“Kaotioti n te Itita,” Te Rao, Maati 2026, 16– 23.
Kaotioti n te Itita
Ko kona karaoi burokuraem aikai ma am utu ao raoraom ni karakina te Itita. Ko kona n oneiko n ai aroia kain Ierutarem n ana tai te Tia Kamaiu.
Ngkai ko waakina te burokuraem, iangoia bwa tera ae na riki ngkana arona bwa e mena ikanne Iesu. E na kanga am namakin? Imwiin karaoan te burokuraem, maroroakina te bwai ae kamwa tia n reiakinna ao n namakinna.
Mwakoro 1
Tabatin te Banni
Ana reirei Iesu a na tei n te rain ni karaoa te kawai ibukin te tia taua te tamnei ao n kaotiotioi aia banni.
Te tia karaki: Te Tabati imwain maten Iesu Kristo, E roko i Ierutarem i aon te taongki. “Ngke e a kaan ma Ierutarem … , a bane ni kimwareirei ana reirei aika bati ao a kamoamoa te Atua n te bwana ae korakora i bukini mwakuri ni kabane aika kamiimi ake a tia n noori.”
Te tia taua te tamnei e mwananga ao n taua te tamnei 1 (Iesu Kristo i aon te taongki). Ana reirei Iesu a takaruaea “Otanna” tabeua te tai inanon aia tai ni katiotioi aia banni.
Ana reirei Iesu 1: “E na karaoiroaki te Uea are nako mai n aran te Uea: te raoi i karawa, ao te neboaki ike moan te rietaata.”
Te tia karaki: “Ao ngke e a roko i Ierutarem, e bati te maningongo irouia aomata, ao n taku, Antai Teuaei?”
Ana reirei Iesu 2: “Aio bon Iesu te burabeti mai Natareta ao Kariraia.”
Ni kabane anenea te kateniua ni kibu n te kuna ae “Beautiful Savior” (Aia Bokin Anene Ataei, 62-63).
Mwakoro 2
Te Kabanea n Amwarake
Te tia karaki N te Kabong, e botaki Iesu ma ana reirei ao e angania te toa.
Te tia taua te tamnei e mwananga ao n taua te tamnei 2 (Ana Kabanea n Amwarake Iesu). Ana reirei Iesu a tekateka ni katobibi ao n taraa tamnein Iesu.
Te tia Karaki: “Ao ngke a tabe n amwarake, Iesu e ana te kariki ao e kakabwaia, ao e tatabeutaia, ao e anganiia, ao e taku, Anaia, ao kanna; rabatau aei.”
Karaurau, temanna mai ibuakoia ana reirei e na taua te kariki.
Te tia karaki: “Ao e ana te mwangko, ao ngke e tia ni katituaraoi, e anganiia; ao a bane ni mooi mai iai. Ao e taku nakoia, Aio bon kauringaan raraau are e kawawaeaki ibukia aika mwaiti, ao te kakoaua ae boou are I anga nakoimi.”
Karaurau, temanna mai ibuakoia ana reirei e na taua te Mangko.
Te tia karaki. E reirei Iesu nakoia te bwai ae rang kakawaki. E taku, “I anganingkami te tua naba ngkai, Bwa kam na itangitangiri; n ai arou ngke I tangiri ngkami. … “Ane a na ataingkami aomata ni kabaneia ba au reirei ngkami n aei, ngkana kam i tangitangiri.”
Ni kabane anenea “Love One Another” (Aia Boki n Anene Ataei, 136).
Mwakoro 3
N te Onaroka i Ketetemwane
Te tia karaki: “Ao akea bwa e a roko Iesu irarikiia n te tabo ae aranaki bwa Ketetemwane, ao n taku nakoia ana reirei, Tekateka ikanne, bwa N na nako n tataro.”
Ana reirei Iesu a ikotaki n tekateka n teuana te tabo. Te tia taua te tamnei e mwananga irarikiia, ao n taua tamnei 3 (Iesu ngke tataro n te onaroka).
Te tia karaki: “Ao e kararoa [Iesu] riki teutana, ao E katorobubua ni bobaraaki, ao E tataro ni kangai, O Tamau, ngkana tao e konaki, ao e na nako mai irou te mwangko aei: ma akea au taeka, ma bon ane i Roum.”
Ana reirei Iesu a wene ao ni bakaea aongkoa a matu.
Te tia karaki: A matunako ana reirei, ngke tataro te Tia Kamaiu. E korakai n ti ngaia Iesu n te onaroka. E namakina marakira ao rawawatara ao n atai kainanora ake ti kainanoi. E korakai bwa e aonga ni kabwaraki ara bure.
Ni kabane anenea “Gethsemane” (Anene—n Taromauri ao n te Mweenga, no. 1009).
Mwakoro 4
I aon te Kaibangaki
Te tia karaki: Ngke tia n tataro Iesu, a roko tautia ni kabaea ao ni katikia. E ngae ngke akea te kairua ae e a tia ni karaoia, a baireia mataniwi bwa E na kamateaki.
Te tia taua te tamnei taua tamnei 4 (Iesu ngke tine n te kaibangaki). Ana reirei Iesu a katarobubua ni kamironron, ao n taraa te tamnei.
Te tia karaki: Ngke E tine n te kaibangaki, E taku Iesu, “Tamau, kabwara aia bure, bwa aki ata te bwai ae a karaoia.” E ngae n rawawata, ma E teimatoa ni kaota bannan te tangira ma te kakabwara bure.
Ni kabane anene “There Is a Green Hill Far Away” (Hymns, no. 194).
Mwakoro 5
N te Ruanimate
Te tia karaki: Imwiin maten Iesu Kristo, E kaweneaki rabwatana n te ruanimate inanon tenibong. N te kateniua ni bong, a mwananga Maria Mwaketara ao aine riki tabeman ni kawara te ruanimate. “Ao a kunea te atibu bwa e a tia n rabino nako. … Ao ngke a rin, ao a aki kunea rabatan te Uea are Iesu.”
Maria ao raona aine ake tabeman a mwananga ao n taraa n nanokawaki, ao n aki rau nanoia.
Te tia karaki: A roko uoman anera ao n taetae nakon te aine aei.
Anera 1 ao Anera 2 a kaoti nakon Maria.
Anera 1: “Tai maaku ngkami … bwa I ataia bwa kam ukoukora Iesu, are kamateaki n te kaibangaki.”
Anera 2: “Akea ikai: bwa E a uti.”
Te tia karaki: “Ao a waekoa ni birinako … ma te maaku ao te kukurei i nanoia ae korakora; ao a biri n nako ni kaongoia [ake tabeman] ana reirei Iesu.”
Maria ao aine ake tabeman a biri ma te kimwareirei ao n tibwa te rongorongo ae kakukurei nakoia aomata.
Maria: E a uti! E maiu Iesu Kristo!
Te tia taua te tamnei taua tamnei 5 (mangautin Kristo). Ni kabane okira nuuka.
Te tia karaki: Iesu e a manga uti n ingabongin te Itita. Ibukina iai Iesu Kristo, a bitaki bwaai nako. Ti kona ni karekea te kaantaninga, te rau, ao te kukurei. Bukina bwa E maiu, E na maeka ibuakora ngkai ao n aki toki.
Ni kabane anenea “Jesus Has Risen” (Te Rao, Eberi. 2025, 18–19).
Te kamataata n te tamnei iroun Róisín Hahessy. Korotamnei iroun Dan Burr. Katotongana bon ti ibukin bwain te Ekaretia.