“Tibwa te Rongorongo ae Raoiroi,” Rao, Maati 2026, 36–37.
Tibwa te Rongorongo ae Raoiroi
Te karaki ae koaua mai Kenya.
Moaningabongin te Itita, e utimwaaka Ryan ao ni biri nakon te umwa ni kuuka. E aroka boin te raniben ao te kare ae karaoia Tinana. E anaa teuana Ryan ao ni kana, te tonati ae rang bubura. “Tinau! Ai bon te Itita! Ti kona n tamnei n tamnein Iesu?” e titiraki ma te moangare.
E taraia tinana ao ni moangare. “Eng!”
Tarin Ryan ae uarereke, Liam, e biribiri itinaniku ao Ryan ma tinaia a tekateka ao n mataku n te tamnei.
A noora Iesu ni karaoi kakai ao ni beku ibukiia aomata. Ao ngkana e kammarakaki Iesu irouia aomata, e kaonaki matan Ryan n te ranimata.
“Tinau, Bukin tera ngkai a karaoa anne n nakon Iesu?” e titiraki ma te nanokawaki.
“E rineia bwa e na rawawata ibukira,” e kaeka te Tina. “E rang tangiriira, Ryan. E mate bwa ti aonga ni manga maiu riki.”
E wingare Ryan, ngke e oti n te tamnei bwa e a Mangauti Iesu Kristo. “Taraia, Tinau! E a manga maiu riki!”
“E koaua anne,” e kaeka Tinana. “E a uti! N aron are e taku te anera n te Baibara.”
Rimwi, e otinako Ryan n takakaro itinaniku. E noora Liam bwa e takakaro ma te kai i aan te aroka ae te mango.
“Liam! I tangiria ni kan taekina nakoim te karaki ae kakaongora, e taetae Ryan.
E tataninga Liam ngkai Ryan e a tekateka iaan te aroka ae te mangko. “Taekan taian kaa?”
“Tiaki. E riaon riki anne!” E taku Ryan. “Bon taekan Iesu. E mate, ma ngkane E manga maiu.”
“Ko koaua raoi?” E titiraki te Liam.
“Eng! E taku te Anera,‘ Akea ikai, bwa E a uti!’ Ibukin Iesu, ti na manga maiu riki.”
“Auee!” E taku Liam. E aintoa Iesu
E katoua atuuna. E iangoia bwa mwaitira ana tangira Iesu Kristo ibukina. E kaonaki nanona n te kukurei. E tibwaua te rongorongo ae raoiroi nakoia ana utu, ao ai anne naba te bwai ae kanakoraoa ana Itita.
Tamnei iroun Margarida Esteves. Katotongana bon ti ibukin bwain te Ekaretia.