Tabang sa Dios sa Paghigugma sa Akong Igsoong Lalaki

Paghulagway pinaagi ni Adam Howling

Naa koy gamayng problema sa akong relasyon sa akong igsoon nga si, Michael. Normal lang nga mga butang sa managsoon, sama sa maglagot mi sa usag-usa. Apan dugay na kong nag-ampo sa Dios sulod sa pipila ka semana nga panalanginan si Michael ug tabangan ko nga higugmaon siya ug magmabination kaniya.

Dayon usa ka Dominggo sa panagtigom sa sakramento, ang akong igsoong lalaki didto sa lamesa sa sakramento aron siya makapanalangin sa pan. Samtang giapod-apod ang pan, nag-ampo ko og laing gamay nga pag-ampo sa akong hunahuna: “Ginoo, palihog panalangini ang akong igsoon nga si Michael og kalipay.”

Nianang higayona, gibati nako kining dakong pagbati sa gugma alang sa akong igsoon, ug akong naamgohan kon unsa ka dako ang gugma sa Diyos kaniya. Ang pagbati hilom ra ug ligdong, apan hilabihan kadto ka gamhanan alang kanako.

Human sa sakramento, miduol si Michael ug milingkdod. Kiwaw kaayo, pero milingi ko niya ug gisultihan siya nga gihigugma siya sa Dios.

Nabati nako ang gugma sa Dios para sa mga tawo sa palibot nako, ug gibati nako kini sa personal. Nasayod ko nga gihigugma sab ka Niya.