Rikanaan Moses

Moses ekar juon RiIsrael, ak kar karūttoļo̧k jān leddik eo nejin Pero ilo Ijep. Moses ekar būrom̧ōj bwe Rijipt ro rekar nana n̄an Riisrael ro im kar kōm̧m̧an bwe ren rikamakoko ro aer.

Juon raan Moses eaar lo juon RiIjipt ej den̄ļo̧ke juon RiIsrael. Moses ekar bōbrae Riisrael ro.

Ke Pero eaar jeļā, eaar kōņaan m̧an Moses, bōtaab Moses eaar ko ettoļo̧k jān Ijipt.

Moses eaar itok n̄an jikin eo etan Midian, ijo eaar lo juon kōrā etan Zippora. Raar m̧are im wōr nejier.

Ke Moses eaar jokwe ilo Midian, Moses eaar lo juon wōjke me ekar uruur kōn kijeek, ak kijeek eo eaar jab tile wōjke eo. Irooj eaar waļo̧k ilo kijeek im kar kōnono n̄an Moses.

Irooj eaar ba E ekar jeļā bwe RiIsrael ro raar en̄taan ilo Ijipt. E ekar kakien Moses bwe en jepļaak n̄an Ijipt im jiron̄ļo̧k Pero bwe en kōtļo̧k RiIsrael ro. Irooj eaar ba E enaaj jipan̄ Moses kanemkwoj RiIsrael ro im tōlļo̧k er n̄an juon āneen kallim̧ur.