“Bwa E Tangira te Aonaaba te Atua,” Rao, Maati 2026, 2–3.
Man te Beretitentii n te Moanrinan
Bwa E Tangira te Aonaaba te Atua
E rangi n tangiriira Tamara are i Karawa n te aro are E kanakoa Natina ae, Iesu Kristo, ni buokiira n oki Nakoina.
E ataia Iesu bwa a na iai taai i nanon maiura ae ti na namakina iai te nanokawai, te maraki, ao te maroaa. Ti na karaoi kairua ao ni bon maaku n taai tabetai. Inanon te Onaroka are Ketetemwane, e rineia Iesu Kristo bwa E na namakinii bwaai akanne bwa E aonga ni mataata ao n anga buokara ae nakoraoi. E korakai naba ibukin ara bure bwa ti aonga ni konaa n rairi nanora. (Taraa Aramwa 7:11–13.)
E ataia naba Iesu bwa e na roko te tai, are ti na bane ni mate. Te mate bon te bwai ae na riki ao mwakoron te waaki n te maiu aei. Ma e aki tangiria te Atua bwa te mate bon tokin ara karaki. Ibukina bwa e anga maiuna ao ni mangauti Iesu Kristo, ti na bon manga bane ni mangauti. Aio bukina ngkai E rineia bwa E na mate ibukira.
Ti arana te bwai are e karaoia te Tia Kamaiu bwa Ana Mwakuri ni Kamaiu Iesu Kristo. Te bwaintangira ae tabu aei e karaoaki ma te tangira ibukira. Uringnga, bwa e tangira te aonaaba te Atua n te aro are E anga Natina, Iesu Kristo, (taraa Ioane 3:16). Ao e rangi n tangiriira Iesu ngaia are E anga Maiuna bwa ti aonga ni konaa n oki rikaaki ni manga maeka ma te Atua.
Te Itita bon Ibukin te Tangira
Iraua te tai ae ko kunea te taeka ae tangira ke tangiraki inanon kiibu aikai? Korea maitina irarikin kiibu nako, imwina mwakuriia ao kaota rekena. Ngkana e reke am reke, kataia karaoi bwaai aika mwaiti n tibwa ana tangira Iesu ma tabeman.
Ioane 3:16
+
Ioane 13:34
+
I-Ebeto 5:2
-
Ioane 15:13
-
I-Rom 8:35, 37
=