“Naʻe Moihū ʻa e Kau Tangata Potó kia Sīsū mo Foaki ha Ngaahi Meʻaʻofa,” Palani Ako ki he Kilisimasí (2024)
“Naʻe Moihū ʻa e Kau Tangata Potó kia Sīsū mo Foaki ha Ngaahi Meʻaʻofa,” Palani Ako ki he Kilisimasí
25 Tisema
Naʻe Moihū ʻa e Kau Tangata Potó kia Sīsū mo Foaki ha Ngaahi Meʻaʻofa
“ʻOku ʻi fē ia ʻa ia kuo ʻaloʻi ko e Tuʻi ʻo e kakai Siú? he kuo mau mamata ʻi he hahaké ki hono fetuʻú, pea kuo mau haʻu ke hū kiate ia” (Mātiu 2:2).
ʻOku ʻikai lahi ʻetau ʻilo ki he Kau Tangata Potó ʻi he Mātiu 2, ka ʻoku tau ʻiloʻi naʻa nau hanganaki fiefia atu ki he hāʻele mai ʻa e Mīsaiá. Naʻa nau loto-fiemālie ke fononga mamaʻo ke hū kiate Ia. Pea kuo ueʻi fakalaumālie ʻe heʻenau ngaahi meʻaʻofá ha tukufakaholo fuoloa ʻo e foakí ʻi he taimi Kilisimasí. Naʻe pehē ʻe Palesiteni Tāleni H. ʻOakesi, “ʻOku ʻikai haʻatau veiveiua … naʻe tataki kinautolu ʻe he ʻEikí ki Heʻene ngaahi taumuʻa toputapú. … Naʻe haʻu ʻa e kau tangata poto ko ʻení mei ha fonua mo ha anga fakafonua kehe, pea ko ha fakamoʻoni ia kiate kinautolu ko ha fakamanatu naʻe fanauʻi ʻa e Mīsaiá maʻá e kakai kotoa pē.”
ʻOku fakamanatu mai ʻe heʻenau kiʻi talanoa faingofuá ke tau fakakaukau ki heʻetau ʻamanaki lelei ki he hāʻele mai ʻa Kalaisí, ko ʻetau faivelenga ʻi he moihū kiate Iá, pea mo e ngaahi meʻaʻofa te tau lava ʻo foaki kiate Iá.
Ngaahi Folofolá mo e Ngaahi Fehuʻí
-
ʻE kaunga fēfē nai ʻa e fononga ʻa e Kau Tangata Potó kiate koé?
Ko e hā ʻa e founga ʻokú ke fekumi, ʻilo pe moihū ai kia Sīsū Kalaisí?
“Ko e Fekumi ʻa e Kau Tangata Potó kia Sīsuú”
Lekooti ʻa e ngaahi ongo ʻokú ke maʻú.
Hivá
“Naʻe Ofo ʻa e Kau Potó,” Ngaahi Himí, fika 119
ʻEkitivitī maʻá e Fānaú
Naʻe ʻilo ʻe he Kau Tangata Potó ʻa Sīsū ʻi Pētelihema pea hū kiate Ia. Te ke lava nai ʻo kumi ʻa e ngaahi meʻa kotoa ko ‘eni kuo fufuuʻí?
Ngaahi Fakakaukau ki he Ngāue Tokoní
-
ʻOange hoʻo tohi manakó ki ha taha ʻokú ke ʻofa ai.
-
Fai ha lea lelei ki ho kaungāʻapí.
-
Foaki ki ha kautaha tokoni fakalotofonua.