“Naʻe Fakahā ʻe he Kau ʻĀngeló ʻa e ʻAloʻi ʻo Sīsuú ki he Kau Tauhisipí,” Palani Ako ki he Kilisimasí (2024)
“Naʻe Fakahā ʻe he Kau ʻĀngeló ʻa e ʻAloʻi ʻo Sīsuú ki he Kau Tauhisipí,” Palani Ako ki he Kilisimasí
22 Tīsemá
Naʻe Fakahā ʻe he Kau ʻĀngeló ʻa e ʻAloʻi ʻo Sīsuú ki he Kau Tauhisipí
“He kuo ʻaloʻi kiate kimoutolu ʻi he ʻahó ni, ʻi he kolo ʻo Tēvitá,ʻa e Fakamoʻui, ʻa ia ko Kalaisi ko e ʻEikí” (Luke 2:11).
Ko e fanongonongo ko ia ʻa e kau ʻāngeló ki he kau tauhisipí ko ha fanongonongo fakalangi ia ko e ʻaloʻi ʻo e Fakamoʻuí ko ha ʻuhinga ia ke fakafiefiaʻi! ʻOkú ne fetongi ʻa e ilifiá ʻaki ʻa e fiefia, nāunau, melino, mo e loto-lelei. Naʻe pehē ʻe he ʻāngeló ko e ongoongo lelei ko ʻení “ʻe hoko ki he kakai fulipē” (Luke 2:10), ko ia naʻe “ongoongo [ʻe he kau tauhisipí] ʻa e lea naʻe fakahaá” ki he kakai kotoa (veesi 17).
Naʻe pehē ʻe ʻEletā Niila L. ʻEnitaseni: “ʻOku pau pē naʻe toki ongoʻi fiemālie mo ʻilo pau ʻe Siosefa mo Mele naʻe ʻi ai e ʻuhinga ʻo e faingataʻa naʻá na fepaki mo iá. Naʻe ʻosi fakahā ʻe he kau ʻāngeló ʻEne hāʻele maí pea mo Hono misiona fakaʻeiʻeikí.” ʻI he moihū ʻa e kau tauhisipi loto-fakatōkilaló ʻi he ʻaiʻangakai ʻo e manú, naʻa nau tānaki atu ʻenau fakamoʻoní ki he fakamoʻoni ʻa Mele mo Siosefá ko e valevale ko ʻení ko e ʻAlo Ia ʻo e ʻOtuá pea naʻe fakahoko ha palani fakalangi.
Ngaahi Folofolá mo e Ngaahi Fehuʻí
-
Ko e hā ha ngaahi foʻi lea mo e kupuʻi lea ʻoku hā makehe ʻi hoʻo ako ʻa e pōpoaki ʻa e kau ʻāngeló ki he kau tauhisipí?
Ko e hā ha ongoongo lelei kuo foaki atu ʻe he ʻOtuá ʻokú ke loto ke vahevahe?
“Ko e ʻIlo ʻe he Kau Tauhisipí ʻa e ʻAloʻi ʻo Kalaisí”
Lekooti ʻa e ngaahi ongo ʻokú ke maʻú.
Hivá
“ʻA e Kau Tauhi-sipi ʻi Siutea,” Ngaahi Himí, fika 120.
ʻEkitivitī maʻá e Fānaú
Ngaahi Fakakaukau ki he Ngāue Tokoní
-
Tokoni ki ha taha ʻokú ke ʻofa ai ke fakamaʻa honau ʻapí.
-
Tuku ha meʻaʻofa ʻi he matapā ʻo ha kaungāʻapi.
-
Faʻu ha lisi ʻo e ngaahi hiva Kilisimasí pea vahevahe ia mo ha kaungāmeʻa.