“ʻOku ʻOmi ʻe he ʻEikí ha Pō Taʻe ʻI Ai ha Fakapoʻuli ʻi he Ongo ʻAmeliká,” Palani Ako ki he Kilisimasí (2024)
“ʻOku ʻOmi ʻe he ʻEikí ha Pō Taʻe ʻI Ai ha Fakapoʻuli ʻi he Ongo ʻAmeliká,” Palani Ako ki he Kilisimasí
23 Tīsema
ʻOku ʻOmi ʻe he ʻEikí ha Pō Taʻe ʻI Ai ha Fakapoʻuli ʻi he Ongo ʻAmeliká
“Hanga hake ho matá pea fiefia; he vakai, kuo hokosia ʻa e taimí, … pea ʻi he ʻapongipongí te u haʻu ki māmani” (3 Nifai 1:13).
Naʻe akoʻi ʻe Palesiteni Lāsolo M. Nalesoni, “Ko e talanoa fakafolofola ʻo Sīsū Kalaisí, ko ha talanoa moʻoni ia ʻi he hemisifia ʻe ua. Lolotonga e teuteu ʻa Mele mo Siosefa ʻi he Hahaké ke ʻaloʻi ʻa e pēpē māʻoniʻoní ʻi Pētelihemá, naʻe akoʻi ʻa Nīfai ʻi he Hihifó ʻe he Mīsaiá ʻi Hono sino fakalaumālié. Naʻe folofola ʻa e ʻEikí kia Nīfai, ʻFiefia; … ʻi he ʻapongipongí te u haʻu ki māmani ke fakahā ki he māmaní te u fakahoko ʻa e meʻa kotoa pē kuó u fekau ke lea ʻaki ʻi he ngutu ʻo ʻeku kau palōfita māʻoniʻoní’ [3 Nīfai 1:13].”
ʻI hoʻo fakakaukau ki he ʻaloʻi ʻo Kalaisí, fakakaukau ki he fakatahatahaʻi ʻo e ngaahi fakaʻilonga fakalangí mo e kau fakamoʻoni ʻi he māmaní ʻoku nau fakamoʻoniʻi naʻe ʻaloʻi ʻa Sīsū ke faifakamoʻui.
Ngaahi Folofolá mo e Ngaahi Fehuʻí
-
ʻOku fakamatalaʻi ʻe he ngaahi veesi ko ʻení ʻa e meʻa naʻe hoko ʻi he ongo ʻAmeliká ʻi he efiafi kimuʻa pea ʻaloʻi ʻa Sīsū Kalaisi ʻi Pētelihemá. ʻI hoʻo lau kinautolú, fakakaukauloto ʻokú ke ʻi he lotolotonga ʻo e kakai tuí ʻi he poʻuli toputapu ko iá. Ko e hā nai ha meʻa naʻá ke mei ongoʻi pe fakakaukau ki ai pe fakahoko?
-
Ko e hā e meʻa ʻoku tānaki atu ʻe he ngaahi meʻa ko ʻeni naʻe hoko ʻi he Tohi ʻa Molomoná ki hoʻo mahino kia Sīsū Kalaisi mo Hono misioná?
“‘Oku Lotu ʻa Nīfai pea ʻOku Hā Mai e Ngaahi Fakaʻilonga ʻo e ʻAloʻi ʻo Kalaisí”
Lekooti ʻa e ngaahi ongo ʻokú ke maʻú.
Hivá
“Star Bright,” Hymns—For Home and Church, no. 1204
ʻEkitivitī maʻá e Fānaú
Ngaahi Fakakaukau ki he Ngāue Tokoní
-
ʻAlu ʻo lue mo hao kaungāme‘a.
-
Ngāue tokoni ʻi hoʻomou laipeli fakalotofonuá.
-
Tufi e veve ʻi homou tukui koló.