მოსე 7

როდესაც წინასწარმეტყველმა ჯოზეფ სმითმა პირველად შეიტყო ენოქისა და მისი სიწმინდის ქალაქის შესახებ, ის შთაგონებული იყო. მან „იცოდა, რომ დადგა დღე, როცა უფალი კვლავ დაამკვიდრებდა სიონს დედამიწაზე“ (Saints, 1:108–9) და მან დაიწყო მთელი ცხოვრების მანძილზე ძიება სიონის ასაშენებლად. შეიძლება, მოსე 7-ის კითხვამ შთაგაგონოთ, რომ დღეს ეს ძალისხმევა გააგრძელოთ.

თქვენ შეგიძლიათ დაიწყოთ კითხვების შესწავლით: „რა არის სიონი?“ და „რით განსხვავდება იგი დანარჩენი სამყაროსგან?“ იფიქრეთ იმ პასუხების ჩამოთვლაზე, რომლებიც მოგეცემათ მოსე 7-ის შესწავლისას, კერძოდ, მუხლები 16–21, 27, 53, 62–69-ში.

შეიძლება, ამ კითხვებზე თქვენმა პასუხებმა ცხადყოს, რომ ჩვენ სიონის ასაშენებლად ჯერ კიდევ ბევრი სამუშაო გვაქვს ჩასატარებელი. როგორ გავაკეთებთ ამას? შეიძლება დაგეხმაროთ იმ დროზე ფიქრი, როცა გრძნობდით, რომ „ერთი გულისა და ერთი გონების“ იყავით ვინმესთან (მოსე 7:18). შესაძლოა, ეს სამრევლოში, ოჯახში, ჯგუფში, სამსახურში ან სკოლაში იყო. რა გააკეთა ხალხმა ნამდვილი ერთიანობის შესაქმნელად?

აქ არის რამდენიმე სხვა რესურსი, რომელიც შეგიძლიათ შეისწავლოთ იდეებისა და შთაგონების მოსაძებნად. აირჩიეთ ერთი ან მეტი შესასწავლად და შემდეგ ჩაიწერეთ, რას გრძნობთ შთაგონებული სიონის ასაშენებლად:

• ფილიპელთა 2:1–4; 4 ნეფი 1:15–18; მოძღვრება და აღთქმები 97:21; 105:5.

• ულისეს სოარესი, „დები და ძმები ქრისტეში“, ლიახონა, ნოემბერი, 2023, 70–73.

• დ. ტოდ კრისტოფერსონი, „ერთნი ქრისტეში“, ლიახონა, მაისი, 2023, 77–80.

რას ნიშნავს თქვენთვის იესო ქრისტეს მეფედ ყოლა? ყურადღება მიაქციეთ იესო ქრისტეს სხვა წოდებებს ამ მუხლში. რას გასწავლიან ისინი მის შესახებ? როგორ ფიქრობთ, რას ნიშნავს, მოხვიდეთ „კარიბჭიდან და [ამოხვიდეთ მისი] მეშვეობით“?

იხ. აგრეთვე “Come, O Thou King of Kings,” Hymns, no. 59.

ზოგიერთი ადამიანი ღმერთს ხედავს, როგორც შორეულ არსებას, რომელიც არ განიცდის, რაც ჩვენს თავს ხდება. ენოქს ღმერთზე განსხვავებული შეხედულება შეექმნა მოსეს 7-ში ჩაწერილი ხილვის მეშვეობით. რა ისწავლა მან ღმერთის შესახებ — და რას სწავლობთ თქვენ — მუხლები 28–40-დან? როგორ ფიქრობთ, რატომ გააკვირვა ენოქი ღმერთის ტირილის დანახვამ? რატომ არის თქვენთვის მნიშვნელოვანი იმის ცოდნა, რომ ღმერთი ამას აკეთებს?

ხილვის გაგრძელებისას ენოქიც ატირდა. მაგრამ ღმერთმა მას სიხარულის მიზეზებიც გაუზიარა. მოძებნეთ ისინი მოსე 7:41–69-ში. რას სწავლობთ ენოქის ხილვიდან, რომელიც შეიძლება, დაგეხმაროთ „[აიმაღლოთ] გული და [გაიხაროთ]“ თქვენს ცხოვრებაში არსებული „მწარე ნაღვლის“ მიუხედავად (მუხლი 44)?

იხ. აგრეთვე Jeffrey R. Holland, “The Grandeur of God,” Liahona, Nov. 2003, 70–73.

