Uriul er a Ongarm er a Klengar Kid

Se er ak ngalek, Frank Talley, e chedal a Ikelesia, a ululdares el mo olngeseu er a telungalek er ngak er a kuk di skoki er ngii er a Puerto Rico el mo er a Salt Lake me ki bo moak er a templo, eng di a mle kedeb e a cherarou a mo duum. A tara ochedak, er a Marivid, a mlo smecher. Diak el bol tabesul, a rechad er a blik a miluluch el kirel a kmo te mekerang e te dirrekl el dirk melchesuar el kirir el mo e tial omerael. Te mle oumerang el mo oliterakl er a Rubak, me a telungalek er kemam bol selbechakl el mukngeltengat—e mlo uaisei.

Ng diak el iior er a ringel er a klengar, ng sebeched loumera er a Jesus Kristo el mo kudmeklii a rael sel dorael lultuil er a klaumerang er sel ngii a soal. A Dios a mla yaksok er tirkel blak a rengrir loltirakl a telbiil el blal ruul Lobengkel, el ngara temel, a mo ngmai aikel klengeltengat er Ngii. A Elder Jeffrey R. Holland a dilu el kmo, “A bebil er a klengeltengat a mereched el mei, a bebil a uriul, e a bebil a diak el mei el morsel debora babeluades; eng di tirkel urrekodel er a ebangkelio er a Jesus Kristo, sel mei.”

A Moroni a silodii el kmo a “klaumerang a tekoi el doureng el kirel el diak deues; a leuaisei, e lak louedikel a rengum le kau el diak mesang, leng diak mnguu a sioning el dimerekmo bo moumerang.”

A ker er kemam a, “Kede mekerang e sebeched el obangel a ongarm el mei er kid?”

Sel kot el cheldechedechal e a Merredel er a Ikelesia, el President Russell M.Nelson a ulisechakl: “Kemam el ngara First Presidency a somam lomuchel loba ulebongel el ngara uldesuam. Tiaikid a uchul, e a ki ngara templo e mengedecheduch er kemiu er chelechal sils. A ulebongel el dersta er kid osiik er ngii a mo ngmai a klengeltengat er a chelsel a blil a Rubak, mo moak el telungalek, e blak a rengud loltirakl a telbiil el mekedmokl er a chelsel a templo el ngii a mo uchul e kede mo nguu sel ngarbab el sengk er a Dios— er a diak a ulebengelel klengar. A chedaol ruoll er a chelsel a templo me a telbiil el mruul er a chelsel a ngii a mo smisichii a klengar kau, chebechiielem me a telungalek er kau, me a techellem el mo odngakl odechelakl er a cherarou. A omengull er kau er a chelsel a templo me a omesiungem el kirir a rebeldekem a mo klengeltengat leko er kau e mo smisiich chedaol ocholt me a budech e smisichii a blak el reng er kau el melemolem el ngara rolel a telbiil.”

Sel doltirakl er a ngerel a Dios e dengara rolel a telbiil er Ngii, e Ngii a mo melisiich er kid sel mei ongarm.

Sel omerael er a Telungalek er ngak el mo er a templo er a ngara mong a mle meringel, eng di se er a ki bo er a templo er a Salt Lake City, Utah, delak, mui er a deureng me a klaumerang, “Aki di mo daijob; a Rubak a mo kumteklid.” Aki mlo merenged el Telungalek, me a merengekek a mlo ungil. Tia dilubech ruriul er a ongarm el blar ngii a rechad er a blik me a otireklir a rechad er a blik er a Rubak.

Tiang a ocholt er rechad er a blik a dirk mengodech er a klengar kemam er a chelechal sils. Tial okesiu a kmal mlo klou a belkul sera lolisechakl er kemam aikel ngera uchul er a ebangkelio e ngilsukemam el mo medengei a belkul, me a moktek er ngii, me a klengeltengat el mei lokiu ebangkelio. Sel dodengei aikel ngera uchul er a ebangkelio er a Jesus Kristo a dirrek el ngosukid el obangel a ongarm loba klaumerang.

