Bwe Kōn An Anij Iakwe Laļ

Jemādwōj Ilan̄ ej lukkun iakwe kōj aolep jon̄an E eaar jilkintok Nejin, Jisōs Kraist, n̄an jipan̄ kōj jepļaakļo̧k n̄an Ippān.

Jisōs ekar jeļā bwe enaaj wōr iien ko ilo mour ko ad n̄e jenaaj en̄jake būrom̧ōj, metak, im ajimakeke. Jenaaj kōm̧m̧ani bōd ko im aaet maron̄ mijak jet iien. Ilo Jikin Kallib Gethsemane, Jisōs Kraist ekar kāālet n̄an en̄jake aolep men ko bwe En maron̄ meļeļe im lukkuun jipan̄ kōj. E ekar barāinwōt kōļļāik jerawiwi ko ad bwe jen maron̄ ukweļo̧k. (Lale Alma 7:11–13

Jisōs ekar barāinwōt jeļā bwe n̄e iien eo ej itok, jenaaj aolep mej. Mej ej juon piktokin wōt im m̧ōttan wōt mour. Ak Anij ekar jab kōņaan mej bwe en jem̧ļo̧k eo an bwebwenato eo ad. Kōnke Jisōs Kraist ekar letok mour eo An im kar jerkakpeje, jenaaj bar mour barāinwōt. En̄in ej etke Ekar kālet n̄an mej kōn kōj.

Jej ņae etan ta eo Rilo̧mo̧o̧r eo ekar kōm̧m̧ane Pinmuur eo an Jisōs Kraist. Mennin letok in ekwojarjar ekar kōm̧m̧ane n̄an kōj kōn iakwe. Keememej, Anij elukkuun in kar iakwe laļ jon̄anE ekar jilkintok Nejin, Jisōs Kraist (lale Jon 3:16). Im Jisōs ekar lukkuun in iakwe kōj jon̄an E ekar letok mour eo An bwe jen maron̄ ro̧o̧l im mour ippān Anij bar juon alen.