Ilowaan Wiik Kwojarjar Eo

Ilo Palm Sunday eo, armej ro rej iak iakweiki Jisōs Kraist ke Ekar itok n̄an Jerusalem. Rekar lam̧ōj “Hosanna” n̄an keememe. Hosanna ej juon naan in Hibru n̄an “jouj lo̧mo̧o̧ren kōm.”

Ilo bon̄ōn̄ eo an Kwojkwoj in Kijoone eo Āliktata, Jisōs ekar kwaļ neen rikaļoor ro An. Ekar kwaļo̧k juon waanjon̄ak in jerbal in jipan̄ ettā n̄an ad ļoore.

Ilo Jikin Kallib Gethsemane, Jisōs Kraist ekar jar im kar en̄jake metak ko im jorrāān ko an aolep kajjojo armej. E ekar en̄taan kōn jerawiwi ko ad.

Josep in Arimathea eo ekar kajjitōk eļan̄n̄e emaron̄ kōjparok ānbwinnin Jisōs Kraist ālkin an kar mej. Josep ekar ajeļo̧k lōb eo an make ekāāl n̄an Jisōs bwe en juon jikin kakkije em̧m̧an.

Meri Magdelen ekar armej eo jinoin tata n̄an loe Rilo̧mo̧o̧r ālkin Jerkakpeje eo An. Liin ekar ettōrļo̧k n̄an jiron̄ Rikaļoor ro nuuj eo em̧m̧an!

Ālkin mej eo An, Jisōs Kraist eaar loļo̧k “sip ko jet An” ipeļaakin laļ in. Juon jikin Ekar loļo̧k ekar Amedka kaņ. Rekar en̄jake kinej ko ilo pā ko Pein im Neen im kar jeļā bwe E ekar jerkakpeje Rilo̧mo̧o̧r eo em̧ōj an Jerkakpeje.