინი „შორეული“ იყოს?

იხ. ააგრეთვე “Deliverance of Abraham” (video), Gospel Library.

1:38

რატომ არის თქვენთვის მნიშვნელოვანი, იცოდეთ ღმერთის მიერ აბრაამთან დადებული აღთქმის შესახებ? იმიტომ, რომ ღმერთს სურს, თქვენთან მსგავსი აღთქმა დადოს. ის დაჰპირდა, რომ ეს აღთქმა გაგრძელდებოდა აბრაამის შთამომავლობაში ანუ „თესლში“, და „ამ სახარების მიმღებნი, ყველანი … ჩაითვლებიან … შთამომავლებად“ (იხილეთ აბრაამი 2:10–11). სხვა სიტყვებით რომ ვთქვათ, აღთქმა გრძელდება თქვენში — როცა მოინათლებით და უფრო სრულად, როცა ტაძარში აღთქმებს დებთ (იხილეთ გალატელთა 3:26–29; მოძღვრება და აღთქმები 132:30–32).

ამ მიზეზით, თქვენ შეგიძლიათ შეისწავლოთ აბრაამი 2:6–11 და შეადგინოთ სია, თუ რას დაჰპირდა ღმერთი აბრაამსა და სარას (იხილეთ აგრეთვე დაბადება 12:1–3; 13:15–16; 15:1–6; 17:1–8, 15–22). როგორ შეიძლება, ეს კურთხევები თქვენზე გავრცელდეს?

ზოგიერთ ამ დაპირებას მარადიული პარალელები აქვს. როგორ სრულდება მუდმივად დაპირებები, როგორიცაა მემკვიდრეობის მიწა ან დიდი შთამომავლობა? (იხილეთ მოძღვრება და აღთქმები 131:1–4; 132:20–24, 28–32).

კურთხევების დაპირების გარდა, ღმერთმა უთხრა აბრაამს, რომ[ყოფილიყო] კურთხევა (დაბადება 12:2). როგორ ფიქრობთ, ეს რას ნიშნავს? როგორ იქნებით თქვენ კურთხევა? (იხილეთ აბრაამი 2:11).

აღთქმების შესახებ სწავლების მიზნით, უხუცესმა დეილ გ. რენლანდმა ისაუბრა მდინარე ამაზონის მოქცევის ტალღებზე, ხოლო პრეზიდენტი ემილი ბელ ფრიმანი საუბრობდა კლდოვან გზაზე ნატკენი კოჭით სიარულის შესახებ (იხილეთ „Accessing God’s Power through Covenants“, Liahona, მაისი, 2023, 35–37; „ქრისტესთან აღთქმის ურთიერთობაში სიარული“, ლიახონა, ნოემბერი, 2023, 76–79). მოძებნეთ ერთ ან ორივე გზავნილში წინადადებები, რომლებიც დაგეხმარებათ, უპასუხოთ კითხვას „რატომ სურს ღმერთს, რომ მე დავდო აღთქმები მასთან?“

აგრეთვე იხილეთ Topics and Questions, „Abrahamic Covenant“, სახარების ბიბლიოთეკა; „გასათვალისწინებელი აზრები: აღთქმა“, ამ რესურსში.

წარმოიდგინეთ, რომ მელქიცედეკს აცნობდეთ ვინმეს, ვინც მას არ იცნობდა. რას იტყოდით? მოძებნეთ იდეები Joseph Smith Translation, Genesis 14:26–27, 33–38 (in the Bible appendix); ალმა 13:13–19; მოძღვრება და აღთქმები 107:1–4-ში. რა ქრისტესმაგვარ თვისებებს ნახავთ მელქიცედეკის ამ აღწერილობაში? როგორ მოქმედებს თქვენი შესწავლა მელქიცედეკის ცხოვრებისა თქვენს შეხედულებაზე მელქიცედეკის მღვდლობის შესახებ?

რას იგებთ აბრაამის დამოკიდებულების შესახებ სიმდიდრის მიმართ დაბადება 14:18–24 და Joseph Smith Translation, Genesis 14:36–40 (in the Bible appendix)-დან? მაგალითად, გაითვალისწინეთ მისი პასუხი სოდომის მეფისადმი დაბადება 14:23-ში. როგორ იმოქმედა მეათედის კანონის დამორჩილებამ ფულის შესახებ თქვენს შეხედულებაზე?

