E maita’i mai au

Fa’ahōho’ara’a nā Katelyn Budge

E ’ahitahita vau ’ia ’āmui ana’e vau i te mau piha ha’api’ira’a a te ’Ēkālesia ’e i te séminaire ’e ’ia a’o ana’e vau i te purera’a ’ōro’a. E mea au rā nā’u ’ia ha’amana’o Te Ha’api’ira’a Tumu ’e te mau Fafaura’a 84:88 : « E vai au i tō ’outou pae ’atau ’e i tō ’outou pae ’aui, e vai ho’i tō’u Vārua i roto i tō ’outou mau ’ā’au, ’e e fa’a’ati ho’i tā’u mau mēlahi ia ’outou na, nō te pāturu ia ’outou na ».

’Ia tai’o ana’e au ’aore rā ’ia ha’amana’o i te reira pāpa’ira’a mo’a, e putapū vau ē tē hi’o mai ra Iesu iā’u ’e tē pāturu nei iā’u. E tauturu ’oia iā’u ’ia hape ana’e au.

E putapū vau ē, ’ua fa’aineine te Metua i te ao ra i teie mau rāve’a nō’u. E fa’ati’a ’oia iā’u ’ia rave mai tō’u pūai ato’a, noa atu e mea fifi roa.

Noa atu e aha te tupu mai, e maita’i mai au, nō te mea e tauturu mai te Metua i te ao ra ’e ’o Iesu Mesia iā’u, mai te peu e ’ohipa vau ma te fa’aro’o.