“Itita ni Kabuta te Aonaaba,” Te Rao, Maati 2026, 28–29.
Itita ni Kabuta te Aonaaba
Reiakina katein te Itita man aba aika kakaokoro ni buokiko n uringa te Tia Kamaiu.
Armenia
Ikai, A karanaki taian bunimoa n te uraura n tei ibukin raraan Iesu Kristo. N te Itita, a taku aomata, “E a uti Kristo man te mate! E neboaki Mangautin Kristo!” A uaia n ibea aia bunimoa imwiina.
Ghana
A mwaiti aomata aika oneia n te mainaina n Tabatin te Itita bwa a bukamarua Mangautin Iesu Kristo ao ana Tokanikai i aon te mate.
Guatemala
N tain te Itita, a kaona te kawai aomata n taian kaabeti matamata aika karaoaki man bubuntao ao te uee. E bon rang tamaroa korobannan taian kaabeti aikai. Tabeua bon iai iaona tamnein te Tia Kamaiu.
Tiaman
Te Kanimabong ae tabu bon te “motirawa ae mabu” uarereke iai tangin bwaai ni katangitang ao ni karako bobotaki n aia tabo te botanaomata. E karekea aia tai aomata n tarai baike e a tia ni karaoia Iesu Kristo ibukia.
Peru
A mwaiti utu ni botaki ma 12 aeka n amarake n te Kaabong ke te Kanimabong imwain te Itita. Te amwarake aei e bon tei ibukin ana Kabanea ni Katairiki Iesu Kristo ma ana Abotoro ake Tengaun ma Uoman.
Biribin
N Tabatin te Banni, a bibirii banni aika rianako tikiraoia aomata. E buokiia ni kauringiia aroia kain Ierutarem ni butimwaea Iesu Kristo ma banni n tain te Wiiki ae Tabu.
Kamatataan korotamnei iroun Flavio Remontti. Katotongana bon ti ibukin bwain te Ekaretia.