I hea ’oe e ’ite mai ai te pūai ’ia putapū ana’e ’oe i te pāto’ira’a ?

Tau matahiti i ma’iri a’e nei, ’ua ’āmui atu vau i roto i te hō’ē ’ātīvite ’e te tahi mau feiā ’āpī ’e e rave rahi misiōnare. Tā mātou fā ’o te ani-manihini-ra’a i te ta’ata ’ia haere mai ’e e ’āmui mai i te hō’ē purera’a ’ōro’a ta’a ’ē.

’Ua ’oa’oa roa vau i te rirora’a mai tā mātou mau misiōnare. ’Ua ti’a roa ia mātou i te ’ōpere i tā mātou mau parau anira’a i te tahi mau ta’ata tā mātou i fārerei. I te taime nō te ’ōpere i te tāreta hope’a, ’ua fa’auruhia vau e te Vārua ’ia haere atu e fārerei i te hō’ē ta’ata ta’a ’ē. ’Aita rā ’oia i fa’ari’i maita’i i tā mātou anira’a ’e ’ua tīahi ia mātou.

’Ua ’oto roa vau i te ’itera’a i teie ta’ata i te pāto’ira’a i te here o tō tātou Fa’aora. ’Ua ’ite au e rave rahi ta’ata e pāto’i nei i te anira’a a te Mesia ’ia haere mai iāna ra. ’Ua ’ite ato’a rā vau ē te hōro’a-noa-ra’a i teie anira’a, tē tanu ra mātou i te hō’ē huero i roto i te ’ā’au o te mau ta’ata. ’Ua ha’apūai teie ’ohipa i tupu i tō’u ’itera’a pāpū noa atu ’ua pāto’ihia tā’u anira’a. ’Ua ’ite au ē nā roto i te Mesia, e tupu te mau mea ato’a, ’e ’ua tāmau noa vau i te fa’aineine iā’u nō te tāvini i te hō’ē misiōni ’e nō te ’āfa’i mai ia vetahi ’ē iāna ra ’e i tō tātou Metua i te ao ra.