Maja C.

Hōho’a nā Christina Smith

’Ua fa’ata’a tō’u metua vahine ’e tō’u metua tāne i te piti ’e te ’āfa o tō’u matahiti. Tē haere ra vau e fārerei i tō’u metua tāne i te mau ’āva’e ato’a, ’e i tō’u ’āpī-roa-ra’a, e mea ’ārearea mau te reira. I tō’u rā pa’arira’a mai, ’ua tupu te tahi mau au-’ore-ra’a i rotopū ia māua ’e ’ua haere roa i te ’inora’a.

Tē ha’amana’o nei au i te ta’ira’a i tō’u metua vahine nō te mea ’aita vau i hina’aro fa’ahou e haere e fārerei i tō’u metua tāne. ’Ua parau tō’u māmā, « ’a pure, ’e e maita’i mai te mau mea ato’a ». ’E ’ua nā reira vau.

’Ua tauturu mai te Atua iā’u ’e i tō’u metua tāne. I teienei, e mea maita’i roa tō māua aura’a. Tē paraparau nei māua, ’e e niuniu mai ’oia iā’u ’ia haere ’oia i tōna fenua ’āi’a, i Macedoine, ’ia nehenehe iā’u e paraparau i tō’u feti’i i reira.

’Ua riro noa Iesu Mesia ’ei pūai nō’u. E tāmatara’a rahi ana’e tō’u i te fare ha’api’ira’a ’aore rā i te fare, tei reira noa ’oia nō’u. E putapū tāmau noa vau ē tē pāturu nei ’oia iā’u.

Tē māuruuru nei au nō te fa’a’itera’a mai tō’u metua vahine iā’u i te ’Ēkālesia ’e i te Atua, nō te mea ’ua tauturu rahi te reira ia māua i roto i te roara’a o te mau matahiti. Tē vai ara noa nei te Atua ’e ’o Iesu Mesia i ni’a ia māua.