“Naʻe ʻAloʻi ʻa Sīsū Kalaisi pea ʻAve ki he Temipalé,” Palani Ako ki he Kilisimasí (2024)
“Naʻe ʻAloʻi ʻa Sīsū Kalaisi pea ʻAve ki he Temipalé,” Palani Ako ki he Kilisimasí
24 Tīsema
Naʻe ʻAloʻi ʻa Sīsū Kalaisi pea ʻAve ki he Temipalé
“Pea fāʻeleʻi ʻe ia ʻa e tama ko hono olopoʻou, peá ne takatakai ʻaki ia ʻa e kofu, ʻo fakatokoto ia ʻi he ʻaiʻangakai ʻo e manú” (Luke 2:7).
Naʻe ʻaloʻi ʻa Sīsū Kalaisi ke hoko ko e Fakamoʻui ʻo e māmaní. Naʻe fononga ʻa Mele mo Siosefa ki Pētelihema. Naʻe fanauʻi ʻe Mele ʻa Sīsū ʻi ha fale tauhiʻanga ʻo e fanga monumanú, ʻo mavahe mei he fale tali-fononga tokolahí. Naʻe hā ha kau ʻāngelo ki he kau tauhisipí, ʻa ia naʻa nau ō ke mamata ki he valevale ko Sīsuú. Hili e mavahe ʻa e kau tauhisipí ke tala ki he taha kotoa ʻa e meʻa naʻa nau mamata mo fanongo ki aí, “Ka naʻe faʻo ʻe Mele ʻa e ngaahi meʻá ni kotoa pē ki hono lotó, ʻo fifili ki ai” (Luke 2:19).
“Ko e Tamasiʻi ko Kalaisí”
Naʻe tatali ʻa Simione ki he Mīsaiá, pea naʻe faifai peá ne maʻu ha ueʻi fakataautaha kuo hokosia ʻa e ʻahó. Hili ʻa e ongo ko ia ki he temipalé, naʻe tāpuekina ʻa Simione ke ne feʻiloaki mata ki he mata mo e Mīsaia naʻá ne fekumi ki aí.
Naʻe fakaʻaongaʻi ʻe ʻAna ha konga lahi ʻo hono taimí ʻi he temipalé. ʻI ha ʻaho ʻe taha, naʻe maʻu ai ʻe ʻAna ha aʻusia makehe mo fakataautaha mo e Fakamoʻuí.
Ngaahi Folofolá mo e Ngaahi Fehuʻí
-
Ko e hā ha meʻa kuó ke ongoʻi pe ako ʻi hoʻo lau ʻa e talanoa ʻo e Kilisimasí?
ʻOkú ke pehē ko e hā ʻa e meʻa naʻe vahevahe ʻe he niʻihi fakafoʻituitui naʻa nau mamata ki he valevale ko Sīsuú (hangē ko e kau tauhisipí, Simione mo ʻAná) mo e niʻihi kehé fekauʻaki mo ʻenau fuofua aʻusiá? Ko e hā ʻa e meʻa ʻokú ke ongoʻi ʻoku ueʻi koe ke ke tala ki he kakaí fekauʻaki mo Iá?
Lekooti ʻa e ngaahi ongo ʻokú ke maʻú.
Hivá
“What Child Is This?,” Hymns—For Home and Church, no. 1203
ʻEkitivitī maʻá e Fānaú
Fakaʻaongaʻi ʻa e kosikosi ʻo e ʻAloʻí ke faʻu ʻaki haʻo fakatātā pē ʻaʻau ki he ʻAloʻí. Te ke lava foki ʻo fakaʻaongaʻi ha kiʻi fakamatala ke fakatātaaʻi ʻo e ʻAloʻí pe fakaʻaongaʻi hoʻo fakakaukaú ke faʻu ʻaki haʻo fakamatala pē ʻaʻau.
Ngaahi Fakakaukau ki he Ngāue Tokoní
-
Lotua ha taha ʻaki hono hingoá.
-
Telefoni ki ha taha ʻokú ke ʻofa ki ai.
-
Fāʻofua ki ha kaungāmeʻa.