დაბადება 16-ის წაკითხვისას შეიძლება იფიქროთ დროზე, როცა გრძნობდით, რომ უსამართლოდ გეპყრობოდნენ, როგორც ამას ჰაგარი გრძნობდა. გაითვალისწინეთ, რომ „ისმაელი“ ნიშნავს „ღმერთს ესმის“. როგორ გაჩვენა ღმერთმა, რომ თქვენ გისმინათ?

იხ. აგრეთვე “Secret Prayer,” Hymns, no. 144.

• როდესაც თქვენ და თქვენი შვილები კითხულობთ აბრაამი 1:18 -სა და 2:8-ს, შეგიძლიათ მოიწვიოთ ისინი, მოუსმინონ სხეულის იმ ნაწილს, რომელიც ორივე მუხლშია ნახსენები. იქნებ, ითამაშოთ ისეთი თამაში, როდესაც ბავშვი თვალებს ხუჭავს და თქვენ ის სადმე ხელჩაჭიდებული მიგყავთ. შემდეგ შეგიძლიათ ისაუბროთ იმაზე, თუ როგორი გრძნობაა, როცა იესო ქრისტე ხელჩაჭიდებულს მიგვიძღვება ან გვიცავს ჩვენ.

• თქვენმა შვილებმა შეიძლება სიამოვნებით გაითამაშონ დაბადება 13:5–12-იდან მოყვანილი ამბავი, თითქოს აბრაამი, ლოტი და მწყემსები არიან. როგორ შეგვიძლია მივყვეთ აბრაამის მაგალითს, ვიყოთ მშვიდობისმყოფელი ჩვენს ოჯახებსა ან მეგობრებთან? სცადეთ მათი პასუხების როლებად გათამაშება.

• აჩვენეთ თქვენს შვილებს ქვიშის კონტეინერი, ღამის ცის ვარსკვლავები ან სურათი ამ მონახაზის ბოლოს. ეს მათ დაეხმარება, გააცნობიერონ ღვთის დაპირებები დაბადება 13:16-ში; 15:1–6–ში. ისაუბრეთ იმაზე, თუ როგორ ისწავლეთ ღვთის დაპირებების ნდობა მაშინაც კი, როდესაც ისინი შეუძლებელი გეჩვენებოდათ.

• იმისათვის, რომ თქვენი შვილები აღთქმებს მიაჩვიოთ, სთხოვეთ, გიამბონ იმის შესახებ, როდესაც ისინი სხვებს დაჰპირდნენ ან ვინმე დაჰპირდა მათ. თუ ეს სასარგებლო იქნება, გაუზიარეთ თქვენი საკუთარი მაგალითი, მათ შორის, აღთქმები, რომლებიც დადებული გაქვთ ღმერთთან ნათლობისას ან ტაძარში. როგორ იმოქმედა თქვენმა აღთქმებმა ღმერთთან თქვენს ურთიერთობაზე? აირჩიეთ რამდენიმე ფრაზა დაბადება 15:1–6; 17:1–8; აბრაამი 2:9–11 -იდან იმ კურთხევების გასაზიარებლად, რომლებიც ღმერთმა აბრაამსა და სარას აღუთქვა.

• იმისათვის, რომ დაეხმაროთ თქვენს შვილებს, მონათვლის დროს ღმერთთან აღთქმის დადებაში მოსამზადებლად, შეგიძლიათ გამოიყენოთ ზოგიერთი აქტივობის იდეა, შემოთავაზებული დანართი ა ან დანართი ბ-ში.

• როდესაც აბრაამის სიცოცხლეს საფრთხე ემუქრებოდა, მან ღმერთს მოუხმო. როდესაც ჰაგარი მარტო იყო უდაბნოში, მან გაიგო, რომ ღმერთმა შეისმინა მისი. გაუზიაროთ ეს ორი ამბავი თქვენს შვილებს: “Abraham and Sarah” და “Hagar” in Old Testament Stories, 28–31, 32–33. რას ვიგებთ ღმერთის შესახებ ამ ამბებიდან? შემდეგ თქვენ შეგიძლიათ ერთმანეთს გაუზიაროთ თქვენი გამოცდილება, როცა ღმერთმა გისმინათ. მაგ. სიმღერამ “A Child’s Prayer” (Children’s Songbook, 12–13) შეიძლება გააძლიეროს ეს პრინციპი.

2:20

1:23