“Naʻe Hā ha ʻĀngelo kia Mele mo Siosefa,” Palani Ako ʻo e Kilisimasí (2024)
“Naʻe Hā ha ʻĀngelo kia Mele mo Siosefa,” Palani Ako ki he Kilisimasí
20 Tīsema
Naʻe Hā ha ʻĀngelo kia Mele mo Siosefa
“Vakai, ko e kaunanga au ʻa e ʻEikí; ke hoko kiate au ʻo hangē ko hoʻo leá” (Luke 1:38).
Naʻe loto-fakatōkilalo ʻa Mele pea naʻá ne maʻu ha tui lahi ʻi hono tali hono fatongia ʻi he palani ʻa e ʻOtuá ki he fakamoʻuí ʻi heʻene hoko ko e faʻē ʻa e ʻAlo ʻo e ʻOtuá. Naʻe pehē ʻe Palesiteni Sefilī R. Hōlani, “ʻOku fakaofo tatau pē ʻa [ʻene] loto-toʻá mo e tui mataʻāʻaá mo ha toe meʻa kuo tohi ʻi he folofolá.” Ko e meʻa tatau pē, ko Siosefá ko ha tangata angatonu mo loto-fakatōkilalo pea naʻe fokotuʻu fakalangi ia ke poupou kia Mele peá na ohi fakataha hake ʻa e Fakamoʻui ʻo e māmaní.
Ngaahi Folofolá mo e Ngaahi Fehuʻí
-
Ko e hā ʻa e meʻa ʻokú ke mālieʻia ai fekauʻaki mo e tali ʻa Mele ki he ʻāngeló? Ko e hā ha fakamoʻoni ʻokú ke sio ki ai fekauʻaki mo ʻene loto-toʻá mo e tuí?
“ʻOku Tomuʻa Fakahā ʻe ha ʻĀngelo kia Mele ʻa e ʻAloʻi ʻo Sīsuú”
-
ʻI hoʻo laukonga fekauʻaki mo e aʻusia ʻa Siosefá, fakakaukau ki he ʻuhinga naʻá ne mei fili ai ke fakangata ʻene fakamaʻu kia Melé ʻi he fūfūnaki kae ʻikai fakahāhā ʻi he kakaí (“ke tukuange fakafufū pē ia” [Mātiu 1:19]). Ko e hā ʻa e meʻa ʻoku tala atu ʻe he meʻá ni fekauʻaki mo e ʻulungaanga ʻo Siosefá? Ko e hā mo ha toe meʻa ʻokú ke ako fekauʻaki mo ia mei heʻene tali ki he pōpoaki ʻa e ʻāngeló?
Lekooti ʻa e ngaahi ongo ʻokú ke maʻú.
Hivá
“Fononga ʻa Siosefa ki Pētelihemá,” Tohi Hiva ʻa e Fānaú, 38
ʻEkitivitī maʻá e Fānaú
Naʻe fakahā ʻe he ʻāngelo ko Kepalelí kia Mele mo Siosefa ʻe fanauʻi ʻe Mele ʻa Sīsū Kalaisi, pea naʻe fakafiemālieʻi kinaua ʻe he ʻāngeló. Te tau lava ʻo hoko ko ha kau ʻāngelo ki he niʻihi kehé ʻaki ʻetau tokoni ke nau ongoʻi e ʻofa ʻa e ʻOtuá! Kosi ʻo toʻo ha ʻū laʻipepa. Tohi ʻi he laʻipepa takitaha ha pōpoaki ʻofa, pea vahevahe ia mo ha kaungāmeʻa pe mēmipa ʻo e fāmilí.
Ngaahi Fakakaukau ki he Ngāue Tokoní
-
ʻAve ha pōpoaki telefoni ki ha taha ʻokú ke houngaʻia ai.
-
Angaʻofa pē kiate koe. Akoako e tokangaʻi kitá.
-
Tokoni ki ha taha ke fekumi ki hono hisitōlia fakafāmilí.