დაბადება 5; მოსე 6

მოსე 6:26–36-ის შესწავლისას რას სწავლობთ ცოდვის შედეგების შესახებ? როგორ გინახავთ ეს შედეგები? რა თვისებები გააჩნდა ენოქს, რაც დაეხმარა მას ამ შედეგების დაძლევაში? როგორ აკურთხა ღმერთმა ის ამის შედეგად?

თუ თქვენ როდისმე თავს დათრგუნულად გრძნობთ იმით, რის გაკეთებასაც უფალი მოგიწოდებთ, თქვენ მარტო არ ხართ. ენოქიც კი ასე გრძნობდა თავს, როცა უფალმა მას წინასწარმეტყველად მოუწოდა. მოსე 6:26–36-ის წაკითხვისას დააკვირდით, რატომ გრძნობდა ენოქი თავს გადატვირთულად და რა თქვა უფალმა, რომ მისთვის გამბედაობა მიეცა.

მუხლები 37–47-ში შეგიძლიათ მოიძიოთ გზები, რომელთა საშუალებითაც უფალმა ენოქს მხარი დაუჭირა და მისცა მას ძალა, შეესრულებინა უფლის საქმე (იხილეთ ასევე მოსე 7:13). თქვენ შეგიძლიათ შეადაროთ ენოქის გამოცდილება სხვა წინასწარმეტყველთა გამოცდილებას, რომლებიც თავს არაადეკვატურად გრძნობდნენ, მაგალითად, მოსე (იხ. გამოსვლა 4:10–16), იერემია (იხილეთ იერემია 1:4–10), ნეფი (იხილეთ 2 ნეფი 33:1–4), და მორონი (იხილეთ ეფერი 12:23–29). როგორ ფიქრობთ, რა სურს ღმერთს, რომ ისწავლოთ ამ წმინდა წერილებიდან იმ სამუშაოს შესახებ, რომელიც მან გასაკეთებლად მოგცათ?

ბევრმა თანამედროვე მოციქულმა და წინასწარმეტყველმა გამოხატა ენოქის მსგავსი გრძნობები, როდესაც აღწერეს, თუ რა იგრძნეს მოწოდების მიღებისას. მაგალითად, იხილეთ უხუცეს ულისეს სოარესის მოწმობა გზავნილში „წინასწარმეტყველები საუბრობენ სულიწმინდის ძალით“ (ლიახონა, მაისი, 2018, 98–99).

რა შეგიძლიათ, ამ წინასწარმეტყველებისა და მოციქულებისგან თქვენი არაადეკვატურობის გრძნობის შესახებ ისწავლოთ? როდის გიგრძვნიათ, რომ მხსნელი გეხმარებათ, როცა მისი თხოვნით რთულ საქმეებს შეეჭიდეთ? შეგიძლიათ დაწეროთ რამდენიმე გამოცდილება თქვენი მომავლიდან, როდესაც მხსნელის დახმარებაზე დაყრდნობა დაგჭირდებათ. როგორ მივუდგეთ ამ მოვლენებს იესო ქრისტესადმი რწმენით?

იხილეთ აგრეთვე დევიდ ა. ბედნარი, „შენ ჩემში დარჩები, მე კი – შენში; ამიტომ, იარე ჩემთან“, ლიახონა, მაისი, 2023, 123–25; „მე წავალ, სადაც შენ მიხმობ“, საგალობლები, no. 270.

რადგან ჩვენ გვაქვს მოსეს წიგნი, ვიცით, რომ ღმერთი ასწავლის თავის შვილებს, როგორ იპოვონ გამოსყიდვა ადამი და ევადან მოყოლებული. მოსე 6:48–68-ის შესწავლისას მოძებნეთ, რა უნდა ვიცოდეთ და გავაკეთოთ იმისათვის, რომ ვიყოთ გამოსყიდულნი. ყურადღება მიაქციეთ ადამის შეკითხვას მუხლი 53-ში. ოდესმე დაფიქრებულხართ ამაზე? რას სწავლობთ უფლის პასუხიდან მუხლები 53–65-ში? თქვენ შეიძლება იფიქროთ ამ სტროფებზე, როგორც უფლის გზავნილზე ადამის ნათლობის მსახურებისას. რას იგებთ ნათლობის შესახებ მისი გზავნილიდან? როგორ ფიქრობთ, რატომ შეადარა მან ნათლობა „ხელახლა [დაბადებას]“? (სტროფი 59). რა შეგიძლიათ გააკეთოთ იმისათვის, რომ განაგრძოთ „ხელახლა [დაბადებას]“ მთელი ცხოვრების განმავლობაში?

მოსე 6:51–63-ში, მას შემდეგ, რაც უფალმა ადამს იესო ქრისტეს სახარების ჭეშმარიტებანი ასწავლა, მან უთხრა ადამს, ესწავლებინა ის მომავალი თაობებისთვის. გაითვალისწინეთ ამ ჭეშმარიტებათა ჩამონათვალის შედგენა. (შეიძლება, დაგვეხმაროს ნაწყვეტის დაყოფა მუხლების უფრო მცირე ჯგუფებად, მაგალითად მუხლები 51–52, 53–57, 58–60, 61–63). რატომ არის ეს ჭეშმარიტებები ღირებული თაობისთვის, რომელიც დღეს იზრდება? კიდევ რა შეგიძლიათ ისწავლოთ უფლის ამ მითითებებიდან მშობლებისთვის: მოსია 4:14–15 და მოძღვრება და აღთქმები 68:25–28; 93:40–50?