Sel ngaruchei, a rokui el el tekoi a Dios a mengemdaol e olengit er kid el mo meruul a olchotel a beltkil a Rengul el mei er kid e sel soal er a Rengul el mo meskid aikel klengeltengat el kid a mo ngmai el kirel a klaumerang. Ng diak domdasou el kmo a rengeleked a di tir el mo mesuub el sorir ebangkelio; ngercheled a roungalek lolisechakl er tir. Sel dolngeseu er a rengeleked el mo temekerang e mo meduch el melilt er a ungil, e a melemalt el okesiu er kid a mo omekrael er tir el mo melilt er a llemalt. A ungil klengar tir a mo ngosuterir a rengelekir el mo medengelii a klemerang er a ebangkelio.

Ngeasek el sechal me a ngeasek el redil, mrengesii a profet el ngii a mengedecheduch er kau er chelechal sils. Mosiik a chedaol el klemerang e mosiik el mo medengelii a ebangkelio el kiriru. A President Nelson a dirk millekoi el kmo: “Ngera llomes a diak molab? … Moltirkal okesiu er a Profet Joseph. Msikii a chelellakl el basio. … Bol ngariou a rengum er medal a Dios. Modersii a rengum el mora Demam er a Babeluades. Mobult el mo er a Ngii el kirel a nger.” Sel mosiik a ulekrael el mla betik a rengul el Demam el ngara Babeluades lokiu a nglunguuch, orrenges a tekingir a rengar el profet, e momes a ungil okesiu er a rungil loungalek, e kau a dirrek el sebechem el mo mesisiich loku a klaumerang er a telungalek er kau.

Mo er a chedam me a chedil el ngar ngii a rengelkir el tir a mla merael el mo cheroid er tebiil el rael, mekokemiu el moluut. Molngeseu er tir el mo medengelii a klemerang er a ebangkelio. Momuchel er chelechang; eng dirkak bol meoud.

A okesiud er a melemalt el klengar a sebechel klou a relii. A President Russell M. Nelson a dilu el kmo: “Kid a Ruriul-klebesei el Santo, a mla mo smau lomdasou el kmo a ‘ikelesia’ a tekoi el di duubech er a chelsel aika lomekedecheraol, lultuil a ngesou er a blai. Kede ousbech el mo ngodechii tial teletael. Ng mla mo taem el Ikelesia er a blai, a bai olngeseu aikel mekedmokl er a chelsel a branch, ward, me a stake.”

A chedaol llechukl olisechakl, “Mosischeklii a ngalek er sel kirel morngii: e a lorael mo klou, eng diak bol cheroid er ngii.”

Te dirrek el millekoi el kmo, “Ele osisechakl, a rullii a chad meng mo meruul a llemalt—choi, ng klou a klisichel er a uldesuel a chad er a saider, malechub eng ngii dil ngerang, el mla duubech el mo er tir—me a Alma a ulemdasou el kmo ng klou a belkul lebo er a chesemel a tekingel a Dios.”

A cheldechedal a redil el ngii a mle kesib a rengul er a ngelkel el sechal el ngii a milengang a betok el kande. Ng diak el ior a betok el taem ledu er ngii el mo stob, ngii a milemolem el meruul a rengul el mega merkos. Meng klsbengel a rengul, eng ngilu a ngelekel el mo omes er a mellomes a rengul chad el sal mengull er ngii.

Meng mlo duum er ngii e dula el kmo, “Rubak, ngika el ngelekek a smiich el menga kande. A kulengit me mdu er ngii me bolak longang?”

Ng mlo ungil el lorenges er ngii e dula er ngelkel, “Bom rei e mluut el mei er a eru el sandei.”

Ngilu a ngelekel e mlo remei, rau a rengeul el kmo ngeram meng di mlak el loker er a ngkal buil el mo stob el menga betok el kande.

Uriul er a eru el sandei e te lueta. Ng kmal lulngengii ngika el buik e dula el kmo, “Kau el buik, ng kirem el mo stob el menga betok el kande. Ng diak lungil er a bedengem.”

Ngkal bui a mengesim er bdeul e yaksok el kmong rulii.

A delal ngikal buik a uleker, “Ngera meng dimlak mdu er ngii er a erul sandei er a memong?”

Ngkal mellomes a rengul chad a mlo klikmechur. “Erul sandei er a memong e ngak a dirk mle menga betok el kande.”

