Naan in Kajjem̧ļo̧k ko

Tabernacle Choir eo eaar al kōn juon al in jar, "Tell Me the Stories of Jesus." Ej juon ennaan in kōmeļeļe eo em̧m̧an ilo raan kein ruo rej jem̧ļo̧kļo̧k. Tokālik, jenaaj kōjemļo̧k kweilo̧k in kōn “Dri Binmuren in Israel.” Al kein jim̧or rej pedped ioon raan kein ruo ilo kweilo̧k in.

Jetōb eo an Irooj eaar im̧we kōj aolep n̄an kōkm̧anm̧anļo̧k ad kabun̄jar, pedped ioon ad ekkatak, im juon wōt ilo naan in kam̧ool ko ad ilo katak ko an Irooj Jisōs Kraist im karōk eo an Jemān kōn eddōkļo̧k eo ad kōn mour indeeo im m̧ōņōņō.

Em̧ool, Jisōs Kraist ej iaļ eo n̄an aenōm̧m̧an ilo laļ in im mour indeeo ilo mour eo ej itok. E ejeļā im iakwe kajjojo iaad im kūr kōj n̄an etetal Ippān, dāpdep wōt Ippān, im ļoor waanjon̄ak eo An n̄an jerbal in karejar n̄an ro jet juon ilo̧k juon ilo iakwe em̧ool im iakwe. Kar kakeememej kōj kōn aorōk eo an m̧are im baam̧le ilo karōk eo an Jemedwōj Ilan̄ n̄an mejen kajjik eo an ro Nejin. Kōm̧m̧an bwe jen kwaļo̧k iakwe eo em̧ool an Kraist ilo baam̧le ko ad, ilo jukjukin pād ko ad, im ilo aolep ijoko jej pād ie ippān ro nejin Anij.

Ilo an ennaan ko jān kweilo̧k in naaj publish, ij kajjitōk ippān aolep n̄an ekkatak im kōļmenļo̧kjeņ kaki im n̄an mour kaki kōn tōmak ilo pedped in katak ko rej kōmeļeļeiki. Irooj ekar kallim̧ur, “Eo ej bōk Inaaj leļo̧k eļapļo̧k.” Ilo ad kaorōk im mour kake katak ko ilo kwaļo̧k in, Irooj enaaj wōnm̧aanļo̧k wōt im kwaļo̧k im im̧we kōn revelesōn eo ad make im bōk tōl.

Ij kallim̧ur kōn menin n̄an kōj kajjojo ilo ad ļoor tōl eo an ro rikarejeraņ Irooj im “reilo̧k n̄an Anij im mour” Ilo etan Jisōs Kraist, amen.