Wiik Kwojarjar eo an Mia

M̧am̧ma im Baba rej riiti bwebwenato in Deļo̧n̄ļo̧k eo An ilo Jerusalem ilo jeje ko rekwojarjar. Ke Jisōs Kraist ekar etal n̄an Jerusalem, armej ro rekar kōjopelpel kimej ko im ļamōj, “Hosanna!”

Leddik eo jatū Lucy ekar jibwe juon pija in Jisōs ej iuwe ioon juon tan̄ki. Kōm kar kōjjopeļpeļ peba bōļōk ko. Ikar en̄jake m̧ōņōņō in pijaiki aō karuwaineneik Jisōs.

Jisōs ekar inepata bwe armej ro rekar wiakake men ko ilowaan tampeļ eo, kōn menin Ekar ju nam̧ōjļo̧k. Kōm kar kotaki kopej ko jān m̧ar ko ipeļaakin m̧ōnjar eo. Ikar m̧ōņōņō bwe kōm kar maron̄ jipan̄ kōjparok m̧weo im̧ōn Anij!

M̧am̧a ej riiti bwebwenato ko me Jisōs Kraist ekar jiron̄ armej ro. Kōm ron̄jaki im kōjerbale kļe eo n̄an kōm̧m̧ani men ko jān bwebwenato ko. Lucy ekar kōm̧m̧ane juon sip kōnke Jisōs ej Seperd eo Em̧m̧an. Ikar kōm̧m̧ane juon lamp jidikdik. Ekar jipan̄ eō keememej n̄an kōjparok būruwō ebōrak kōn tōmak.

Baba ekar jiron̄ kōm kōn wāween an Meri kar leļo̧k n̄an Jisōs Kraist juon oil eaorōk n̄an Neen. Nemen ekar kobrak aolepān m̧weo.

Ekar jab wōr ippām oil in ainjuon. Ijjelo̧kin, kōmkar kōjerbale cinnamon n̄an kōm̧m̧ane juon m̧ōn̄ā. M̧am̧a ekar ba bwe n̄e kōm kar nemake cinnamon eo āinwōt m̧ōn̄ā eo ekar kōmat, kōm aikuj in idaak ta eo kōm naaj leļo̧k n̄an Jisōs.

Kōm ar tili kāāntōl ko im al juon al, āinwōt Jisōs Kraist im rikaļoor ro An rekar al ilo M̧ōn̄ā in Kijone eo Āliktata. Kōm kar m̧ōn̄ā pita pilawe im idaak grape juice n̄an kakeememej kwojkwoj eo kein kajuon. Kōm kar bar m̧ōn̄ā pomegranate ko n̄an kakemeemej bōtōktōk in Jisōs, im olive ko kōn jikin kallib Gethsemane.

Ke kōm kar m̧ōn̄ā, jourur ejerom̧rom̧ inam̧ōj. Ikar en̄jake ineem̧m̧an im kam̧m̧oolol jeļā Jisōs em̧ōj kadede an kar jelm̧ae lan̄l eo emarok tata.

Kōm kar riit kōn ekōjkan an Jisōs Kraist kar mej kōn kōj. Kōm kar bōke nien wūt eo ejjeļo̧k kobban n̄an jikin kallib eo im kookjepāpeik ilo kōjaan, āinwōt juon lōb. Kōm kar illūk bwidej im dekā ko ipeļaakin ak jab kalibobobo mejān. M̧am̧a ekar letok n̄an kōm juon pija me ej bōk jikin ānbwinnin Jisōs. Kōm kar kitimi ilo juon nuknuk mouj im likūt ilowaan nien wit eo.

Mekarta ekar juon nien wūt, ikar en̄jake aō būrom̧ōj wōt ilo aō kalibubuiki mejān kōn juon dōkā.

M̧am̧a ekar ba bwe ālkin an Jisōs Kraist kar mej, Ekar ejaake jerbal in mijenede ilo laļ eo an jetōb. Wāween in armej ro rekar jab ekkatak kōn gospel eo An ioon laļ in maron̄ wōt ekkatak kake E. Ilo tampeļ ko, jemaron̄ peptaij kōn armej armej ro rekar jab peptaij m̧okta jān aer kar mej.

Lucy im n̄a kōmij lukkuun rūtto n̄an am etal n̄an lowaan tampeļ eo, ak kōm̧ ar jipan̄ m̧wijiti im būriin kaat in etan armej ro. M̧am̧a im Baba rekar kotaiki doon kōm̧m̧ane jerbal in tampeļ eo n̄an armej ro rekar pād ilo kaat ko im etetal ilo meļan ko ippām. Aaet jān nam̧ōj, tampeļ eo en̄jake eo an ekar āinwōt lan̄.

Ilo jibbon̄ in Ijtō eo dōkā eo im̧aan in nien wit eo ekar jako im nuknuk ko ilowaan rekar ejjeļo̧k kobbāer. Ekar wōr juon kaat ekar ba, E em̧ōj an jerkak!

Ikar kadede jeļā bwe Jisōs Kraist ej un eo n̄an Ijtō. Ālkin kōjeraam̧m̧ane Wiik Kwojarjar eo, ikar en̄jake āinwōt ijeļā E em̧m̧anļo̧k jān m̧okta.