“Ijtō Ipeļaakin Laļ in,” Jera, M̧aaj. 2026 28–29.
Ijtō Ipeļaakin Laļ in
Katak kōn imminene ko jān laļ ko roktak n̄an jipan̄ eok keememej Rilo̧mo̧o̧r.
Armenia
Ijin, lep in Ijtō ko rej kōļar būrōrō āinwōt bōtōktōk in Jisōs Kraist. Ilo Ijtō, armej rej ba, “Kraist em̧ōj an jerkak jān ro remej! Em̧ōņōņō Jerkakpeje eo an Kraist!” Innām rej rupe lep ko aer ippān doon.
Ghana
Elōn̄ armej rej ekkōņak nuknuk mouj ilo Jabōt in Ijtō eo āinwōt keememe Jerkakpeje eo an Jisōs Kraist im anjo̧ ioon mej.
Guatemala
Ilo iien Ijtō, armej rej kalbubuiki iaļ ko kōn rak ko rekōļarļar kar kōm̧m̧an jān kijen jidpān im wūt ko. Rak kein elōn̄ jon̄ak im ļam ko aer raiboojoj. Jet ewōr pija in Rilo̧mo̧o̧r ie.
Germany
Bōļaide in Ijtō eo ej juon “holiday eo elūr” kōn mo̧ ko kōmālim ikkijien ainikien ko reļaaj im iien m̧akūtkūt ko an aolep armej. Menin ej kōtļo̧k an armej maron̄ ikōn̄ wōt im kejōkļo̧kjeņ kōn ta eo Jisōs Kraist ekar kōm̧m̧ane n̄an er.
Peru
Elōn̄ baam̧le ko rej kōm̧m̧ane juon m̧ōn̄ā in kijoone eo ewōr 12 pileej in m̧ōn̄ā ko ilo Taije im Bōļaide m̧okta jen Ijtō. Iien m̧ōn̄ā in ej jutak kōn Kwojkwoj in Kijoone eo Āliktata me Jisōs Kraist ekar m̧ōn̄ā ippān Jon̄oulruo Rijilōk ro.
Philippines
Palm Sunday eo, armej ro rej kōjopālpāle kimej in wōjke palm ko n̄an waļo̧k ļam̧ļam̧ ko raiboojoj. Menin ej jipan̄ er keememej wāween an armej ro ilo Jerusalem kar karuwaineneik Jisōs Kraist kōn kimej wōjke palm ko ilo Wiik Kwojarjar eo.
Kōmeļeļe ko jān Flavio Remontti. Maron̄ kōm̧m̧an kape n̄an jerbal ko an Kabun̄ in wōt.