Chedaol me a Uldasou er a Deureng

Rodam me a rodos er ngak, ak mla ngara nglunguuch el kirel a klisiich el mo er kemiu sel mosiik er a deureng. A rebebil a locha omelchesiu el ngara deureng, eng di diak a chad el kotouar er a lmuut el ngarbab el deureng. Ngii di el chad a semeriar el kongei er a diak a ulebengelel deureng.

Tiaikid a bla lenguu a Chedam er a Babeluades; me a Betik er a rengul el Ngelekel Sechal, er a Jesus Kristo; me a Chedaol Reng el mesterir a rebek el ngelekel a Chedam er a Babeluades er a reng el tir a kiei er chelechang, me a remei ruriul, me a re mla kiei er a tial beluulechad. Tia lebebil er a taem e ngokedongall el uldasou er a deureng. Ng mle okedongall el uasiei er a profet Alma er a lolisechakl er a ngelekel sechal, el mla er a ringel el klengit a uchul. A Alma mle medengei el kmo a klengit a diak el sebechel mo deureng el mo er a ngelekel—malechub a ngii di el ngelekel a Chedam er a Babeluades.

Ng ullisechakl er a ngelekel kmo a ngarbab el chedaol klengar a di chimol rael kirel a deureng. Ng milketeklii el kmo a ngarbab el chedaol klengar a mekedmokl lokiu a Tngakireng er a Jesus Kristo lomekungil e mengikiid er kid. Ng di okiu a klaumera er a Jesus Kristo, me a omelemolem louchel reng, me a otireklel a telbiil e kid a sebeched el mo nguu a diak el ngemed el deureng el dosiik e soad el mo obang.

A nglunguchek er chelechal sils a kmo bol sebechek el ngosukemiu el mo medengei el kmo a ngarbab el deureng a mei lokiu a ngarbab el chedaol klengar me bol sebechiu loureor el kirel tial klaumerang. E sola ak mo ouchais aikel kuk kudengei el kirel a kmo kede mekerang e mo sebeched el nguu tial sengk er a ngarbab el chedaol klengar.

A chedaol llechukl osischeklid a bebil er a tekoi, el sebeched el mo klikiid malechub e kede lmuut elmo chedaol sel dultuil er a klaumera er a Jesus Kristo, e dochotii a blekongesenges, e douchel a rengud er a kngtid, e bo decharm el Kirel, e dengai a chedaol ruoll, e doltirakl a telbiled Lobengkel. Sel mo uchul e kede mo nguu a sengk er a ngarbab el chedaol klengar eng kired el mo oba ngariou el reng, delemdemk el reng, me a kllou el reng.

A tal teletael el kirel a ngarbab el chedaol tekoi a dilubech el mei er ngak er a chelsel a Templo er a Salt Lake. Ng ketengek el soiseb er a chelsel a templo el dimlak sal mui el medengei el kmo ngera ngarngii. Ak mla mes a llechukl er a iikrel a templo el kmo: “Chedaol le bo er a Rubak” me a “Blil a Rubak.” Ak mlo omelchesiu el ko er a semeriar. Eng di ak milbedebk el kmo ngak ak mle kldmokl el mo soiseb.

A delak me a demak a uleak medak er a ki bocha msiseb er a templo. Ng mle kiram locholt a babilengam, lolchotel a kmo a ki klikiid.

A rechad er a blik a mle medengelii ngika el chad luleker a babilengam. Me te ko er a mlo telkib el chadecheduch. Ak millemolem el merael sosieb er a klou el delmerab el rokui el tekoi a di mengeldoech el becheleleu. A kulemes er a tenzio el kmal iimis el ngarbab el uaia le blok a eanged. Tiaikid el taem, eng mlo bleketakl er a uldesuek el kmo tia bla kngarngii el basio ruchei.

E solang, e ak rirengesii a medemedemk el ngor—el dimlak el oto er a ngerek. A medemdemk el tekoi a mlei er a uldesuek a kmo: “Ke mla ritiang ruchei. Ke dobedebekii a telkib er a taem ruchei er a omechell. Ke mla er a chedaol basio el uai tiang. Ke mlo melchesuar a Osobel el kmeed er a basio el kau a dilchor ngii. E mlo omelchesiu er a deureng le kau el mle semeriar el mo Mesang.”

