Naʻe Tomuʻa Fakahā ʻe he Kau Palōfitá ʻa e ʻAloʻi ʻo Sīsuú

• ʻĪsaia 9:6-7

  Naʻe kikite ʻa ʻĪsaia fekauʻaki mo e ʻaloʻi ʻo Sīsū Kalaisí lolotonga ha taimi ʻo e faingataʻa mo e taʻepau lahi ki he kakai ʻo Siutá. Naʻe ʻomi fēfē nai ʻe he ngaahi lea ʻa ʻĪsaiá ha ʻamanaki lelei ki he kakaí?

• 1 Nīfai 11:13–23

  Naʻe fakahā ʻe ha ʻāngelo kia Nīfai, ko e taha ʻo e kau fuofua palōfita ʻi he Tohi ʻa Molomoná, ʻa e ʻaloʻi ʻo e Fakamoʻuí. ʻOkú ke pehē ko e hā ʻa e meʻa naʻe fiemaʻu ʻe he ʻāngeló ke mahino kia Nīfai fekauʻaki mo Sīsū Kalaisí?

• Mōsaia 3:5–10

  Ko e Tuʻi ko Penisimaní ko ha palōfita ia ʻe taha ʻi he Tohi ʻa Molomoná naʻá ne ʻilo mei ha ʻāngelo fekauʻaki mo e hāʻele mai ʻa e Fakamoʻuí. Fakatokangaʻi ange ʻa e ngaahi huafa mo e ngaahi lea ʻoku fakaʻaongaʻi ʻe he ʻāngeló ke akoʻi fekauʻaki mo Kalaisi mo Hono misioná. Ko e fē ʻa e ngaahi foʻi lea ʻoku ngali mahuʻinga makehe kiate koé pea ko e hā hono ʻuhingá?

• Hilamani 14:1–13

  Naʻe fakamatala ʻa Samuela ko e tangata Leimaná, ʻa ia naʻe moʻui kimuʻa pea ʻaloʻi ʻa Kalaisí, fekauʻaki mo ha ngaahi fakaʻilonga maʻongoʻonga ʻe hā ʻi he langí ʻi he ʻaho ʻe ʻaloʻi ai ʻa e ʻAlo ʻo e ʻOtuá. Kumi kinautolu ʻi he ngaahi veesi ko ʻení pea fakalaulauloto ki he meʻa ʻe lava ke fakataipe ʻe he ngaahi fakaʻilonga ko ʻení. Ko e hā ʻa e meʻa ʻoku nau akoʻi atu fekauʻaki mo Sīsū Kalaisí?

“ʻOku Kikite ʻa Samuela ko e Tangata Leimaná kau kia Sīsū Kalaisi”

18:28

Lekooti ʻa e ngaahi ongo ʻokú ke maʻú.

“Samuel Tells of the Baby Jesus,” Children’s Songbook, 36

• Fakaafeʻi ha kaungāʻapi ki ha lotu.

• Fehuʻi ki ha kaungāngāue pe ko e hā ha founga ke ke fakamaʻamaʻa ai ʻenau kavengá.

• ʻAlu ʻo hiva Kilisimasi mo ha kulupu.