Ana Wiiki ae TabuMia

A wareka karakinan Tabatin te Palm Mom ao Dad man booki aika tabu. Ngke e rinanon Ierutarem Iesu Kristo, a katiotioi baan kaai aomata ao takaruaa, “Otanna!”

E taua tamnein Iesu i aon te ati mwaneu ae Lucy. Ti katiotioi ara banikai aika beeba ngaira ake nikirana. I namakina te kukurei ngkai I iangoa ae I butimwaea Iesu.

E roko unin Iesu ngke a kabonakoi bwaai aomata i nanon te tembora, ngaia are E a tewenakoi i tinaniku. Ti rikoi mange mai ibuakon aroka ni katobibia te autinibootaki. I kukurei bwa ti kona ni buoka tararuaan Ana auti te Atua!

E warekii karaki Mom are e a tia Iesu Kristo n tuangiia aomata. Ti ongora ao ni kabongana te clay ni karaoi bwaai ake man te karaki. E karaoa te tiibu Lucy ibukina bwa Iesu bon te Tia Kawakin Tiibu ae Tamaroa. I karaoa te taura te oera ae uarereke. E buokai ni kauringai bwa na kateimatoa te onimaki i nanou.

E karakina nakoira Dad taekan Mary ngke e angan Iesu Kristo te oera ae boiarara ibukin waena. E kaona nanon te auti boina ae boiarara.

Bon akea iroura te oera ae boiarara aei. Ma irarikina, ti kabongana te cinnamon ni karaoa te amwarake. E taku Mom bwa ngkana ti aroka boin te cinnamon ngkana e umwnaki bwa karara, ti riai ni iangoia bwa tera ae ti kona n angan Iesu.

Ti kaurai taura nenea ao n anenea te anene, n aron are a anene Iesu Kristo ao Ana reirei n tain te Kabanea ni Katairiki. Ti kana te kariki ae ran ao n nima ranin te kureebe ni kauringa te moan toa. Ti kana naba te uanikai ae te pomegranates ni kauringiira raraan Iesu, ao te oriwa ibukin te onaroka are Keketemwane.

Ngke ti amwarake, e rebwe te baa itinaniku. I namakina te mano ao ni kakaitau n ataia ae e a tia Iesu ni kaitaraa te buaka ae rotongitong.

Ti wareka taekan aron Iesu Kristo ngke e mate ibukira. Imwina ti anaa te bwaketi ae nnen te uee ae akea kanoana nakon te onaroka ao ni kararikirikia, kanga aiaron te ruanimate. Ti kaona rarikina n te tano ao atiibu ma ti katuka matana n aki tauna. E anganiira Mom tein rabwatan te aomata n onea mwin rabwatan Iesu. Ti karaua raoi ni bautia n te kunikai ae mainaina ao ni katikua inanon te bwaketi ae nnen te uee.

E ngae ngke bon ti te bwaketi ae nnen te uee, I bon namakina naba te nanokawaki ngke I kaina matana ma te atiibu.

E taku Mom bwa imwin maten Iesu Kristo, E baronga te mwakuri ni mitinare n te aonaaba n tamnei. Anne te kawai are aomata ake aki reiakina Ana euangkerio i aon te aba e kona ngkai n reiakina Taekana. Inanon taian tembora, ti kona ni bwabetitoaki ibukiia aomata ake aki bwabetitoaki imwain mateia.

Lucy ao ngai ti bon tuai tau n rin inanon te tembora, ma ti ibuobuoki ni korei ni kaokoroi ara n te kaati. A karekei aia tai Mom ao Dad ni karaoi mwakuri ibukiia aomata ake iaon te kaati ao n nakonako ma ngaira ni katobibia te tembora. E ngae ngke mai tinaniku, e riki te tembora bwa kanga ai aron karawa.

Ni moaningabongin te Itita ai akea te atibu are imatan te bwaketi ae nen te uee ao akea kanoan te kunikai. Iai te kaati ae koreaki i aona, E a uti!

I a kaman ataia bwa Iesu Kristo boni ngaia oin te Itita. Imwin bukamaruan te Wiiki ae Tabu, I namakinna ae I rangi ni kinna raoi.