“Te Babaire ae Raoiroi,” Rao, Maati 2026, 4–7.

Te Babaire ae Raoiroi

Iai ana babaire Tamara are i Karawa ibukira, imwain ae karuoira nakon te aonaba aei. Bwa ti na bungiaki ao n reiakinaki ao man rikirake i aon te aba. Ti na toua kawain te berita ae tabu ao n karaoi rinerine aika tamaroa.

Tamara are i Karawa E ataia bwa ti na kainnanoa te ibuobuoki. E ataia naba bwa ti na karaoi rinerine aika aki tamaroa ao ni bwaka n tabetai. Ti bon aki kona n oki Nakoina ngkana ti aki itiaki.

Ti kainanoa temanna ae onoti bwa e na buokiira ni kaitiakiira man ara bure. Iesu Kristo bon ana rikitemanna n Nati Tamara are i Karawa. E kataua bwa e na ruo nako aon te aba ao ni kamaiura man ara bure.

Tamneia taan rabakau aika toka i aon te kamero ao n iriira te itoi

Inanon bubua n ririki, ao a tataninga aomata bungiakin Iesu. E a roko te bong, are e a kaoti iai te itoi ae boou i karawa n tuanga te aonaaba bwa e a roko te Tia Kamaiu.

N ana tai n rikirake Iesu, E reireiniia aomata taekan te euangkerio. E akoi ao n tatangira. E kakabwaiaiia ataei.

Tamnein te Tia Kamaiu ngke e kamaiua te aine ae aoraki i aon ana kainiwene

E reirei bwa ti na Iriria ao n taraia temwangina n aron are Karaoia. E kamarurungiia aomata ake a aoraki. E kauta te mate.

Tamnein Iesu Kristo Ngke e tataro i Ketetemwane

E ataia Iesu bwa e a roko tain Ana kakai ae korakora. E nakon te Onaroka are i Ketetemwane ao n tataro ikekei. E namakina te maraki man ara bure nako ao te nanokawaki ao te aoraki.

Iai aomata ake a un iroun Iesu. Aki nano n Ana reirei ao n aki kakoaua bwa Ngaia natin te Atua. E katikaki Iesu ao n tauraki n te kaibangaki, ike E a mate iai.

Te koraki ake a tanginiwenei a katauraoa rabwatan Iesu inanon te ruanimate

A taonaki n te nanokawaki raoraon Iesu. A kawenea rabwatana n te ruanimate ao n karabinoa te atibu ni kaina mataroana.

Tenibong imwiina, tabeman aine a nakon te ruanimate. E karabinoaki nako te atibu, ao n akea kaain te ruanimate! E tang Maria Mwaketara bwa e bua rabwatan Iesu. E titiraki temanna te aomata nakoina bwa tera bukin tangina. Ngke e taetae, ao e weteia n arana. E taraia ao n nooria bwa Ngaia bon Iesu! E a manga maiu riki!

Tamnein mangautin te Tia Kamaiu ni kaoti nakon Nei Maria Mwaketara

N te Itita ao ti bukamarua ana mwakuri Iesu Kristo are e karaoia ibukira. Ibukina bwa E maraki ibukiu, ti kona n raira nanora ao ni kaitiakaki. Ibukina E mangauti, ti na manga maiu riki! Ibukina, ti a kona ni maeka ma Tamara are i Karawa ao ara utu n te bong teuana.