Genesis 12–17; Abraham 1-2

Elder Neil L. Andersen kyerɛkyerɛɛ dɛ, “Hɛn nyinara hɛn ebusua ebusua [na] hɛn kusum nya nhyɛdo wɔ hɛn do, na mbom megye dzi dɛ beebi wɔ hɛn mu a nwanwa mu ara na ankorankor mu ara yɛyɛ na yɛhyɛ do. … Ewiei no, hɛn mu pɛ no wonya nkwa na wohu no wɔ hɛn nsanmuyi horow na wɔ hɛn ndzeyɛɛ mu” (“Educate Your Desires, Elder Andersen Counsels,” ChurchofJesusChrist.org). Hwɛ mbrɛ Abraham 1:1–19 si kyerɛ dza Elder Andersen kyerɛkyerɛɛ no. Nsɛmbisa a ɔtse dɛ iyinom botum aboa:

• Nna ebɛnadze nye Abraham ne pɛ? Ne pɛ sii dɛn daa edzi wɔ ne ndzeyɛɛ mu? Nyankopɔn sii dɛn gyee ne pɛ abamba?

• W’apɛdze nye ebɛnadze? Wosi dɛn da edzi wɔ wo ndzeyɛɛ mu? Nyankopɔn si dɛn gye wo abamba?

• Ebɛn nsɛm na nyiyimu yinom wɔ ma nkorɔfo a hɔn ebusuafo mmpɛ tseneneeyɛ?

Nna Abraham na Sarah hɔn apɛdze horow kɛse mu kor—dɛ wobenya ba—no annhyɛ mã mfe pii (hwɛ Genesis 15:1–6). Ebɛnadze na isũa fi Hebrewfo 11:8–13 mu a ɔfa mbrɛ Abraham na Sarah sii sɔɔw nsɔhwɛ yi ho? Agyenkwa no si dɛn boa wo ma “egye N’anohoba no to mu,” mpo sɛ “wɔkyɛr a”?

Hwɛ “Deliverance of Abraham” (video), Asɛmpa Nwoma Korabea so.

1:38

Ebɛnadze ntsi na ohia ma wo dɛ ibohu ahyɛmu a Nyankopɔn nye Abraham dzii no ho asɛm? Osiandɛ Ɔsor Egya pɛ dɛ ɔnye wo dzi ahyɛmu a ɔnye no sɛ. Ɔbɔɔ anohoba dɛ ahyɛmu yi bɔkɔ do wɔ Abraham n’asefo mu, anaa “mba” mu, na dɛ “dodow biara a wɔbɛgye Asɛmpa yi no wɔbɛyɛ … hɔn w’asefo” (hwɛ Abraham 2:10–11). Yɛrekã no bio a, ahyɛmu no kɔ do wɔ wo mu—sɛ wonuma wo a, na no koraa no sɛ idzi ahyɛmu horow wɔ temple mu a (hwɛ Galatiafo 3:26–29; Nkyerɛkyerɛ na Ahyɛmudzi 132:30–32).

Iyi ne siantsir ntsi, bia ebɛpɛ dɛ ibosũa Abraham 2:6–11 na akyerɛw dza Nyankopɔn dze bɔɔ Abraham na Sarah anohoba no nkorkor, pɛpɛɛpɛr (hwɛ Genesis 12:1–3; 13:15–16; 15:1–6; 17:1–8, 15–22 so). Nhyira yinom besi dɛn botum afa wo ho?

Anohoba horow yinom bi wɔ hɔn onnyiewiei asɛfo. Anohoba horow tse dɛ egyapadze asaase anaa asefo a wɔtserɛw si dɛn hyɛ mã wɔ onnyiewiei mu? (Hwɛ Nkyerɛkyerɛ na Ahyɛmudzi 131:1–4; 132:20–24, 28–32).

Anohoba nhyira horow da nkyɛn no, Nyankopɔn kãa kyerɛɛ Abraham dɛ “ɔnyɛ nhyira” (Genesis 12:2; woetsĩ mu akã ho). Edwendwen ho a dɛm n’asekyerɛ nye dɛn? Ibesi dɛn bɛyɛ nhyira? (Hwɛ Abraham 2:11).

Wɔrekyerɛkyerɛ ahyɛmudzi horow ho asɛm no, Elder Dale G. Renlund kãa asorɛkye akɛse a wɔma hɔnho do wɔ Amazon Esutsen mu ho asɛm, na President Emily Belle Freeman kasae faa erenantsew mbotan anamɔn kwan mu a wo nankɔn mu ebu ho (hwɛ “Accessing God’s Power through Covenants,” Liahona, Esusow Aketseaba 2023, 35–37; “Walking in Covenant Relationship with Christ,” Liahona, Ɔberɛfɛw 2023, 76–79). Hwehwɛ nsɛm yinom mu kor anaa ebien no nyina mu fa nya nsɛntɔw a wɔboa yi asɛmbisa no ano dɛ “Ebɛnadze ntsi na Nyankopɔn pɛ dɛ menye No dzi ahyɛmu?

Hwɛ Topics and Questions, “Abrahamic Covenant,” Asɛmpa Nwoma Korabea; “Adwendwen a ɔwɔ dɛ Edwen ho na Ekaa: Ahyɛmu no,” a ɔwɔ mboa nwoma yi mu so.

