“Kwaļo̧k Naan eo Em̧m̧an,” Jera, M̧aaj. 2026, 36–37.
Kwaļo̧k Naan eo Em̧m̧an
Juon bwebwenato em̧ool jān Kenya.
Juon Jabōt in Ijtō emeram, Ryan ekar ruj ke joraanļo̧k im ettōr n̄an jikin kōm̧m̧an m̧ōn̄ā eo. Emaron̄ et neman ni im tōļaj ko jān mahamri eo jinen ej kab kōm̧m̧nae. Ryan ekar kūttake jidik in juon iaan tonaaj ko remeeņeņ, retebu triangle. “Mum! Ej Ijtō. Jemaron̄ ke alooje pija in Jisōs rainin?” ekar kajjitōk kōn juon ettōn̄ dikdik.
Mum ekar reilo̧k n̄an e im ettōn̄ dikdik. “Aaet!”
Ļaddik jidikdik eo jetin Ryan, ekar ettōr ļo̧k n̄an nam̧bōj ke Jinen im Ryan rekar jijet laļļo̧k im alooje pija eo.
Rekar loe Jisōs Kraist ej kōm̧m̧ani kabwilōn̄lōn̄ ko im jerbal n̄an armej ro. Innām ke armej ro rekar kōmetak Jisōs, mejān Ryan ekar obrak kōn kōmejaaļaļ ko.
“Mum, etke rekar kōm̧m̧ane n̄an Jisōs?” ekar būrom̧ōj an kajjitōk.
“Ekar kāālet n̄an en̄taan kōn kōj,” Mum ekar ba. “Elukkuun iakwe kōj, Ryan “Ekar mej bwe jen bar mour.
Ke pija eo ekar kwaļo̧k an Jisōs Kraist Jerkakpeje, Ryan ekar ettōn̄ dikdik. Lale, Mum! E ej bar mour”
“Ejim̧we,” Mum ekar ba. Em̧ōj an jerkakpeje! Āinwōt an kar enjeļ eo ba ilo Baibōļ.”
Tokālik, Ryan ekar wan nabōjļo̧k im ikkure. Ekar loe Liam ej ikkure kōn aļaļ ko ium̧win wōjke m̧an̄ko eo.
“Liam! Ikōņaan jiron̄ eok juon bwebwenato em̧m̧an ” Ryan ekar ba.
Liam ekar kōttar ke Ryan ekar jijet laļļo̧k ilo wōjke m̧an̄ko eo. “Ej ke kōn waan ettōr ko?”
“Jaab. Em̧ool em̧m̧anļo̧k!” Ryan ekar ba. “Ej kōn Jisōs. Ekar mej, bōtaab E ekar bar ro̧o̧ltok n̄an mour.”
“M̧ool ke?” Liam ekar kajjitōk.
“Aaet! Juon enjeļ ekar ba, ‘ejjab pād ijin, bwe E em̧ōj an jerkak!’ Ej meļeļe bwe jemaron̄ bar mour ippān doon barāinwōt.”
“Wow!” Liam ekar ba. “Jisōs elukkuun in kajoor.”
Ryan ekar m̧am̧ajidjik. Eaar ļōmņak kōn ewi jon̄an an Jisōs Kraist kar iakwe e. Ekar kōm̧m̧ane būruōn en eobrak im m̧ōņōņō Ekar kwaļo̧k naan eo em̧m̧an ippān baam̧le eo an, im ekar kōm̧m̧an bwe m̧akūtkūt in Ijtōn eo an em̧ool en ļapļo̧k an ainjuon.
Kōmeļeļe ko jān Magarida Esteves. Maron̄ kōm̧m̧an kape n̄an jerbal ko an Kabun̄ in wōt.