ადამისა და ევას ოჯახის მიერ შენახული „ხსოვნის წიგნის“ შესახებ წაკითხვამ შეიძლება შთაგაგონოთ თქვენ ან თქვენი ოჯახი, შექმნათ თქვენი საკუთარი ხსოვნის წიგნი. როგორ ფიქრობთ, რის ჩართვას ისურვებდა უფალი? იფიქრეთ ინფორმაციის შენახვაზე თქვენი ხსოვნის წიგნიდან FamilySearch.org-ზე.

იხ. აგრეთვე Dieter F. Uchtdorf, “Jesus Christ Is the Strength of Parents,” Liahona, May 2023, 55–59; “Parenting: Touching the Hearts of Our Youth,” “But Why?” (videos), Gospel Library.

• როდესაც ენოქი მოიხმეს სახარების საქადაგებლად, ის წუხდა, რომ წარუმატებელი იქნებოდა. მაგრამ ღმერთი დაეხმარა მას. ერთად წაიკითხეთ ეს ამბავი მოსე 6:26–34-ში (ასევე იხილეთ „Enoch the Prophet“, Old Testament Stories, 19–21). რატომ ფიქრობდა ენოქი, რომ არ შეეძლო სახარების ქადაგება? (იხილეთ მოსე 6:31). როგორ დაეხმარა ღმერთი ენოქს? (იხილეთ მოსე 6:32–34; 7:13).

• თქვენმა შვილებმა შეიძლება ისიამოვნონ ღმერთის მიერ რთულ საქმეებში ადამიანების თანადგომის მაგალითების გაზიარებით ან გათამაშებით — მაგალითად, ნოე, დავითი, ამონი ან ლამანიელი სამუელი (იხილეთ Gospel Art Book, სურათები 7, 19, 78, 81). თქვენ ასევე შეგიძლიათ გაუზიაროთ მათ თქვენი გამოცდილება და ნება მისცეთ თქვენს შვილებს, ისაუბრონ იმაზე, თუ როგორ ეხმარება მათ ღმერთი რთული საქმეების შესრულებაში.

• ღმერთმა ასწავლა ადამს, რა უნდა გავაკეთოთ მასთან დასაბრუნებლად — გვქონდეს რწმენა იესო ქრისტეში, მოვინანიოთ, მოვინათლოთ და მივიღოთ სულიწმინდის ძღვენი. დაეხმარეთ თქვენს შვილებს, იპოვონ ეს პრინციპები მოსე 6:52, 57-ში. შემდეგ შეგიძლიათ დაეხმაროთ მათ, დაწერონ მოკლე გამოსვლის ტექსტი ერთ-ერთ პრინციპზე. თითოეული გამოსვლა შეიძლება მოიცავდეს მოსე 6-ის წმინდა წერილს, გამოცდილებასა და მოწმობას. ნება დართეთ მათ, ერთმანეთს გაუზიარონ თავიანთი გამოსვლების ტექსტი.

• თქვენ ასევე შეგიძლიათ აჩვენოთ სურათები, რომლებიც წარმოადგენენ სახარების პირველ პრინციპებს (იხილეთ რწმენის მეოთხე სიმბოლო). მოათავსეთ ისინი იესო ქრისტეს სურათთან მიმავალ ხაზში. მოსე 6:52-ის წაკითხვისას, თქვენს შვილებს შეუძლიათ დადგნენ სწორი სურათის გვერდით, როდესაც სურათის შინაარსის გამომხატველ სიტყვებს გაიგონებენ.

• თქვენს შვილებს შესაძლოა მოეწონოთ ისეთი სიმღერების შესრულება, რომელბიც ასწავლიან მოსე 6:52-ში გადმოცემულ პრინციპებს, მაგ. “Faith,” “When I Am Baptized,” and “The Holy Ghost” (Children’s Songbook, 96–97, 103, 105). დაეხმარეთ მათ, იპოვონ ეს პრინციპები მოსე 6:52-ში.

• იმისათვის, რომ წაახალისოთ თქვენი შვილები, მხარი დაუჭირონ მშობლებს, როდესაც ისინი სახარებას ასწავლიან, სთხოვეთ ბავშვს, წაიკითხოს მოსე 6:58 და დაასახელოს მცნება, რომელიც ღმერთმა მშობლებს მისცა. შემდეგ შეგიძლიათ აჩვენოთ ადამისა და ევას სურათი შვილების სწავლების პროცესში (მსგავსი ამ მონახაზის ბოლოში მითითებულისა) და ნება მისცეთ თქვენს შვილებს, ისაუბრონ იმაზე, რასაც ამ სურათზე ხედავენ. თქვენს შვილებს შეუძლიათ დახატონ თავიანთი ოჯახების სურათები, რომლებიც ერთად კითხულობენ წმინდა წერილებს, ერთად ლოცულობენ ან ერთად თამაშობენ.