Tia el teletael el dilubech er a Salt Lake Temple a di mle telkib el taem. Eng di sel bok letkii e ak mo melchesuar a budech, deureng, me a chelellakl el deuil a renguk.

Ak siluub a betok el suobel er sel sils. A chimong a uasei a Chedaol Reng a mengedecheduch er a chelsel a chelellakl, e kekerei el ngor. Ng sebechek el rongesii sel kumelchesiu er a budech er a chelsel a renguk. Ngii a uchul a deureng me a kengei el mei er ngak el kmo ak merael mo chedaol. E tia blecheol meskak a deureng sel bo kumelchesiu aikel sesei el bung el kbla er a templo er a Dios.

Ko mla mesa er a klengar kemiu me a rebebil er a rechad a ongasireng er a deureng lokiu sel morael mo chedaol, e mo uai a Osobel. Aika el mereko el tela el sandei,e ak mle ngara bita er a rechad el mochu er a kodall el tir a mui er a klaumerang er a Osobel e ngara deureng osengir.

A chimong a chad el telungalek er ngii a di mle iliuekl er ngii. Ngii me a bechil a ko er a mle kekerei el chadecheduch er a ksiseb ngak me a ngelekek el sechal. Ak mla medengelterir el betok el rak. Ak mla mesa Tngakireng er a Jesus Kristo loureor er a klengar tir me a rechedal a telungalek er tir.

Te mla tibir el torob a tekoi er a ukeruul el ua longemanget er a klengar ngii. Aki kmal mlo kellechakl er a longedecheduch er kemam. Ng mle klikmechur e chotii omereng el saul er ngii el kirel a klikiid lurerel ebangkelio er a klengar ngii me a betik er a rengul telungalek er ngii. Ng millekoi el kirel aikel klebokel el rak losiou er a chelsel a templo. Ngokiu ongtil, e a ngelekek a uleiitel a cheledaol cheluch er a bdelul. E ak mlo olterekokl er tial chedaol cheluch. Mesel krirelii, eng mle bleketakl er a uldesuek el kmo ngika el chad a di kmedu el mo kaseues ngii me a Osobelel.

Ak mle yaksok me bo lolchesuar a deureng, beltikereng, me a kengei er a Osobel. Ng kmal mle klikmechur er a ki morolang. A ulebongel el tekingel mei er ngak a kmo “Msbedii a Kathy el kmo ng betik a renguk er ngii.” A bechik, er a Kathleen, a chelsel a betok el rak eng mla mengelechel er a betok el telcheroll er a telungalek er ngii el mo kongei er a ongtil Osobel el mei er Ngii, e meruul e oltirakl a telbiil, el uchul a deureng el mal mo er tir eleng uchul a klou el chedaol.

Ng mlad er a tal sikang er a uriul. Sesei el sandei ruriul er a lemad, e a bechil a mlei loba omiange el mo er a bechik me a ngak. Ng kmal mle klikmechur er a ki mchadecheduch. Ng millekoi el kmo, “A kulemdasou el uase ak mo omelchesiu el ngara klengitelreng e sabisi. Eng di a kmal ngara deureng. Omomdasou e tiang di ungil?”

Me ak medengelii sel beltikereng er ngii el mo er a bechil me tir el terung el mla mo medengelii, e oubeltikereng, e mesiou er a Rubak, e ak dilu er ngii el kmo a deureng lolchesuar a ngii a yaksok el sengk er ngii le ngii, lokiu a blakereng lomesiungel, eng mla mo chedaol. A chedaol klengar ngii a uchul eng oba tial deureng.

A rebebil lorrenges er chelechal sils a locha melchedech el kmo: “Ngera uchul meng diak kulchesuar sel budech me a deureng el mla metib el kirir a reblak a rengrir? Ng mla blak a renguk er a chelsel aikel meringel longarm, eng di diak kumelchesiu er a deureng.”

A Profet Joseph Smith meng dirrek el mlo chelbangel ongarm. Ng milluluuch lolengit a ngesou er a lengara blil a kelebus er a Liberty, Missouri. Ng kmal mla blak a rengul kirel a Rubak. Ng mla mukeroul el mo chedaol. Eng di ng mlo omelchesiu el kmo ng diak a deureng el kirel.