ენოქის ხილვა, განსაკუთრებით ის, რაც ჩაწერილია მოსე 7:59–67-ში, არის ისტორიის ერთ-ერთი პირველი წინასწარმეტყველება მხსნელის მეორედ მოსვლის შესახებ. რა შთაბეჭდილებას ახდენს თქვენზე, თუ როგორ აღწერენ ეს მუხლები უკანასკნელ დღეებს? მაგალითად, დაფიქრდით თქვენი აზრით, მუხლი 62 -დან წინასწარმეტყველებები როგორ სრულდება. რას გასწავლით ეს ფრაზები ღვთის საქმის შესახებ უკანასკნელ დღეებში?

იხ. აგრეთვე Henry B. Eyring, “Sisters in Zion,” Liahona, Nov. 2020, 67–69.

• შვილებს ენოქისა და სიონის შესახებ რომ ასწავლოთ< შეგიძლიათ გამოიყენოთ “Enoch the Prophet” in Old Testament Stories (19–21) or the second verse of “Follow the Prophet” (Children’s Songbook, 110–11). იმისათვის, რომ დაეხმაროთ თქვენს შვილებს, გაიგონ ენოქისა და სიონის შესახებ, შეგიძლიათ სთხოვოთ, დაგეხმარონ ამ ამბის საკუთარი სიტყვებით გადმოცემაში. ენოქის სურათები ამ მონახაზიდან შეიძლება დაგეხმაროთ.

• აქ არის ერთი გზა, რათა დაეხმაროთ თქვენს შვილებს იმის გაგებაში, თუ რას ნიშნავს იყო „ერთი გულისა და ერთი გონების“ (მოსე 7:18): გააკეთეთ ქაღალდის გული და დაჭერით ის ნაჭრებად, საკმარისია თითოეულ ბავშვს ჰქონდეს ერთი. უთხარით მათ, დაწერონ თავიანთი სახელი საკუთარ ნაწილზე და ერთად იმუშაონ, რათა გული ააწყონ. სანამ ისინი ამას აკეთებენ, შეგიძლიათ, ისაუბროთ იმაზე, რაც გიყვართ თითოეულ ბავშვში.

• დაეხმარეთ თქვენს შვილებს დათვლაში, რამდენჯერ გვხვდება სიტყვა „სიონი“ მოსე 7:18–21, 62–63, 68–69-ში. ყოველ ჯერზე, როდესაც ისინი იპოვიან სიტყვას, დაეხმარეთ მათ აღმოაჩინონ, თუ რას ამბობს მუხლი სიონზე (ასევე იხილეთ „Zion“, Guide to the Scriptures, სახარების ბიბლიოთეკა). როგორ შეგვიძლია, მეტად დავემსგავსოთ ამ მუხლებში აღწერილ ადამიანებს?

• თქვენს შვილებს მოსე 7:32–33 რომ გააცნოთ, შეგიძლიათ ესაუბროთ არჩევანის შესახებ, რომელიც მათ ახლახან გააკეთეს. შემდეგ თქვენ შეგიძლიათ ერთად წაიკითხოთ მუხლები, რათა გაიგოთ, რა სურს ზეციერ მამას, თქვენ რომ აირჩიოთ. როგორი არჩევანი უნდა გავაკეთოთ, რათა ვაჩვენოთ, რომ ჩვენ მას ვირჩევთ? შესაძლოა, თქვენმა შვილებმა მორიგეობით გაითამაშონ ამ არჩევანიდან ერთ-ერთი, ხოლო სხვები გამოიცნობენ, რას წარმოადგენს ეს მოქმედებები.

• მოსე 7:59-ში ენოქი უფალს უსვამს კითხვას. შესთავაზეთ თქვენს შვილებს, იპოვონ ის და შემდეგ სთხოვეთ, ნახონ პასუხი მუხლი 60-ში. თქვენ ასევე შეგიძლიათ ესაუბროთ მათ დროზე, როდესაც ისინი ელოდებოდნენ ვინმეს სახლში დაბრუნებას. ჰკითხეთ მათ, რას გრძნობდნენ და რა გააკეთეს მათ დასახვედრად. როგორ მოვემზადოთ იესოს დაბრუნებისთვის?

• იფიქრეთ იმაზე, რომ უჩვენოთ იმ დროის ამსახველი სურათები, როდესაც მხსნელი ეცხადებოდა ადამიანებს (მაგალითად Gospel Art Book, სურათები 60, 82, 83და 84). რას აკეთებენ ადამიანები ამ სურათებზე? რა შეიძლებოდა ეგრძნოთ ადამიანებს იესოსთან შეხვედრისას? თქვენ ასევე შეგიძლიათ იგალობოთ საგალობელი მხსნელის მეორედ მოსვლის შესახებ, მაგ. “When He Comes Again” (Children’s Songbook, 82–83) და ჰკითხოთ ბავშვებს, მათი აზრით, როგორი იქნება იესოს დაბრუნება. ნება მიეცით ბავშვებს ისაუბრონ, რას იგრძნობენ იესოს ხილვისას, როდესაც ის კვლავ მოვა.