Susu dɛ ereda Melchizedek edzi akyerɛ obi a onnyim no. Ebɛn asɛm na ebɛkã? Hwehwɛ adwenkyerɛ wɔ Joseph Smith Nkyerɛase, Genesis 14:26–27, 33–38 mu (wɔ Kyerɛwsɛm no Kwankyerɛ mu); Alma 13:13–19; Nkyerɛkyerɛ na Ahyɛmudzi 107:1–4. Ebɛn Christ-su suban na ihu no wɔ Melchizedek no ho asɛm yinom mu? Isũa Melchizedek no ho asɛm no si dɛn nya nsunsuando wɔ kwan a isi hu Melchizedek Asɔfodzi no?

Ebɛnadze na isũa fa Abraham no su wɔ ahonyadze ho fi Genesis 14:18–24 na Joseph Smith Nkyerɛase, Genesis 14:36–40 mu (wɔ Kyerɛwsɛm no Kwankyerɛ mu)? Mfatoho, hyɛ no mbuae a ɔdze ma Sodom hen no nsew wɔ Genesis 14:23mu. Iridzi ebupɛn du ho mbra do no esi dɛn enya nsunsuando wɔ mbrɛ isi hu sika ho?

Ber a ekenkan Genesis 16 no, ibotum adwendwen mber bi ho a etsee nka dɛ worisisi wo, dɛ mbrɛ Hagar tsee no. Hyɛ no nsew dɛ “Ishmael’’ n’ase kyerɛ “Nyankopɔn tsie.’’ Ewuradze esi dɛn akyerɛ wo dɛ Otsie wo?

San so hwɛ “Secret Prayer,” Asɔr Ndwom, nkanee 144.

• Ber a ɔwo na wo mbofra kenkan Abraham 1:18 na 2:8 no, ibotum ato nsa afrɛ hɔn ma woetsie nyimpadua ne fã bi a wɔbɔ dzin wɔ nyiyimu ebien ne nyina mu. Bia hom botum edzi agor bi a abofra mua n’enyiwa na isuo abofra no ne nsamu gya no kɔ beebi. Nkyii wobotum akã mbrɛ osi tse dɛ yebenya Jesus Christ ma oesuo hɛn nsamu egya hɛn anaa ɔabɔ hɛn ho ban ho asɛm.

• Wo mbofra no enyi botum agye dɛ wɔreyɛ ɔyɛkyerɛ fi Genesis 13:5–12 asɛm no mu, a wopetuw dɛ wɔyɛ Abraham, Lot, na mbowa anyɛnfo no. Yebesi dɛn bedzi Abraham ne fasusu do dɛ yɛbɛyɛ esiesiefo wɔ hɛn ebusuafo anaa anyɛnkofo mu? Bɔ mbɔdzen dɛ wɔbɛyɛ hɔn nyiano ho ɔyɛkyerɛ.

• Hwɛ dɛ edze anhwea a ogu kyɛnse mu, nworaba a wɔwɔ wimu, anaa mfonyin a ɔwɔ nhyehyɛɛ yi n’ewiei no bɛkyerɛ wo mbofra no. Iyi botum aboa hɔn ma wɔatse Nyankopɔn n’anohoba ahorow ase wɔ Genesis 13:16; 15:1–6 mu. Kasa fa mbrɛ esi esũa dɛ ibenya awerɛhyɛmu wɔ Nyankopɔn n’anohoba horow ho, mpo dɛ ɔyɛ dɛ ɔnnkɛyɛ yie.

• Ama aakyerɛkyerɛ wo mbofra ahyɛmudzi horow ho asɛm no, bisa hɔn ma wɔnkã mber bi a wɔbɔɔ anohoba anaa obi bɔɔ hɔn anohoba ho asɛm mkyerɛ wo. Sɛ ɔbɛyɛ mfaso a, enye hɔn nkyɛ ɔwoara wo fasusu horow no bi—a ahyɛmudzi horow a enye Nyankopɔn dzii wɔ enuma ber anaa wɔ temple no kã ho. Wo ahyɛmudzi horow no esi dɛn enya nsunsuando wɔ ɔwo na Nyankopɔn nkitahodzi mu? Yiyi nsɛnsin kakra fi Genesis 15:1–6; 17:1–8; Abraham 2:9–11 fa kyɛ nhyira a Nyankopɔn dze bɔɔ Abraham na Sarah anohoba no bi.

• Ama aaboa wo mbofra a ma wɔayɛ ahoboa dɛ wɔnye Nyankopɔn bedzi ahyɛmu sɛ wonuma hɔn no a, ibotum dze dwumadzi adwenkyerɛ a woesusu no wɔ abɔekyir A anaa abɔekyir B no edzi dwuma.

• Mber a nna Abraham no nkwa da esian mu no, ɔfrɛɛ Nyankopɔn. Mber a nna Hagar no nkotsee wɔ sar do no, osũae dɛ Nyankopɔn tsie no. Hwɛ dɛ enye wo mbofra bɛkyɛ nsɛm ebien yinom: “Abraham and Sarah” na “Hagar” wɔ Old Testament Stories mu, 28–31, 32–33. Ebɛnadze na yesũa fa Nyankopɔn ho fi nsɛm yinom no mu? Nkyii hom botum nye hom ho akyɛ sũahu horow afa mber a hom tsee nkã dɛ Nyankopɔn tsie hom ho. Ndwom bi tse dɛ “A Child’s Prayer” (Children Songbook, 12–13) botum esi asɛm yi pi.

2:20

1:23