“A Rubak a ulsischeklii er a klubelel a kllou el reng el kid el rokui ousbech er ngii a lebebil er a taem, e sebechel mo kemanget el taem, er tial klengar er a skeng. Tiakid a klemechel a Rubak el mo er a blak a rengul e ngara ringel el profet er Ngii:

“Ngii a dilul kmo alsekum a Joseph a ulebidokel ra kliokl, malechub eng mlora chimorir a romekeuad, el kirel mo okodall; a lulbidokel er a dmolech; alsekum a meklou el chedesaoch a subechii er ngii; alsekum ea mesisiich el eolt a mo cherreuel; alsekum ea babeluades a chemudel a iilkolk, ma rokui el tekoi a mo dmak el tongetengii a rael; e sel kmal ngaruchei, alsekum e ngobok a tungelel a beluu er a ngau el kirel, e ngii a kirel medengei el kmo aikal rokui el tekoi a mo klubelel, e mo klungiolel.

“A Rubak a dilu er ngii el kmo a Ngelekel a Chad a mla ngosechekl er a ikal rokui. E uleker el kmo ngii ngarbab er Ngii?

“A leuaisei, e moutekangel, le priesthood a di melemolem lobengkem; le ngerrengodel er kau, el diak el mochib. Ngulcherangel a sils er kau a kudengei, me a rak meng diak lak kudengei; a leuaisei, e lak ko medakt aikel loruul a chad, le Dios a diobengkem el mo cherechar.

Tia osisiu el suobel el Rubak a milsa Job, el siliseb er a klou el ringel meng mlo sebechel a Tngakireng el rulii el mo chedaol. Kede medengei el kmo a Job a mle chedaol chad, le cheldecheduch el kirel a kmo: “Ng mla er ngii a chad er a beluu er a Uz, el mle ngklel a Job; e ngike el chad a mle kedung e melemalt, e mengull er a Dios, e ouketui er a mekngit.”

E sola ririid a iltetel a Job, me a telungalek er ngii, me a klisichel a bedengel. Kom locha medengei el kmo a Job a ulemededenger el kmo tial chedaol klengar ngii, lengiluu lokiu aikel meringel longarm, a uchul eng sebechel nguu a ngarbab el deureng. A Job a ulemes er ngii el kmo tial uaia lechedaol klengar ngii a bai uchul a klengitelreng.

Eng di a Rubak a milsa Job osisiu el suobel el Ngii a milsa Joseph Smith. Ng milcherei Job meng mlo rutechii a rengul er a ringel loba chedaol osengel. Ng millekoi:

“Mokesengii a usekerem le ke sechal; le kmo oker kau, e kirem longer ngak.

“Ke mla er ker sera berekii a dodai er a beluulechad? mouchais, alsekum eke medengei.

“Ng techa ulechotii a klungel, ke medengei? a lechub eng techa milluches er a lecheklel?

“Ng techa ulekes aikel dodai? a lechub eng techa riruul aikel saus er ngii;

“Sera lobuu a llomes me a btuch longitakl, e a rokui el ngelekel a Dios a uleldiu er a deureng?”

Uriul, er a louchel a rengul a Job lulemdasou er a Dios el kmo ng diak el melemalt, eng mlo sebechel a Job el mes aikel ongarm el dilubech er ngi er a chelsel a lmuut el ngarbab e chedaol teletael. Ng mla ouchel a rengul.

“Me a Job a ulenger er a Rubak, el kmo,

“Ak medengei el kmo kau a sebchem el remuul a rokui el tekoi, e diak a ngera el diak modengelii.

“Ng techa omart a omellach el diak a klemedengei er ngii? ak mla dmu tekoi el dimlak kudengei; el kmal klebokel el tekoi , el dimlak kudengei.

“Mrengesak, a kulengit er kau, e kungedecheduch: ak mo oker kau, e kemo ounger ngak.

A dingak a rirngesau: eng di chelecha e a medak a mla mesekau.

“Mechelecha eng di ngak louketui er ngak, e mla ouchel a renguk el di mo uaia chab.”