Ngkal chad a mla kiei er a melemalt el klengar meng mle medengei el uase ngmorngii a klisichel a tekingel alsekum ngii oltirakl a tekingel.

A omerelled er mederir a rengeleked a kmal meisiich sel lomes er kid el mui er a klaumerang e ngara rolel a telbiil. A profet Jacob er a chelsel a Babier er a Mormon a okesiul osisiu llemalt. A ngelekel er a Enos a milluches el kirel a osischeklel a demal:

“Ngak, el Enos, a medengei el kmo a demak a mle melemalt el chad—le ngulsischeklak er a llechul, me a teletelel me a tekingel a Dios—me a ngklel a Dios bol modanges el kirel. …

“… El tekoi el blek blechoel lorrenges er a demak el melekoi el kirel a diak a ulebengelel klengar, me a deureng er a resanto, a kmal mlo selchedekl er a renguk.”

A rederrir tirkel erul telael soldau el Lamanites a ultirakl er a ebangkelio, er a chelsel a teletael el uchul e a rengelekir a mlo mui er a klaumerang. A mengeteklir a ulechais el kmo:

“Tir a mlo sisechakl lokiu a derir, tia alsekum eng diak el rau a rengerir, a Dios a ngosuterir.

“E dilu er ngak a tekingir a rederrir, el kmo: Ng diak ki medakt le redelemam a mle medengei.”

A Enos me tirkel el soldau a mlo mesisiich lokiu a klaumerang er a rechad er a blirir, el ngilsuterir er a chelsel ongarm er a klaumerang.

Kid a ngeltengat er a mla molut el ebangkelio er a Jesus Kristo er chelechal taem, el sobecheklid sel bol moualech a rengud e dengara ringel. Ng kired el mo lomalt a omeroled el mo meruul a urelel a Rubak sel bol temel sel sekum e ke de mo er lemalt lokiu a cherrariou er a klaumerang er kid.

A bechik me a ngak, lobengkel a Area Presidency, a dirk ulebengkel a Elder David A. Bednar el mo olterekokl er a Templo er a Port-au-Prince Haiti. Ngelkam el Jorge, eng ngii a ulbengkemam, a uluchais er tial omeruul: “Kmal ungil, Bapa! Sera lomuchel a Elder Bednar er a nglunguuch lolterekokl, ak mlo omelchesiu er tial rum el mekekeald e mellomes a chelsel. Tial nglunguuch a dilchelii kelmedengei er ngak el kirel a moktek er a templo. Ng meral blil a Rubak.”

Chelsel a Babier er a Mormon, e a Nephi olisechakl er kid el uase sel soad el mo medengelii a soal a Dios, e Ngii a mo melisiich er kid. Ng milluches el kmo, “Ngak, el Nephi, el kmal dirk kekerei … eng di mal soak el mo medengei a bertelel a Dios, a leuasiei, ak miluluuch el mora Rubak; e ngii a mle duum er ngak, e chileklii a renguk mak mlo oumerang a rokui el tekoi el blal dung a demak; a leuaisei, eng dimlak kumtok er ngii el uai tirkel obekuk.”

Rodam me a rodos, dengesuterir a rengeleked me tirke ngara bita er kid el mo oltirakl er a rolel a Dios er a telbiil me a Chedaol Reng bo lolisechakl er tir el demdemk a rengrir el mo semeriar loltirakl er Ngii er a chelsel a klengar tir.

Sel kumtab okesiu er a rechad er a blik, ak mtebengar el uase a klaumerang er kid er a Rubak el Jesus Kristo a mochotii er kid a rael el ngoikemam el muut el mo remei er a babeluades. Ak medengei el uase a ongasireng a mei ruriul er a ongarm er a klaumerang.

A kuchais er a klaumerang er a Jesus Kristo me a tngakireng er Ngii. Ak medengei el kmo Ngii a Osobel e Sebechekled. Ngii me a Demad er a Babeluades a mlei e rsel tutau er a spring 1820 el mo er a ngeasek el Joseph Smith, el ngii a profet er a Oluut. A President Russell M. Nelson a profet er chelechal sils. Loba ngklel a Jesus Kristo, amen.