დაბადება 6–11; მოსე 8

რამეს ხედავთ ნოეს დროის აღწერაში, რასაც დღევანდელობის პირობებთან აიგივებთ? კერძოდ, ჩახედეთ მოსე 8:15–24, 28-ს. რომელ განმეორებად საკითხებს ხედავთ?

ერთი მნიშვნელოვანი მსგავსება, რომელსაც დაინახავთ, არის ის, რომ ღმერთმა მოიხმო ნოე, ყოფილიყო წინასწარმეტყველი და მან მოიხმო წინასწარმეტყველი დღესაც. ჩამოწერეთ ჭეშმარიტებები, რომლებსაც სწავლობთ წინასწარმეტყველის შესახებ მოსე 8:13–30-იდან. როგორ ემსგავსება ჩვენი ცოცხალი წინასწარმეტყველი ნოეს? რა თქმა უნდა, უფლის წინასწარმეტყველი დღეს არ გვაფრთხილებს წარღვნის შესახებ და არ გვთავაზობს ჩვენ, დავეხმაროთ მას კიდობნის აგებაში. აბა, რის შესახებ გვაფრთხილებს ის? და რის გაკეთებას გვთავაზობს? ამ კითხვებზე პასუხების გასაცემად შეგიძლიათ გადახედოთ ეკლესიის პრეზიდენტების სწავლებანი სახარების ბიბლიოთეკაში, განსაკუთრებით სექციას სათაურით „მოწვევები და დაპირებული კურთხევები“. იქნებ შეარჩიოთ ერთი გაფრთხილება და ერთი მოწვევა, რომელიც განსაკუთრებულად მნიშვნელოვანია თქვენთვის.

უხუცესი ალენ დ. ჰეინი ასწავლიდა: „სრულყოფილმა და მოსიყვარულე მამა ზეციერმა აირჩია შვილებისთვის ჭეშმარიტების გამჟღავნების ნიმუში წინასწარმეტყველის მეშვეობით“ („A Living Prophet for the Latter Days“ Liahona, მაისი, 2023, 25). იფიქრეთ უხუცეს ჰეინის გზავნილის შესწავლაზე, ეძიებთ რა მიზეზებს, წინასწარმეტყველის ყოლის, რაც ზეციერი მამის სიყვარულის ნიშანია. როგორ დაგეხმარათ უფლის წინასწარმეტყველის მიმდევრობა, თავი დაცულად გეგრძნოთ უკანასკნელ დღეებში?

იხ. აგრეთვე Topics and Questions, “Prophets,” Gospel Library; “Why Do We Have Prophets?” (video), Gospel Library.

1:37

ზოგი უღრმავდება წარღვნის გამომგზავნელი ღმერთის სამართლიანობის საკითხს, რომელსაც სურდა „მიწის პირისაგან [აღგვა ადამიანისა]“ (დაბადება 6:7). უხუცესმა ნილ ა. მაქსველმა განმარტა, რომ წარღვნის დროს „გარყვნილობამ მიაღწია თავისუფალი ნების გამანადგურებელ დონეს, ისეთს, რომ სულები ვეღარ იგზავნებოდნენ აქ სამართლიანად“ (We Will Prove Them Herewith [1982], 58). ასევე დაფიქრდით, წარღვნა როგორ იყო ღმერთის წყალობის აქტი ადამიანებისადმი. რას იპოვით დაბადება 6:5–13-ში, რომელიც აჩვენებს უფლის სათუთ გულმოწყალებასა და სიყვარულს ხალხის მიმართ?

დაბადება 9:8–17-ის თანახმად, რა შეიძლება გაგახსენოთ ცისარტყელამ? როგორ აღრმავებს თქვენს წვდომას Joseph Smith Translation, Genesis 9:21–25 (in the Bible appendix)? თქვენ ასევე შეგიძლიათ შეადგინოთ სია იმისა, რაც ღმერთმა მოგცათ თქვენი აღთქმების შესახსენებლად (მაგალითად, სიმბოლოები, საგნები ან სხვა რამ). რას გასწავლიან ეს საგნები? როგორ გეხმარებიან, რომ გახსოვდეთ?

იხ. აგრეთვე Gerrit W. Gong, “Always Remember Him,” Liahona, May 2016, 108–11; “Reverently and Meekly Now,” Hymns, no. 185.