Uriul er a louchel a rengul a Job e luueta el mo chedaol, e a Rubak a ulemekngeltengat er ngii lengelakl er a ikel milngai er ngii el kloklel. E sel kmal ngarbab el klengeltengat el mlo er a Job a mlo chachisois a chedaol klengar ngii lokiu ongarm me a ouchel reng. Ng mlo sebechel mo nguu a ngarbab el deureng er a ikel sils le kiliei.

A ngarbab el chedaol klengar a diak lemei el diokiu ongit el kirel. Ng mei sel doruul aikel kirel kedmekill el mo er a Dios el rullid el mengodech.

A President Russell M. Nelson a mla meskid sel uaia lekot el ungil tekoi el kmo kede mekera e ngara tial rael er a telbiil el mo nguu a ngarbab el chedaol klengar. Ng tiletkii a rael er a longelechel er kid el kmo:

“Bo betik er sel klisichel a ouchel reng—e mtelkib el merael mo ungil er a bek el sils.

“Sel dolilt el mo ouchel a rengud, e kede melilt el mengodech! Kede kongei er a Osobel el mo ngodechid el mo er sel kmal ungil kid. Kede melilt el mo mukeroul er a chedaol tekoi e mo nguu a deureng— sel deureng er a mo suobel lokiu Ngii. Sel dolilt el mo ouchel a rengud, e kid a melilt el mo uaia Jesus Kristo!”

A President Nelson a millemolem el meskid tiakid lolisiich el kirel a blakereng er kid el muut el mo chedaol: “A Rubak a diak longerchir kid el mo cherrungel er chelechal taem. … E ng di Ngii a mengerchir kid el merael mo klikiid. A ouchel reng er a bek el sils a ngii a rael el mo klikiid”

A President Dallin H. Oaks, er a cheldechedechal er a klou el ongdibel ruchei, a dirrek el ngosukid el mo dmolech osenged el kirel a mukeroul er a chedaol klengar e mekera bo dodengei el kmo kede merael bedul ngii. Ng dilu el kmo: “Kede mekerang e mo nguu chedaol klechad? Kede mekera e mo nguu tiaikid el dauch er a chedaol klengar el sebechel Chedaol Reng el melemolem el kldemed? Kede mekerang e mes e merritel a tekoi er tial beluulechad loba diak a ulebengelel losenged?”

A nger er a President Oaks a kmo ngomuchel lokiu a mesisiich el klaumerang er a Jesus Kristo el ngii Osobeled. Ng mekrolid el mo olengit a klausubes er a bek el sils e mo melbedebek er Ngii er a bel el sils sel doltirakl a Llechul. Tial mesisiich el klaumerang er a Jesus Kristo a mei sel domekeek er kid er a bek el sils er a Tekingel.

Sel chelitakl el kmo “More Holiness Give Me” a meketeklii a teletelel a nglunguuch el ngosukid el muut el mo chedaol. A milluches er ngii a kmal meduch el smodii el kmo a chedaol klengar el dosiik er ngii a sengk er a Dios, el cherengel a taem eng mei, ruriul er a ikel rokui el deruul. Kom dobedebekii sel lulebongel el bades:

Ngii di el teletael el dengara chelsel, ngi di el ker el dengarngii er a rolel a telbiil el mo remei, ea nglunguched el kirel a ngarbab el chedaol klengar bol monger. Ak medengei el kmo ongtid a morenges, e a deureng er kid a mo chachisois. Ng locha mo meoud el mei, eng di ng mei. Tia kudengelii el mla er a oubeltikereng el Chedam er a Babeluades me a Ngelekel Sechal, er a Jesus Kristo.

A kuuchais el kmo a Joseph Smith a mle profet er a Dios, e a President Russell M. Nelson a ngar el profet er kid er chelechal sils. A Dios el Chedam a ngar e betik a rengul er kid. Ngii a soal a deluut el mo remei er a chelsel a telungalek. A oubeltikereng el Osobel a siotai er kid el mo oltirakl er Ngii er tial lomerolled el mong. Tir a mla kudmeklii a rael. El ngara chedaol ngklel a Jesus Kristo, amen.