ამბავი კოშკის ამგები ბაბილონელების შესახებ საინტერესო საპირისპირო მასალას გვაწვდის ენოქისა და სიონის ამგები მისი ხალხის შესახებ, რომელიც თქვენ გასულ კვირას შეისწავლეთ. ადამიანების ორივე ჯგუფი ცდილობდა სამოთხეში მისვლას, მაგრამ სხვადასხვა გზით. როგორ მოიპოვა სიონის ხალხმა სამოთხე? (იხილეთ მოსე 7:18–19, 53, 62–63, 69). რას სწავლობთ დაბადება 11:1–9 და ჰელამანი 6:26–28-იდან ბაბილონის ხალხის შესახებ? რას გვასწავლის ეს ჩვენი ძალისხმევის შესახებ, რათა დავბრუნდეთ ღმერთის გარემოცვაში? რა მოგვცა ღმერთმა, რაც გვეხმარება, „ზეცას [მივწვდეთ]“? (დაბადება 11:4; ასევე იხილეთ იოანე 3:16).

• ბავშვების უმეტესობას უყვარს ნოესა და კიდობნის ისტორია. მიეცით თქვენს შვილებს შესაძლებლობა, ისაუბრონ იმაზე, რაც მათ იციან ამის შესახებ. შეგიძლიათ, მათ დასახმარებლად გამოიყენოთ სურათები, „Noah and His Family“ Old Testament Stories -დან (22–25) და “Follow the Prophet” სიმღერის მესამე კუპლეტი (Children’s Songbook, 110–11). თქვენმა შვილებმა შეიძლება სიამოვნებით გაითამაშონ ამბის სხვადასხვა ეპიზოდები — მაგალითად, ვითომ იყენებენ კიდობნის ასაგებ ხელსაწყოს ან იარონ კიდობანში შემავალი ცხოველებივით.

• როდესაც ერთად საუბრობთ ნოეს შესახებ, დაეხმარეთ თქვენს შვილებს დაინახონ, რამდენად კურთხეულნი ვართ, რომ გვყავს ღვთის წინასწარმეტყველი დღეს. დაეხმარეთ მათ მოსე 8:16–24-ის შესწავლაში, რათა იპოვონ ის, რასაც ნოე ასწავლიდა და რასაც დღესაც ასწავლიან უფლის წინასწარმეტყველები. როგორ ვართ დალოცვილები, როდესაც ამ სწავლებებს ვემორჩილებით?

• სანამ თქვენ საუბრობთ იმაზე, თუ რას წარმოადგენს ცისარტყელა (იხ. Joseph Smith Translation, Genesis 9:21–25 [in the Bible appendix]), თქვენმა შვილებმა, შეიძლება, სიამოვნებით დახატონ ან გააფერადონ ის. რა სურდა ღმერთს, რომ ნოეს და მის ოჯახს ეფიქრათ ყოველ ჯერზე, როცა ცისარტყელას ხედავდნენ?

• თქვენ ასევე შეგიძლიათ აჩვენოთ თქვენს შვილებს საქორწინო ბეჭედი, სურათი ან დღიური — ის, რაც შეგახსენებთ თქვენს ცხოვრებაში რამე მნიშვნელოვანს. სთხოვეთ თქვენს შვილებს, გაგიზიარონ საკუთარი მაგალითები. ამან შეიძლება გამოიწვიოს საუბარი იმაზე, რაც გვეხმარება დავიმახსოვროთ ჩვენი აღთქმები, როგორიცაა, მაგალითად, ზიარება, რომელიც გვეხმარება, გვახსოვდეს ჩვენი ნათლობის აღთქმა - მივყვეთ იესო ქრისტეს (იხილეთ მოძღვრება და აღთქმები 20:75–79).

• შეიძლება, სახალისო იყოს თქვენს შვილებთან ერთად კუბიკების ან სხვა ობიექტებისგან კოშკის აგება. ვიდრე ამას აკეთებთ, აუხსენით, რომ ბაბილონელებს ეგონათ, მაღალი კოშკის აშენებით სამოთხეში მოხვედრა შეეძლოთ. შემდეგ შეგიძლიათ ერთად შეხედოთ მხსნელის სურათს და ჰკითხოთ თქვენს შვილებს, როგორ გვეხმარება ის ზეცაში მოხვედრაში. შემდეგ ისაუბრეთ ერთმანეთთან იმაზე, რის გაკეთებას შეძლებთ, რათა გახდეთ მაცხოვრის მიმდევარი.

• დაბადება 11:1–9-ში ბაბილონის კოშკის ამბის წაკითხვის გარდა, თქვენ და თქვენს შვილებს შეგიძლიათ ჰელამანი 6:28წაიკითხოთ. ამ მუხლის მიხედვით, რატომ ააშენეს ბაბილონელებმა კოშკი? რატომ იყო სამოთხეში მისასვლელად კოშკის აშენება არასწორი გზა? შემდეგ შეგიძლიათ მოძებნოთ 2 ნეფი 31:20–21 და ჰელამანი 3:28 რათა იპოვოთ სწორი გზა სამოთხეში მისასვლელად. რა რჩევას მივცემდით ბაბილონელებს?